اخواني شرايكم في وظيفة كاشير البنزين ؟

الموضوع في 'الوظائف والأعمال التجاريه' بواسطة دواس علف, بتاريخ ‏16 أكتوبر 2009.

حالة الموضوع:
مغلق
  1. دواس علف

    دواس علف موقوف

    التسجيل:
    ‏4 أغسطس 2009
    المشاركات:
    68
    عدد الإعجابات:
    0
    السلام عليكم

    اخواني عن قريب ان شاء الله استلم وظيفتي كاشير بنزين

    شرايكم بالوظيفه اخواني ؟ متعبه ,, مريحه ... حلوه

    للعلم الوظيفه 8 ساعات فشنو تنصحوني يااخواني اسويه عشان تنتهي هال8 ساعات بسرعه لان دوامي الفجر وما اعتقد فيه زباين كثير

    فشنو رايكم يااخواني ونصايحكم تكفون

    والله يجزاكم خير
     
  2. جامعي

    جامعي عضو نشط

    التسجيل:
    ‏25 يونيو 2009
    المشاركات:
    356
    عدد الإعجابات:
    0
    مكان الإقامة:
    الكويت
    الله يوفقك اخوي
    بس بقيت استفسر منك شلون اتوظف فيها وكم معشاتهم
    ومالك الا الابتوب عشان تكزرها ومشكور
     
  3. كويتي محب

    كويتي محب عضو جديد

    التسجيل:
    ‏7 أغسطس 2009
    المشاركات:
    101
    عدد الإعجابات:
    0
    لاب تـوب .. واحد من ربعك يكون معاك .. :)
    والله يوفقك
     
  4. الشكوىى لله

    الشكوىى لله عضو نشط

    التسجيل:
    ‏23 ابريل 2009
    المشاركات:
    441
    عدد الإعجابات:
    0
    مكان الإقامة:
    الكويت
    وين التقديم أخوي ؟
    وفي دورة أو لا
    وكم مدتهاَ وهل احصل على شهادة
    او
    اي شيء يثبت أني انجزت الدورة ؟؟؟
    وين التسجيلُ غير شركة الخرافي
    لإن يطلبون لمن يهمه الأمر من التأمينات
    والإغلبية موظفين صارواَ مثل ديوان الخدمة
    يبون الناس تقدم أستغالتها واخرتها
    مايقبلونه معاهم كاشير ..
     
  5. الشكوىى لله

    الشكوىى لله عضو نشط

    التسجيل:
    ‏23 ابريل 2009
    المشاركات:
    441
    عدد الإعجابات:
    0
    مكان الإقامة:
    الكويت
    بنسبة شلون تضيع هل 8 ساعات ..
    عزبة قهوه وجاي ..لآبتوب ...وشوفلك واحد ونيسس

    :)
     
  6. بدون مجامله

    بدون مجامله عضو نشط

    التسجيل:
    ‏21 مارس 2009
    المشاركات:
    2,562
    عدد الإعجابات:
    352
    مكان الإقامة:
    الكويت
    واحد من الشباب كان فيها دوامه صبح من الساعه 6 الى الساعه 2 الظهر طبعا مايطلع الا الساعه 3 العصر على مايجيه الشفت الثاني ويسلمه المحطه والفلوس المساله استلام وتسليم على مايوصل البيت الا تعبان بالمره طبعا مافيه اجازه الا يوم بالاسبوع صراحه صاحبنا تعب وطلع يقول ماقدرت اتاقلم ..خاصه لدخل عليك الشتاء دوامك الساعه 6 لازم تطلع من البيت بالليل نور الصبح ماشق هذا الي عندي وعسى الله يوفقك
     
  7. هادي33

    هادي33 عضو جديد

    التسجيل:
    ‏7 ابريل 2009
    المشاركات:
    243
    عدد الإعجابات:
    0
    الله يعيينك اخووي ...

    هالمهنه متعبه ولا ودي احبطك ولكن لالالالالالالالالالالالازم تتحمل الاشكال ألي بتشوفها

    منها :
    * ألي نلسي بوكه
    * معبي 5 يعطيك 4ونص !!!! ويقولك ماعندي نص !!
    * الاجانب الاجانب وخصوصا لو كنت بمحطه مناطق فيها اجانب (لاتقولي ناس متعلمين ويحترمون
    القانون !! هالشي بديرتهم بس )) وخصوصا استعباطهم ...
    * وعلى حسب واسطتك ومكان المحطه (( لو كنت بالمناطق الداخليه تحمل القشران والنفسيات)
    وان كانت المحطه بالمناطق البعيده الله يعينك على ( ***** )
    * مشكله دائمه وابديه ألي ماعندهم فلوس ((اخذ بطاقاتهم وهوياتهم او حتى سبير سيارته))
    ودفع من جييبك على ما يردون ((عندي بطاقات وايد ;) ))

