الطيور طارت بأرزاقها(عقار)

[لؤلؤة الخيران]

العقار صعد وافتحو الرهن والايجاره وطق مطاقق بالسوق والسوق ناشف مافى عروض وليما الحين فى ناس تقول ان العقار نزل وطحيح !!!!!!1

 

[navy_man]

معقولة؟

 

[لؤلؤة الخيران]

معقولة؟

روح السوق وتعرف وراجع بيت التمويل وتأكد

 

[I T C]

بيب قلبى انا قاعد اليوم مع مدير فرع بيت التمويل وقالى بالحرف الواحد ان نسبة 40% ماغيرت شي بالموضوع يعنى لازالت القروض محدوده سواء تشترى عقار ولا غيرها...

 

[لؤلؤة الخيران]

بيب قلبى انا قاعد اليوم مع مدير فرع بيت التمويل وقالى بالحرف الواحد ان نسبة 40% ماغيرت شي بالموضوع يعنى لازالت القروض محدوده سواء تشترى عقار ولا غيرها...

الارض من 65الف الى 120الف بدون رهن او ايجارة وكانت نسبة ال40% موجودة فمابالك بالرهن والايجارة
يا حبيب قلبى هاردلك

 

[ودي اربح]

السلام عليكم

الاخ العزيز لؤلؤة الخيران للتنبيه فيه شريحة قليلة من تنصحهم يقولون كلمة شريطي او دلال او تاجر وتبي تصرف

ارجع حق المشاركات القديمة ايام اللى كانت الااضي ب70 الف ما كنه نقول اشتروا لا والله كنه نقول الاسعار معقولة وزينه من باب حب لاخيك المسلم ما تحب لنفسك يطلع لك الف واحد يقولك انته شريطي هههههههه ويطلع لك واحد ما يعرف كوعه من بووووعه يقولك الانهيار بالصيف القادم والحين دش علينا الشتا وعلي قولتك الطيور طارت بارزاقها ويطلع لك واحد يقولك (( الانهيار يات وشيكا )) حتى العنوان غلط وينهم الحين

ويجيك واحد يبي ارض ب 10 الاف يعنى يبيها ارخص من سيارته يعنى لو زايدهم اشوى وشارى تلفزيون 103 بوصه من اليوسفي ابرك هههههه

لا تتعب نفسك نصحنه الف مره وما شفنه غير الغلط من واحد يبيع صابون واحد يبيع خطوط على 10 دنانير و واحد يبيع جناط على 7 دنانير وارجع للمشاركات وشوف ولى مشاركة انا جامع كل مشاركاتهم يعنى بالعربي دامك ضامن عويلك اشلك في عوااار الراس لا وازيد من الشعر بيت اللى كان قبل يقول ما اشترى ب 70 الف شوفه الحين يدور على 95 الف هههه يعنى هالفرقية لو حق عويله مو احسن ( مارضي بجزه رضي بجزه وخروف )

وعسا ما شر يا لؤلؤة الخيران قاطع عن موضوع بوفطيرة نبيك تبشرنا باخر الاسعار طال عمرك

ولك اجمل باقة ورد

 

[لؤلؤة الخيران]

اهلين ودى اربح اسمحى على الغيبه السوق قوى ولهيت بالسوق تدرى كانت فرصة ماتتطوف على الاسعار السابقه وجابلت بعض الناس الاذكياء اللى مؤمنين بالمقولة (فى وقت الازمات نصنع الثروات) فشرينالهم الاراضى برخص علشان بيت العمر لهم والله يوفقهم وبالنسبه لبوفطيرة ياخوك انا اشوف المنطقة فيها بعد صعوووووووووووووووووود الشارع 400م على 120الف وتمت صفقات بهذا السعر والبطن وظهر على 150الف والزاوية على 155الف وعلى خط فحيحيل ب200الف والمواقع المميزة من 165الف وفوق بس العروض قليلة (ملاحظة الاسعار فى تغير بترند صاعد على قولت اهل البورصة ههههه)

 

[ودي اربح]

ما شاء الله

يا بخت من حووووش له وريقة وحطها في بروته تحت راسه ايام الرخص قبل الصيف القادم

 

[لؤلؤة الخيران]

للاسف دورة اقتصادية وانتهت قبل مدة مافى رهن والحين افتحو الرهن وقبل فترة مافى ايجارة الحين افتحو والحين البنك المركزى مشدد على 40% باكر ينزل والطيور تطير بأرزاقها و|(باى باى) نشوفكم على خير

 

