ابي النصيحة يا شباب

[Shooter]

السلام عليكم

انا ودي ابيع سيارتي و اخذ سيارة تانية .
المهم ابي رايكم بال اودي a6 2006 طبعا السياره 6 سليندر و 3.2l
عندي سؤالين لو سمحتم

كم تسوى السيارة طبعا كاملة المواصفات؟؟
وهل قطع الغيار غالية ..... يعني نفس البي ام دبليو ام أغلى


ارجو الافادة

 

[اسكاليد]

السياره حلوه
بس ما انصحك فيها لعدة أسباب :-
قطع غيار غالي ثاني شي مو اي واحد يصلحها السياره لا توقع انها عمليه ميه بالميه
واخر شي سعر طايح بالارض عند اعاده البيع هذا رأي والله يوفقك يالغالي ..

 

[Shooter]

تسلم أخوي سكاليد

هل السيارة فيها اي مشاكل؟؟

وهل bmw 530 2006 افضل ؟؟

ومين قطع غياره ارخص الاودي اما البي ام دبليو؟؟

وشكرا

 

[نواف الخالدي]

والله ياخوي انا انصحك بالبي ام افضل من الاودي وانت كيفك وكلام اخوي اسكاليد سليم

 

[heart]

اخوي نصيحه ابعد عن الاودي ماله سوق اذا هونت وبتبيعه يطيح بجبدك وقطع غيار نااااااااار

البي ام قطعه صج غاليه بس مو مثل الاودي وال530واااايد يمدحونها والدليل قليل منها معروض للبيع

 

[الحريه وطن]

حتما البي ام افضل من الاودي مليون مره

 

[بدون مجامله]

ياخوي المثل يقول لشريت ادري انك بايع السياره مالها رغابه بالمره بمعنى مالها سوق نصيحه دام الاودي الماني اخذ مرسيدس بي ام المهم الاودي عند الشراء غاليه وعند البيع محد يطق بابك

 

[Taekwondo]

اخوي من واقع تجربه قطع غيار البي ام اهون صراحه وكذلك في كراجات وايد يتعاملون معاها بعكس الاودي .. قطع نار وصعب التصليح خارج الوكاله وسياره غير عمليه

 

[Rap Soul]

قطع غيارها غالية
وسعرها يطيح وقت البيع

واسئل الله ان يكتب لك مافيه الخير والصالح ولجميع امة المسلمين

 

[Shooter]

مشكورين شباب على النصيحة

 

[بومعالي]

الأودي من أفضل السيارات ... لكن مالها قطع غيار وفيها عيب بالقير ... يخترب اما الفالف بودي أو كمبيوتر القير وهذا مكانه داخل القير وما تحصله الا بالشركة طلبية وسعره 430 دينار على ما أذكر ... وفوق هذا محد يصلحه الا الوكالة وسعر القير مستعمل مو مضمون فوق 700 دينار

ومن ناحية قطع الغيارة الاستهلاكية مالك الا الوكالة

البي أم أرخص بكثير عن الأودي ومافي أي مقارنة بينهم من ناحية توفر قطع الغيار أو رخصها وإذا تبي ألماني تنسى من وراه الكراجات نهائياً إشتر مرسيدس .