    قضاء 8ساعات : اذا كانت المحطه زحمه ماراح تحس بالوقت بس تبي راديو

    اما اذا كانت المحطه عاديه :
    جايات وقهوه ومكسرات (( ولابتوب سريع فيه نت سريع وسحب الافلام او طالع قنوات ))

    وفي شي مهم جدا (( قرائة المعوذات والصدقه اول اليوم للحفظ من كل سوء))
    وموفق والله يعيينك .....
     
  8. abu yousef

    abu yousef عضو جديد

    التسجيل:
    ‏22 مايو 2007
    المشاركات:
    548
    عدد الإعجابات:
    0
    الصراحه وظيفه زينه بس بخصوص اشلون تقزرها لا تنسى كتاب الله
     
  9. دواس علف

    دواس علف موقوف

    التسجيل:
    ‏4 أغسطس 2009
    المشاركات:
    68
    عدد الإعجابات:
    0
    السلام عليكم
    الف شكر لكم يااخواني على ردكم ما قصرتو
    اخواني بخصوص اللي سالو عن التوظيف فعند اولى الخرافي خلف جبرة الخضره بالشويخ في كيربي كبير للتوظيف
    ويقبلون شهادة متوسط وما يحتاج لا دوره ولا شي
    والراتب مع دعم العماله 510

    الف شكر مره ثانيه لجميع الاخوه اللي ردو وزودوني بالمعلومات ما قصرتو كفيو ووفيتو
     
  10. دواس علف

    دواس علف موقوف

    التسجيل:
    ‏4 أغسطس 2009
    المشاركات:
    68
    عدد الإعجابات:
    0
    اللي عنده معلومه اكثر يفيدنا
     
  11. الاولى

    الاولى موقوف

    التسجيل:
    ‏2 مايو 2009
    المشاركات:
    698
    عدد الإعجابات:
    0
    مكان الإقامة:
    المطلاع
    مبروك

    بصراحه وظيفه زينه

    والحكوميه بالبصمه صارت مثل مثل

    الله يوفقك وينور طريقك
     
  12. جامعي

    جامعي عضو نشط

    التسجيل:
    ‏25 يونيو 2009
    المشاركات:
    356
    عدد الإعجابات:
    0
    مكان الإقامة:
    الكويت
    اخوي انا معاي الشهاده الجامعيه ودي اكزر فيها لين اتوظف كم الراتب من غير دعم العماله
    والتوظيف يحتاج واسطه ويطول على الوظيفه
     
  13. بو جابر

    بو جابر عضو جديد

    التسجيل:
    ‏7 يوليو 2009
    المشاركات:
    617
    عدد الإعجابات:
    0
    أنا أسميها وظيفة تغزيره يعني لاحد ما تلاقي وظيفه أحسن بصراحه وظيفه مالها مستقبل بس تنفعل لما تلاقي وظيفه أحسن وأحسن من القعده
     
  14. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    انا اشتغلت سنتين فيها
    الوظيفة يبيها شخص عندة قووة بالصبر
    بالمحطة دوامك انت ومسؤول المحطة لازم يتم بينكم تنسيق عشان لا سمح الله اذا صار عندك ظرف يمسك مكانك لان مسؤولين المحطة دايم يكشتون فيك ويطلعون لو انت تبلغ عليهم يروحون فيها يعنى من الاول خلوكم حبايب ثانيا اذا بديلك ماداوم انت راح طبق شفت ثانى يعنى اذا مداوم 6 الصبح وصاحبك غياب راح تطلع الساعة 11 بليل اظن متعبة واجد

    والاجازة صعبة جدااا
    سنوية لك 15 يوم فقط
    اذا تبي تغيب لا تغيب نسق مع الكاشريه البحرينيين و السعوديين يداوم عنك اليوم بـ 10 بس اذا انت بتغيب خصم 30 والى تبي يداوم عنك من الاخوة الخليجيين لازم يكون محل ثقة ومايقط الكاش الا جدام مسؤول المحطة عشان يتاكد لان لو يبي يسرق الفلوس يقدر يبوقها وانت الى تتحاسب .
    بالنسبة للمشاكل اى نقص راح تدفع من جيبك اى زيادة اخذها لك .

    نصيحتى لك لاتكون هذى وظيفتك الى مسجل فيها بالتامينات لانها وظيفة مؤقتة تجيب الظغط و السكرى .