[Abdulla990]

من قلة الشغل في المكاتب صرتوا تكتبون في المنتديات

خلووووووووووووها تبور

 

[general]

من قلة الشغل في المكاتب صرتوا تكتبون في المنتديات

خلووووووووووووها تبور

اخوي عقارات امريكا (وول ستريت) الي تنباع بالمليارات وعقارات لندن وعقارات دبي شارع شيخ زايد وعقارات هونج كونج وعقارات العالم كلها طايحه بالقاع مو لاقين شراي عنده فلوس وتمويل والناس بالكويت يايه تقول العقارات في حاله ارتفاع و باليوم العقار قاعد يصعد 10 الاف والطيور طارت بأرزاقها ليش قال بيت التمويل قال , اقول دام السالفه جديه وصحيحه فأنا أتمنى من امريكا و اوروبا ولندن وهونج كونج والعالم كله الاخذ بنصيحه وتجارب وسياسات بيت التمويل .
والله مسخره
عموما يا اخوان احذروا ترا العقارات يقولون في نهايه هل سنه (بعد 3 اشهر) اقل بيت بالكويت راح يوصل مابين مليونين الى 5 ملايين دينار , يلا يا طيوووور طيروا بأرزاقكم

 

[AL_RAGI]

للى يقولون ان العقار لم ينزل قبل ايام قليلة انباع بيت بمنطقة النسيم ثلاث ادوار موقع عادى مجدد بالكامل ب 105 آف دينار علما بانه ايام الغلا كان ينباع بين 130 الى 150 الف وللعلم اللى اشترى البيت واحد من ربعى ومتندم يقولون كنت اقدر اشتريه ارخص من جذى قلتله ليش ماباعة اغلى من جذى قالى ان راعى البيت يقول كل اللى يجونى يقولون ماعندنا غير قرض الحكومة ومليت صارلى مدة عارضه ومحتاج فلوس ومافى سوامه​

 

[فنان999]

للى يقولون ان العقار لم ينزل قبل ايام قليلة انباع بيت بمنطقة النسيم ثلاث ادوار موقع عادى مجدد بالكامل ب 105 آف دينار علما بانه ايام الغلا كان ينباع بين 130 الى 150 الف وللعلم اللى اشترى البيت واحد من ربعى ومتندم يقولون كنت اقدر اشتريه ارخص من جذى قلتله ليش ماباعة اغلى من جذى قالى ان راعى البيت يقول كل اللى يجونى يقولون ماعندنا غير قرض الحكومة ومليت صارلى مدة عارضه ومحتاج فلوس ومافى سوامه​

يا أخي قاعد تقول بالنسيم مو بالفنيطيس وبيت حكومه بعد كم تبي بعد 105 الف وايد عليه
وتقول صاحبه محتاج فلوس
الله يبارك الي اشتراه والله يرزق الي باعه
ودمتم

 

[kandaaa]

خير رد علي المتفائلين برد الاجاره والرهن:

http://argaam.com/Portal/Content/ArticleDetail.aspx?articleid=125544

 

[عذبي 71]

والله ان المركزي حمى المواطنين بالزام البنوك والمصارف بنسبة الاقراض 40%
يا جماعة في ناس يرمي نفسه بالتهلكة يعني يكون مجوي بنار الاجار وضيق الشقه يقوم يغرق روحه ببحر القروض والديون...
الصبر زين
يا اما تبور العقارات وتنزل الاسعار
يا اما يوصل لك الدور وتحصل على بيت الحكومة

 

[المطبه]

صاحبنا لؤلؤه الخيران طلع شريطي يبي يروج لصعود للعقار والضاهر غاصله بكم أرض ويضحك علي العالم شوفوا
http://www.indexsignal.com/vb/showthread.php?t=199620​

 

[general]

مشكور

 

[المطبه]

مشكور

العفو ​

 

[I T C]

صاحبنا لؤلؤه الخيران طلع شريطي يبي يروج لصعود للعقار والضاهر غاصله بكم أرض ويضحك علي العالم شوفوا
http://www.indexsignal.com/vb/showthread.php?t=199620​

صادوه...

وانا شاك قيه لان اسلوبه اسلوب شريطيه

 

[بو عمر77]

صاحبنا لؤلؤه الخيران طلع شريطي يبي يروج لصعود للعقار والضاهر غاصله بكم أرض ويضحك علي العالم شوفوا
http://www.indexsignal.com/vb/showthread.php?t=199620​

كبير يالمطبة ، فضحت الريال ، خليه يتسلــى شوي