منو يطلع هالشخص ؟

ينتمي لأسرة حاكمة وحصل على الجنسية الكويتية
خليـجــي يطـالـب بلــقب «شيـــخ»


كتبت ابتسام سعيد: رفع أحد أبناء إحدى الأسر الحاكمة الخليجية دعوى قضائية ضد مدير الهيئة العامة للمعلومات المدنية طالبا إضافة لقب «شيخ» إلى اسمه بعد حصوله على الجنسية الكويتية.

وقال في دعواه إنه أحد أبناء الأسرة الحاكمة في إحدى دول الخليج وقد سبق له الحصول على جنسية خليجية أخرى، وكان يحمل جواز سفر نفس الدولة وبطاقة مدنية كويتية، وقد ورد اسمه بكل من جواز سفره وبطاقته المدنية مقرونا بلقب شيخ، وعند حصوله على الجنسية الكويتية قامت الهيئة المدنية بتبديل بطاقته المدنية بإزالة لقب الشيخ منها دون مبرر.

ولجأ المدعي إلى لجنة النسب وتصحيح الأسماء وطالب بأحقيته في إضافة اللقب إلى اسمه بالبطاقة المدنية فأفادت اللجنة بعدم اختصاصها بنظر هذا الطلب، فلم يجد بدا من اللجوء للقضاء لإلزام هيئة المعلومات بإضافة لقب شيخ إلي اسمه.



تاريخ النشر 13/10/2009

 

مكتوب بجريدة الراي من اسرة ال خليفة الكرام

 

غريب الخبر

 

مالهم حق يزيلونه دامنه شيخ والشيخ شيخ مدام مافيه شئ يعيبه ,,,

من حقه ,,,,,

 

أنا شيخ بعد ولا زعلت

إي والله أنا شيخ قبيله ولا زعلان ولا شي عادي أهو ليش زعلان

 

هههههههه

انزلوا الناس منازلهم هو متعود على المشيخه ,,,

 

الشيخ الزعلان شيخ بديرتة ودام صار كويتي يصير مواطن حاله حالنا لأنه شيوخنا آل الصباح وبس ومانرضى نسمي غيرهم عندنا .

 

اشيوخنا هم امراء وشيوخ الجزيره العربيه الله لايفرقنا وش اللي حاركم من الله اخلقه وهو شيخ ,, وعاشوا التغالبه ,,

 

نعم نعم شيخ عند ربعه

ماعندنا شيخ مزدوج

 

كل واحد يصير شيخ بإحترامه

مو بس لقب!!!

يعني كل رجل يسمى رجل؟

حمدالله والشكر

يا معودين عطووه لقب السالفه خربت،، متنيحسين على لقب والجناسي توزعونها على كل من لفانا؟

خلوها على الله

 

وش الفايده شيخ بلا شيخه

 

من حنته على اللقب ولجوءه للقضاء

باين عليه شيخ بو ربع

 

من حق الشخص ان يحتفظ بلقب له
حتى مايفقد هويته ومكانته مستقبلا ويضيف اللقب لاولاده
سواء كان شيخ بديرته او ديره اخرى
هو يطالب باللقب (شيخ ) بس بيكون بدون صلاحيات
لان صلاحياته بيستعملها بديرته اكيد هو يعرف هالموضوع
وانا اعرف سيده كويتيه متزوجه من شيخ بالبحرين
عطوها اللقب بالدولتين انا جات الكويت فهي شيخة البحرين
وان راحت البحرين فهي شيخه عندهم
انا ما اشوف مشكله باللقب

 

بيته فى صباح الناصر على الدائري السادس وديوانه مفتوح على طول رجل اجتماعي حيل
هذا اللى اعرفه عنه

 

مدام شيخ بديرته شنو يبى بالجنسيه الكويتيه

 

سبقتني بالسؤال يا بوساره


يا شباب دام ان شيخ بديرته شيبي اصلا بالجنسيه الثانيه ؟؟؟

 

يبي علاج بالخارج

قرض 70 ألف

4 آلاف زواج

عشان يقول كيفي كويتي

عشان يحتفل ب 25 فبراير

عشان يتزوج كويتيه اللي ما تبي غير كويتي

عشان يحش بالبدون ويقول منين يايين هذيلا

عشان يطلع بطاقة تموين ويصرف عيش هالشهر يمدحونه

عشان يقدم على دعم العماله لين يتوظف

وأهم شي يطمحله إنه يكفل القهوجي اللي بديوانه ويخليه على كفالته عشان لا ينحاش . ^_^

 

السموحه بطلع بره الموضوع

بس صج سؤال يقرقع بقلبي

البدون : على اي اساس بدون طلع من بطن امه بدون ؟؟ الله خلقه بدون ؟؟

لا طبعا

البدون : يا سوري يا عراقي يا اي جنسيه اخرى

وطمعان بالمزايا اللي ذكرها اخونا نبهان

شنو يعني انولد وما ادري شنو اصلي

الله المستعان

المشكله يقولك انا بدون وابي جنسيه وساكن بلاش وماكل الخضر واليابس

والكويتي اللي جنسيته اولى على باب الله

ويمشي جنب الحيط وما يحب المشاكل

والبدون تلقاه لسانه يرن بكل مكان

(( انا مو حاسد احد ولا اقول انه في فرق بين احد بس يا اخي كل انسان يعتز باصله ليش اقط جوازي واقول انا كويتي ))

ادري انه لا فرق بين عربي ولا اعجمي ولا مادري شنو الخ.....

وسامحوني بس والله من زمان ابي اكتب بس اقول اشلي بالطلايب

بس دام الموضوع متشابهه انطلع اللي بالقلب

تحياتي ,,,,,,,,,,

 

وأنا بعد عندي سؤال يقرقع بقلبي

مو إنت اللي كان نكك الكرار وطلبت من المشرفين يوقفونك وتم لك ذلك

ليش راد بنك ثاني وكاشخ بالقديم بالتوقيع​

 

لاني موالي لال البيت الكرام

وحاط نكي الكرار

لانه اسم الامام علي ابن ابي طالب عليه السلام امام المهتدين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وانا طلبت حذف نكي لانه كان في سفهاء تغلط على الامام عليه السلام امير المؤمنين

وتعده بشر عادي ماتدري لما تقول اسمه بس همومها تروح

وثالث شي اذا انت بدون وزعلان من كلامي فهذا الصج والصج دايما ينزعل منه

يا اختي تبي تاخذ مستحقات غيرك ليش

الله خلقك سوري ولا عراقي ولا اي شي خلق اصيل واحتفظ باصلك

تحياتي ,,,,,,,,,,,,,,,,