عرض علي محلات للبيع ... ساعدوني بخبرتكم ...

[نواره1]

السلام عليكم ...

أطلب من أهل الخبره ... مساعدتي لأن صج محتاره ...

عرض علي ثلاث محلات من إحدى معارفي في أسواق القرين ... وهم عباره عن مطعمين و محل حلويات ... .. بخلو للمحلات الثلاثه بمبلغ سبع آلاف دينار .. و أجار المحلات 1200 دينار .......

وهي تقولي لو ما كانت محتاجه ما تبيعهم ... و انها تبي تفيدني ...


اشرايكم بهالكلااااااام ... !!!

تنصحوني .. أشتريهم و إلا أبتعد ... أخاف ان أخذتهم .. أدخل بمتاهات أنا بغنى عنها .. و بنفس الوقت يمكن يكون كلامها بالفعل صحيح و أكون ضيعة فرصة حلوه ... و أنا بحيره ... اللي عنده خبره .. أتمنى ما يبخل علي بالنصيحة ...

 

[قلم حر]

رايي تاخذين محل واحد وهو مطعم ويبيع حلويات

مو احسن ​

 

[ابويحيى1]

السلام عليكم
اختي نوارة انتي معرضة الان لعملية نصب
اى نصب
اذا هذى صديقتج الى تبيلج الخير جذى وشلون الى تكرهج
روحى انتى بنفسج لاسواق القرين او اختارى الموقع الى تبينة
ايجار المحل تقريبا 300 دينار راح يدفعونج ايجار ثلاث اشهر مقدم وايجار شهر تامين يردلج اذا هديتى المحل ويعطونج ثلاث شهور مجانا وشكرا

 

[نواره1]

رايي تاخذين محل واحد وهو مطعم ويبيع حلويات

مو احسن ​

مطعم و حلويات بنفس الوقت ما تصير ... !!!

بس فكرة المحل الواحد ممكنه ..


مشكووووور يا قلم .. لا خلا و لا عدم ..

 

[ابومحمد 2009]

استخيري بالله عز و جل

واخذي وخلي من كلام بعض الاعضاء

 

[نواره1]

السلام عليكم
اختي نوارة انتي معرضة الان لعملية نصب
اى نصب
اذا هذى صديقتج الى تبيلج الخير جذى وشلون الى تكرهج
روحى انتى بنفسج لاسواق القرين او اختارى الموقع الى تبينة
ايجار المحل تقريبا 300 دينار راح يدفعونج ايجار ثلاث اشهر مقدم وايجار شهر تامين يردلج اذا هديتى المحل ويعطونج ثلاث شهور مجانا وشكرا

أخوي أبو يحي ...

هي مو صديقتي .. هي من معارفي .. و لو كنت واثقه من عرضها .. ما طلبت الإستشاره ...

لأن سبحان الله فيه ناس تثق بكلامهم .. وفيه ناس ما ترتاح لهم حتى لو كانوا صادقين ...

أنا لو كنت مرتاحه لعرضها و مطمئنه .. كان ما كنت بحيره و طلبت الإستشاره ...

وكنت بكل الحالات بستخير ربي ... لكن قلت ممكن أهل الخبره يفيدوني بعد الله ...


و ألف شكر لك يا خوي .. و نصيحتك .. إن شاء الله من ميزان حسناتك ..

 

[Kyokushin]

اخونا جنرال بيفيدج اكثر
ان شاء الله يدش وينصحج وبعدين تقدرين تقررين تاخذين او لا

 

[NoOoOoR]

استخيري بالله عز و جل أول شي

وعقبه فكري براحتج ولا تستعجلين

والله يوفقج

 

[العاشق]

نواره 00 الله يوفقج ان خذيتيهم وان ماخذيتيهم 000

بس جان حظج مثل حظي منتي بخير 00

 

[بونواف]

انا برايي الافضل تبتعدي لانه اسواق القرين ماعليها اقبال وكل شهر منزلين بسعارهم حتى لو بدون خلو لا تاخذين
وموفقه خير

 

[maha_Q8]

اختي نواره
اولا الله يوفقج ويسهل عليج

ثانيا لازم تسوين دراسه على مكان الاسواق عشان تعرفين
اذا السوق ماشي ولا لا
في اقبال عليه من ناحية الشراء في طلب على الاسواق
عشان بس تتاكدين قبل الشراء

 

[الذيبة]

نــواره ,,,,,,

استخيري ربج وإن شاءالله يدبرج على حسن تدبيره ,,,,,,,,,

عنواني عــ ( الخــــاص ) ​

 

[نواره1]

استخيري بالله عز و جل

واخذي وخلي من كلام بعض الاعضاء

و نعمه بالله ... الله يجزاك خير يا خوي ...

اخونا جنرال بيفيدج اكثر
ان شاء الله يدش وينصحج وبعدين تقدرين تقررين تاخذين او لا

وينه السيد جنرال .. بعمم عليه ...
مشكور يا خوي ... ما قصرت ..

استخيري بالله عز و جل أول شي

وعقبه فكري براحتج ولا تستعجلين

والله يوفقج

و نعمه بالله ... مشكوره يا النور ..

جعل ربي يريحك و يسر أمورك إن شاءالله ...

انا برايي الافضل تبتعدي لانه اسواق القرين ماعليها اقبال وكل شهر منزلين بسعارهم حتى لو بدون خلو لا تاخذين
وموفقه خير

مشكور يا خوي على النصيحة ..

أنا مو مرتاحه للعرض .. لكن قلت يمكن فيها فايده ...

