أرجــــو المسـاعده والإجابه ممن يعرف ؟؟

[Abdulazeez]

السلام عليكم

الرجاء المساعده والإجابه الي عنده أي معلومه او جواب لأسألتي

1) هل أعتبر شركه ذو معدل P/E نازل وأقل من 9 جيد لو قلنـا أنه تقريبا الحين نص المعدل للسنه الي طافت يعني نقول قبل سنه كان أكثر من 21 والي قبلهــا فووق الـ 160 ممكن

2) إشلون نحسب الــ P/E ( معدل السعر السوقي للسهم مقابل ربحيه السهم ) يعني نقسم سعر السهم على ربحيه السهم قبل الجمعيه العموميه أو بعدها والسهم مجرد من الأرباح أو مع إنتهاء السنه الماليه أو .......... متى ؟؟؟!!!

3) شركه راح تنفذ أو نقول تشتري مشروع ضخم اكبر من رأس مالها أو مقارب له .. .. هل راح تدفع المبلغ من الأرباح أو الأرباح المرحله ومن إحتياطي الشركه لو كانت ما تبي تاخذ قروض نقوول من البنوك ؟؟ او راح تاذخ النص او أقل بس ؟؟


4) ودي أعرف صفحه البورصه السعوديه .. أو أي صفحه أحصل منها معلومات عن شروطهم لإدراج الشركات ببورصتهم و المطلوبات من الشركه للإدراج بسوقهم و ألسعار اليوميه للأسهم عندهم ؟؟؟

ولكم جزيل الشكر مقدمـا

 

[السهم الخارق]

هذا موقع تداول السعودي الرسمي

http://www.tadawul.com.sa/user/myhome.asp


وهذا موقع اكبرمنتدى لتداول الاسهم السعودي

http://www.tdwl.net/vb/

 

[Abdulazeez]

مشــكور أخوي

 

[المقرود]

الأخ/ عبدالعزيز المحترم

- كل ما يقل p/e فهذا أفضل ، ولذلك فإن الشركات اللي أقل من 10 تعتبر ممتازة ،
- بالنسبة حق التغير p/e بهذه الصورة فاحتمال واحد من اثنين ، يا إن أرباح الشركة زادت أو إن سعر السهم نزل (بالتوازن بين هالشيين) وعلى فكرة صعب يكون p/e = 160 أتوقع في غلط بالأرقام. راجعها
- طريقة حساب p/e أتوقع إن عندك لبس وعبالك إنك لازم تحسبها بنهاية فترة معينة. لأ مو شرط . تقدر تحسبها يوميا ، لأنها تتغير كل يوم. وطريقة الحساب تاخذ سعر السهم وتقسمه على الأرباح مالت السنة كلها ، وإذا ما كانت أرباح السنة طلعت بعد ، يعني مثلا عندك أرباح الربع الأول والثاني والثالث بس ما عندك الرابع ، تقدر أرباح الربع الرابع وتطلع النتيجة ومن خلالها تطلع السعر العادل للسهم.
- الشركات غالبا عندها احتياطي حق نفس ما تفضلت هالمشاريع الضخمة ، تقدر تستعين فيه بأي وقت ، أو من خلال تسييل الاستثمارات أو القروض من البنوك ، أما أرباح المساهمين إذا كانت مو معلنة (يعني ما أعلنو إن ربحية السهم هالكثر فيقدرون ياخذون منها) أما إذا كانت معلنة فما يصير إلا بحالة وحدة ، إن الشركة تعلن بآخر السنة المالية أن توزيع الأرباح راح يكون أسهم منحة مو نقدي لأن إذا نقدي الشركة ملزمة بتوفير هالمبلغ للمساهمين

وفقك الله

 

[Abdulazeez]

الأخ/ عبدالعزيز المحترم

- كل ما يقل p/e فهذا أفضل ، ولذلك فإن الشركات اللي أقل من 10 تعتبر ممتازة ،
- بالنسبة حق التغير p/e بهذه الصورة فاحتمال واحد من اثنين ، يا إن أرباح الشركة زادت أو إن سعر السهم نزل (بالتوازن بين هالشيين) وعلى فكرة صعب يكون p/e = 160 أتوقع في غلط بالأرقام. راجعها
- طريقة حساب p/e أتوقع إن عندك لبس وعبالك إنك لازم تحسبها بنهاية فترة معينة. لأ مو شرط . تقدر تحسبها يوميا ، لأنها تتغير كل يوم. وطريقة الحساب تاخذ سعر السهم وتقسمه على الأرباح مالت السنة كلها ، وإذا ما كانت أرباح السنة طلعت بعد ، يعني مثلا عندك أرباح الربع الأول والثاني والثالث بس ما عندك الرابع ، تقدر أرباح الربع الرابع وتطلع النتيجة ومن خلالها تطلع السعر العادل للسهم.
- الشركات غالبا عندها احتياطي حق نفس ما تفضلت هالمشاريع الضخمة ، تقدر تستعين فيه بأي وقت ، أو من خلال تسييل الاستثمارات أو القروض من البنوك ، أما أرباح المساهمين إذا كانت مو معلنة (يعني ما أعلنو إن ربحية السهم هالكثر فيقدرون ياخذون منها) أما إذا كانت معلنة فما يصير إلا بحالة وحدة ، إن الشركة تعلن بآخر السنة المالية أن توزيع الأرباح راح يكون أسهم منحة مو نقدي لأن إذا نقدي الشركة ملزمة بتوفير هالمبلغ للمساهمين