    الله يوفقك
     
  15. بو ناصر@

    بو ناصر@ عضو جديد

    التسجيل:
    ‏19 ابريل 2009
    المشاركات:
    705
    عدد الإعجابات:
    0
    مكان الإقامة:
    الـكـويـت
    هلا اخوي ،،
    الوظيف هذي انا مجربها قبل ثلاث سنين ، حلو وتعلمك شلون تتعامل مع الناس لان جميع اشكال الكويت تمر عليك
    وتعلمك التركيز بالشغل لان لازم تدقق بالفلوس امكن تعطي 10 زياده او تنقصها
    اذا جاك نقص بالفلوس طبعا من جيبك واذا زاد خله معاك لانه راحيجك يوم امكن احديسال انه ناقصه فلوسه
    وديربالك من الفلوس المزوره احيان من كثرت الشلغ ما تنتبه
    وتاكد انك حاط فلوسك كامله لان اذا ناقص راح الشركة تخصم من معاش علطول
    حط بالك ان هذي الوظيفه مؤقته يني اذا انت تدرس او تنطر وظيف افضل منها
    وترى الشغال مو عيب .
    والله يوفقكـ ،،
    اي نسيت لا اقول لك ، اذا احد جاك وقال انه ناسي فلوسه على طول قول له عطني تلفونك
    لان اذا جاد راح يعطي ويرجع لك اما اذا مو جاد رح يعتذر واذا ما عطاك التلفون وما جاى روح بيعه .
    ودور المحطات الي ما عليها مشاكل
     
  16. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    النصابين يقولك حتى تلفون ما معاى يكون خاشة التلفون بس اذا مامعاه اى شى نزل سبير السيارة وعطة مهلة يومين اذا ماجا بيع الى عطاك البطاقة لاتاخذها لان عادى يطنشوف مايجيك الا بنزلت المعاشات بس اذا خذيت منه شى ثمين لازم يجك ابعد عن محطة ام الهيمان بصراحة اكثر الى مرو لى مامعاهم فلووس بس مرات تحوشك مفاوضات يقولك اعطيك تلفون بو ليت وخلنى اعبي بـ 5 محطة ام الهيمان الله يعين الى يشتغل فيها
     
  17. fawazzz

    fawazzz عضو نشط

    التسجيل:
    ‏4 أكتوبر 2005
    المشاركات:
    300
    عدد الإعجابات:
    0
    ههههههههههههههههههه بصراحة هذا بو ليت شي موطبيعي
    اقص ايدي اذا رجع لك مرة ثانية عشان تلفون ابو ليت
     
  18. Viridistori

    Viridistori عضو جديد

    التسجيل:
    ‏8 مايو 2009
    المشاركات:
    22
    عدد الإعجابات:
    0
    هل يوظفون طبيعي ولا لازم واسطة؟
     
  19. الشكوىى لله

    الشكوىى لله عضو نشط

    التسجيل:
    ‏23 ابريل 2009
    المشاركات:
    441
    عدد الإعجابات:
    0
    مكان الإقامة:
    الكويت
    اي عـادي ...
    وين محطة بانزين شويخ
    الي خلف الـجبره ومقابل .. التطبيقي
    هناك وهذا رقم المشروع...
    24912715

    الأوراق المطلوبه ..(صورة)
    البطاقة المدنيه
    الجنـسية
    شهادة الميلاد
    الجـواز
    شهادة لمن يهمه الأمر من التأمينات الاجتماعية انك مو موظف
    صورة أخر مؤهل
    4 أصور شخصية


    تقدم وتسجل رقمك عندهم ..
    ويسجلون انت أي منطقهـ ...
    وانطر منهم أتصال دورة ..
    14 يوم نعم أسبوعين ...
    الراتب 580 مع دعم العمالة
    وعالفكرة يبون متوسطة وثانويه
    واداوم 8 ساعات .. ......

    بالتوفيق ياشباب

    :)
     
  20. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    انا كنت موظف فيها
    انص اخوانى ترا الوظيفة مملة حييل تذكر اذا بدليك الشفت الثانى ماجاك انت اطبق 8 ساعات اضافية اجبارى

    نصيحتى يا شباب ترا الجمعيات التعاونية عندهم وظايف حق الغير موظفين يعنى شرط تكون كويتى وغير موظف تقدر تتوظف بالجمعية وتغريبا نفس الراتب بس اريح من كاشير تعب حيل هذى اسمها وظيفة مؤقتة
     
حالة الموضوع:
مغلق