و سبحانه الله .. خالي قبل اشوي كان معاي على الخط ونفس كلامك بالضبط .. قالي ابتعدي ...

والله يكتب اللي فيه صالح للجميع ..
ومشكور ما قصرت ..

اختي نواره
اولا الله يوفقج ويسهل عليج

ثانيا لازم تسوين دراسه على مكان الاسواق عشان تعرفين
اذا السوق ماشي ولا لا
في اقبال عليه من ناحية الشراء في طلب على الاسواق
عشان بس تتاكدين قبل الشراء

مشكوره يا مهاوي على الدعوه الطيبه وعلى النصيحة الثمينه ..

أنا سألت و السوق إلى الآن مو ماشي ... لكن أحيانا أهل الخبره عندهم تطلعات ممكن تفيدنا ...
مشكوره .. و نصيحتك بميزان حسناتك إن شاءالله ...

 

[فضل]

مساء الخير يا التاجره أو مشروع تاجره

انا برأيىء ان اسواق القرين ما لها قبول عند الناس إما بسبب موقعها

او بسبب ضعف التغطيه الاعلاميه لها ، وحتى لو بالمستقبل تبى

تنشط ، اتوقع مو قبل كم سنه

لذا ما انصحج فيها​

 

[نواره1]

نواره 00 الله يوفقج ان خذيتيهم وان ماخذيتيهم 000

بس جان حظج مثل حظي منتي بخير 00

مشكور عويشق على هالدعوه الحلوه ...

والله يعدل حظك .. و يرزقك بأوسع أبوابه ...

 

[سيف راكس]

نواره1 مري عليهم الظهر المطعم والعصر الحلويات شوفي فيه اقبال لمده يومين .. لوفيه اقبال بسيط اتوكلي على الله لان لهم مستقبل بس شوفي الاقبال بنفسج واذا ما تبينهم انا.......احم احم ..لانه سعرهم سعر السوق بس مستفيده ديكورات المحلات تكلف

 

[بوعلي الشمري]

السلام عليكم

الواحد يبدأ من الصفر وانتي ماشاء الله عليكي ثلاث محلات طقه وحده !!
اجار 1200+4 عمال بكل محل 150دينار معاش الواحد بالطايح=1800يعني لازم 3000دينار شهريا تدفعين غير المواد تقدرين ؟؟ وهل عندك خبره بمجال المطاعم والحلويات هذا شغل يبى مقابل ولازم تشوفين نسبه المبيعات بالمده الى طافت هم يبيلك خدمه التوصيل كم سايق نصيحه انحاشي يدينك قبل رجلينك .. فيكى مشروع خليه في بيتك اوفر وافضل ومافي خساير

 

[NICK]

السلام عليكم ...

أطلب من أهل الخبره ... مساعدتي لأن صج محتاره ...

عرض علي ثلاث محلات من إحدى معارفي في أسواق القرين ... وهم عباره عن مطعمين و محل حلويات ... .. بخلو للمحلات الثلاثه بمبلغ سبع آلاف دينار .. و أجار المحلات 1200 دينار .......
وهي تقولي لو ما كانت محتاجه ما تبيعهم ... و انها تبي تفيدني ...


اخت نواره ..انا عندي محل هناك ..وعارف الامور كلها ..والي يقولج عملية نصب حرام عليه ظلمها ..



لوع الي صار هناك ..ان المحلات حلت عليها الاجارات من شهر ثمانيه والسوق توه بدا يتنفس والله العالم توقعي ..وانا قاعد اسال ..

ووصلي خبر من اهل السوق ان في اسواق كبيره مثل لولو هايبارك ..ورامز

راح تفتح شهر 12 او شهر 1

...يعني اذا فتحوا راح يبدا يشتغل السوق وتبدا الناس تمر السوق ..

وفكرة المطعم حلوووه جدا ..وشوفي حسبيها حسبه بسيطه ..

انا بعطيج هامش الربح والخساره

اذا قادره تتحملين .. تكاليف المحل سنه كامله ((هذي اسوا الاحتمالات ))
والله العالم ...راح يبدا المحل يدخل عليج ..

اذا كنت متفائل راح يبدا يدخل ان شالله من ثلاث شهور وبعدها .

وبالنسبه للي يقولج روحي وتلقين محلات ..يمكن تلقين بس مو التخصص الي تبينه ثانيا بتكون المواقع سيئه لان المواقع الزينه راحت

هذي جدوى اقتصاديه مصغره المشروعج ..واي استفسارات انا حاضر

ملاحظه اخيره ...حاليا تقدرين تضغطين على صاحبتج ..وتاخذينه بخلو ابسط من الي عرضته ..

.

 

[نواره1]

مساء الخير يا التاجره أو مشروع تاجره

انا برأيىء ان اسواق القرين ما لها قبول عند الناس إما بسبب موقعها

او بسبب ضعف التغطيه الاعلاميه لها ، وحتى لو بالمستقبل تبى

تنشط ، اتوقع مو قبل كم سنه

لذا ما انصحج فيها​

هلا يا الفضل .. أنا سمعت نفس الكلام ... يبيلها وقت .......

ومشكور على النصيحة ...

 

[نواره1]

نــواره ,,,,,,

استخيري ربج وإن شاءالله يدبرج على حسن تدبيره ,,,,,,,,,

عنواني عــ ( الخــــاص ) ​

و نعمه بالله ...

أنت عنوان المحبه .. محد يضيعه ...

مشكوره يا الغلا ...