وفقك الله

السلام عليكم
بالأول مشكور أخوي على ردك ومساعدتك ... الرقم 160 أنـــا متأكد منه 100% لأن الربح ما تعدي الـ 1 فلس والســعر كان تقريبـا 160 أو 170 فلس بس ( هذا الي قرأته أنــا من الأوراق الي قدمها لي واحد من الشباب ) .
بالنسبه للأربـاح هي الي زادت .... وهم سعر السهم زاد وما نزل ، يعني الزياده صارت بالأرباح وسعر السهم وعلى العموم أنــا كنت اناقش واحد من ربعي وهو الي طلب مني استفسر له عن كم شغله وقرأت كم شغله هو طابعها وتاكدت من بيانات الشركه من الأوسط والبورصه وأكثر شيء من المركز الشرقي . وطلع كل شي صح .

( صج والله قبل ما أنسـى ... في حد عنده معلومات عن شروط إدراج الشركات بالبورصه السعودي من راس المال ( اعتقد 50 مليون ريال ) ونسبه الملاك ونسبه وكل شيء ؟؟؟

 

[دبل سهم]

الاخ العزيز ابو عزوز


المثل يقول دارك ياعمير اصلحلك
فالسوق السعودى انتفخ جدا وطارت الطيور بارزاقها
لكن اذا بتدخل انطر لما ياتى النزول الحاد وهو ليس ببعيد
الربحيه الشركات فى الكويت اعلى من السعوديه

اعدك باننى ساقرن بين البورصتين فى موضوع مستقل

 

[Abdulazeez]

الاخ العزيز ابو عزوز


المثل يقول دارك ياعمير اصلحلك
فالسوق السعودى انتفخ جدا وطارت الطيور بارزاقها
لكن اذا بتدخل انطر لما ياتى النزول الحاد وهو ليس ببعيد
الربحيه الشركات فى الكويت اعلى من السعوديه

اعدك باننى ساقرن بين البورصتين فى موضوع مستقل

أخوي فهمتني غلط

ماراح أدش السووق السعودي ... بس أبي أعرف شروطهم لأدراج الشركات عندهم
هي معلومه مهمه ابي اعرفها بس

 

[boalons]

اخوي بخصوص مكرر الارباح اذا كان منخفض معناته الشركه جيده اذا كانت ارباحها او معظم ارباحها تشغيليه , يعني اذا تبي تقيم السهم عدل احسب الربح التشغيلي فقط

وبخصوص النقطه الثانيه متى نحسب مكرر الارباح
المكرر الموجود بالبيانات الماليه للشركه هو لاخر يوم بالسنه الماليه

هناك طريقتين لحساب مكرر الارباح طريقه تكون الارباح اكتملت وتبي تقيم السهم بالوقت الحالي , وطريقه ثانيه انك تتنبىء بالارباح وتحاول تقييم السهم وتعرف كم راح يوصل سعره اذا كانت هذي ارباحه وهذا المكرر ماله

اخوي عبدالعزيز في موضوع عن مكرر الارباح بقسم المواضيع المهمه ان شاء الله يفيدك

 

[Abdulazeez]

اخوي بخصوص مكرر الارباح اذا كان منخفض معناته الشركه جيده اذا كانت ارباحها او معظم ارباحها تشغيليه , يعني اذا تبي تقيم السهم عدل احسب الربح التشغيلي فقط

وبخصوص النقطه الثانيه متى نحسب مكرر الارباح
المكرر الموجود بالبيانات الماليه للشركه هو لاخر يوم بالسنه الماليه

هناك طريقتين لحساب مكرر الارباح طريقه تكون الارباح اكتملت وتبي تقيم السهم بالوقت الحالي , وطريقه ثانيه انك تتنبىء بالارباح وتحاول تقييم السهم وتعرف كم راح يوصل سعره اذا كانت هذي ارباحه وهذا المكرر ماله

اخوي عبدالعزيز في موضوع عن مكرر الارباح بقسم المواضيع المهمه ان شاء الله يفيدك

مشكور وجزاك الله ألف خير أخوي