الولد مريض والاب رافض العلاج

الموضوع في 'قسم الإستشارات القانونيه' بواسطة شمعه الكويت, بتاريخ ‏8 أكتوبر 2009.

  1. شمعه الكويت

    شمعه الكويت عضو جديد

    التسجيل:
    ‏4 أكتوبر 2009
    المشاركات:
    21
    عدد الإعجابات:
    0
    مكان الإقامة:
    كويت
    السلام انا امرأه مطلقه 21 سنه وعندي ولد عمره سنتين عنده مشاكل بالقلب من الولاده وسويتله عمليه بالخارج على حساب وزاره الصحه في شهر 3 والابو يا اخر اسبوعين واخذ التقارير وما سلمني اياها فضظر الدكتور لعمل قسطره تشخيصيه فيا الابو وخذا نسخه من توقيعي على القسطره معنى انا داقه عليه وسكر الخط والمستشفى دقوا عليهوه سكره تفاجاة ان يا للدكتور وطلب منه ان ولدي ما يقوم باي عمليه لان بسفره بالخارج على حسابه وهذي حجه طبعا وهذا من شهر 4/2009 لي اليوم 10/2009 وما سوى شى استاءة حالت ولدي فقرر الدكتور ان لازم يركب دعامه مؤقته لين يسافر لاستكمال علاجه وهم فرض الاب


    الاسئله 1_ شلون اثبت للاب رافض

    2_ يصير اسافر مع الولد للعلاج وعندي موافقه على اجراء العمليه
    3_شنو القضيه الي ارفعها
    sh_ma_3@hotmail.com ارجو الرد بأسرع وقت



    انشالله ما يطيح احد بضيقه ويكون حلها بيد شخص بعد الله
     
  2. فيصل الفضلي

    فيصل الفضلي عضو جديد

    التسجيل:
    ‏28 يوليو 2009
    المشاركات:
    31
    عدد الإعجابات:
    0
    اختي العزيزة
    انا انصحك بان تجمعين كل الاوراق والتقارير الخاصة بالولد حتى اوراق موافقة وزارة الصحة لاجراء العملية بالخارج وان تذهبي لمحامي وهو يتولى الامر كله.
     
  3. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    شكو تحطين عمرج الله يهداج

    إرفعي عليه قضيه مستعجله من أحد المحامين يطالبه باللي تبينه وإهني المحكمه تحكملج بناءا على التقارير وحالة الطفل

    وتعطيج توكيل بالولد ولا تحتاجينه بشي مره ثانيه .
     
  4. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    انا راييي اخذي ولدج وسافري فيه وعالجيه باسرع وقت
    اما اذا ماعندج اوراقه اخذي تقرير طبي من الدكتور اللي يعالجه ورفعي قضية مستعجل طالبي فيها بالزام الاب بتسليمج كامل مستندات الولد والتصريح لج باتخاذ كافة اجراءات علاجه بالخارج وحاولي ان الدكتور يشهد معاج باللي صار
    يعني هذا رايي المتواضع
     
  5. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    الله يعينج ... مشكلة ... وتعقيد

    ما راح تقدرين تلزمينه انه يعالجه على حسابه بالخارج ...

    يعني مالج الا وزارة الصحة ...

    مفروض تقدمين انتي الطلب ... اذا وافقوا وهو رفض ... لها حل لحاله

    واذا رفضوا بسبب الاجراءات والشروط .. يكون هو غير مسئول

    واذا رفضوا بسبب عدم توقيع الاب .. هنا تستطيعين اقامة دعوى بالزامة بالتوقيع او حلول موافقة المحكمة بدلا منه ...

    بس انتي اول تحركي وراجعي الصحة ... ولكل حادث حديث
     
  6. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    سوي تقرير حق الولد وكتبي كتاب عشان العلاج في الخارج وراسليني عشان أعطيج رقم أحد الأعضاء وأوصيه عليج الموضوع سهل والصحه ما تقصر .

    ورجاءا أحسنوا الظن يا إخوان أنا حطيت مشاركتي على العام وكنت أقدر أراسل الإخت على الخاص من غير محد يشوفني لحد يروح فكره بعيد
     
  7. شمعه الكويت

    شمعه الكويت عضو جديد

    التسجيل:
    ‏4 أكتوبر 2009
    المشاركات:
    21
    عدد الإعجابات:
    0
    مكان الإقامة:
    كويت
    مشكورين يا اخوان على الاهتمام .

    على موافقه اللجنه فعندي تقرير بالموافقه من ثلاث شهور وكان في زائر امريكي عطاني حل مؤقت تركيب دعامه وهم طلبو موافقه الابو وحدد يوم العمليه ودزيت انذار للابو هم ما يا والزائر اجل العمليه خوفا للمسائله القانونيه وهذا الي عرفته ان الدكتور بلغه بطلب الاب ان رافض

    واذا كان على اني ارفع قضيه مستعجله اقل المده قالولي المحامين 3 اشهر ولدي عمليته لازم حد اقصى شهر وثاني شغله الصدمه انا عندي حكم محكمه احوال الوقتيه باجراء عمليه للطفل بس حدد القاضي الله يسامحه حدد العمليه والتاريخ فيها ولمن وديت الحكم للدكتور كان طايف الموعد بس عطاني كتاب كتب في ما معناه بسبب تاخر الحم تم تاجيل العمليه لموعد اخر ولمى يا الموعد الاخر طلب حكم بتاريخ جديد ورفضت مره ثانيه قالولي لا السفر رفعي مستعجل

    وضاعت الفرص
     
  8. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    القاضي ليش يدخل بهالمواضيع المفروض يصرح باجراء العملية بالوقت اللي يحدده الطبيب اكبر غلطة ارتكبها القاضي ان يتدخل بتحديد موعد معين والضحية الطفل
    لاحول ولا قوة الا بالله
    بس اختي حسب تجربتي المستعجل ماياخذ 3 اشهر خاصة اذا القاضي تعاطف معاج اظن اقل اتوقع بحد اقصى شهر لاتيأسين والله يشافي ولدج يارب

    في حل ثاني اذا تقدرين تدبرين مبلغ تطيرين بولدج وتعالجينه باسرع وقت ولا قضية ولا بطيخ ولا ابو ماعنده رحمه
     
  9. نجد الخليج

    نجد الخليج عضو جديد

    التسجيل:
    ‏8 أغسطس 2009
    المشاركات:
    54
    عدد الإعجابات:
    0
    مكان الإقامة:
    السعودية **وطن الرجال
    الله يشفى ولدج ان شاء الله : اما بالنسبة لسفر المحضون

    للولي الاحتفاظ بجواز سفر المحضون، إلا في حالة السفر فيسلم للحاضنة. ...


    وان رفض ترفع للقاضى ،،