ماهو افضل مطعم لعروس الرجال؟

[خبز مسمسم]

يااخوان حبيت استفسر من اهل الخبر شنو افضل مطعم لعروس الرجال طبعا ابي بوفيه شي فاخر واكل حلو وخدمه ممتازه،
ارجوكم لحد يقولي الوطنيه والشاميه ترى من افشل المطاعم بنظري ولا ابي مطاعم الغاليه شيراتون وربعه ؟
نرجو الإفاده من الذويقه(؛
وشكرا

 

[sound blaster]

بالنسبه لي الوطنيه للتجهيزات الغذائيه خوش مطعم صراحه ..

 

[كويتي صعب]

مركز الخليج...........وانت مغمض مكانهم بالشويخ خلف اليوسفي باناسونيك

 

[دبس الرمان]

مركز الخليج...........وانت مغمض مكانهم بالشويخ خلف اليوسفي باناسونيك

الخليج ممتازين ويبيضونها مبروكين مقدما ولا تنسا تعزمنا

 

[بو سارونه]

دار الضيافه وعندك بعد الديك الرومي

 

[70 abo-talal]

مركز الخليج وبس

 

[خبز مسمسم]

ياجماعه انا ناس قالولي رويال موفنبيك وله اشرايكم؟
بعدين مؤكز الخليج مادري احس صار قديم ماعنده شي يديد؟

 

[هامور 2000]

خلك على رويال موفمبيك شغل عدل
بس سعره غالي شويه
مبروكين مقدما

 

[متداول اسلامي]

الكل يدخل ويحكم بنفسه على مطعم رويال موفمبيك
http://www.indexsignal.com/vb/showthread.php?p=2459905#post2459905

توني كاتب موضوع

 

[ابوعامر]

الوطنيه شغل عدل بصراحه

 

[nabhaan79]

بالنسبه للبوفيهات

الوطنيه شغل عدل

وإذا تبي مفاطيح

إنت جيب الذبايح بنفسك وروح مطعم الديوان اللي بالفروانيه تقدر تاخذ رقمه من 1808080 أو العزيمه اللي في صناعية الجهراء

ولا تعتمد على شركة البوفيه بخصوص الذبايح

 

[qadsawi]

اخوي انا عندي الوطنية احسن شي كاخدمة وبوفيه مية مية والخليج سيرفسهم تعبان ما يجيبولك سوالف التقديم إلابعد تحن عليهم وأذا جبابولك مرة يمكن يفكر بعد ساعتين الموقف مو عندي عند الكل ومو عرس واحد كذا عرس وشكرا واختار وتوكل علي الله واختار الوطنية وانت مغمض

 

[Camaro]

الطيبات والوطنيه والخليج واهم شي شوف شغلهم بعينك يعني دش مطبخهم وشوف لاتطلب من بره والبياعين يبالغون بالحجي وااااااااااايد

 

[bo remas]

اذا تبي اسأل مجرب مركز لألى الدوليه حولي دخلة شارع بن خلدون من ناحيه طريق الملك فهد واسعاره حييييييل حلوه يعني بالنسبه للوطنيه بوفيه عادي مافي سمج ولا ربيان يقولك الشخصب 3 دنانير هذا تاخذ منه احلى بوفيه فيه ربيان وسمج ويعطيك مجاني اكثر من الوطنيه ب2500

وموفق خير

 

[fai11sal]

الوطنيه والخليج نفس الشي كلهم ممتازين

 

[أبوفلان]

لا والله افضل مطعم اللئالئ الدولية شرط راح تدعيلي

يصفط الخليج والوطنيه

 

[خسران جداً]

شركة الوزان توهم طايحين فيها الناس...وشغلهم مرتب وحلو..احلى من الخليجه والوطنيه

 

[الـعـتـيـبـي]

اخوي مطعم بيت الدين على كيفك والمندوب اسمه ابراهيم زيدان وشامل كل شئ حتى التصوير وشئ مايفشلك من واقع تجربة

 

[انوفستي]

الرووووووووووووووووميييييييييييييييييييييييييييييييييييييي وبس والباقي خس

 

[مضارب مبتدىء]

الخالديه واقطع موطيبات الخالديه الخالديه ومكانهم جنه بالاندلس