بخصوص صبغ السيارة

[مستثمر 2008]

يا جماعه الخير صديق عندي اخذ له شفر مديل 1986 وحاب انه يجدد ويعد فيه اشويه ويبي يغير لونه سؤالي

1- ما هي الاجراءات من المرور بخصوص تغير اللون
2-في صباغ سيارات جيد حق والشفر وخصوصا الريال حاب يغير اللون


وشكرا

 

[الكويت حره]

سلام عليكم

والله ودي افيدك لكن ماعندي خبره بهالشي


إن شاء الله الاخوان مايقصرون معااك

بالتوفيق

 

[مستثمر 2008]

شكرا يا كويت حره

 

[SHAITOoON]

يعطيك العافيه بخصوص تغيير اللون

تروح الكراج تغير لون السياره وبعد ماتخلص من الصبغ وكل شي اوكي
تاخذ دفتر السياره وتروح اقرب تأمين سيارات وتقوله سولي تغيير لون وطبعا
حتى لو السياره فيها بيمه لازم بيمه يديده وبعدها تروح الفحص الفني الي يم مرور العاصمه
تقولهم امغير لون السياره ويطلع الفاحص يجيك على السياره ويتأكد من رقم الشاصي ويطابقه على الدفتر وبعدها يوقع لك وتكون انت بالسليم وتروح اطلع الدفتر باللون اليديد وسامحني على الطواله وتقبل مروري

 

[manaar66]

اخي تسوي معاملة تغيير لون بمكتب التأمين وتروح المرور بالسيارة تاخذ الموافقة على
اللون اللي تبيه وتروح الكراج وتبدل اللون حسب ماذكرت للمرور وبعد ماتنتهي من الصبغ
ترجع المرور{ العاصمة حصرا} ويفحصونها وتطلع دفتر جديد بلون سيارة جديد

 

[Take Over]

انا الصراحه صابغ سياره لونها كحلي وحولتها اصفر
بعد ماخلصت رحت التامين وعطوني ورقه بيمه كاتبين فيها تغير لون وحاطين اللون الجديد وبعدها رحت مرور العاصمه المقايس ولازم الصبح وقعولي على الاوراق ورحت استلمت الدفتر

يعني الزبدة اصبغ وخلص وبعدين روح لهم العملية سهله حيل
بس اذا تبي تصبغ لون غريب يعني صدفي او دراجات البرتقالي النحاسي
بعد ماتخلص روح اقرب فحص فني علشان يقولك اللون الي راح تكتبه بالدفتر
بعدين تروح التامين وتقوله اللون الي قالك ياه
وبعدها تتوجه مرور العاصمه الصبح وسلامتك

 

[BO NASSER40]

تبي كراج شغل عدل
كراج اوتو هاوس بالشويخ
اقولك لا تصبغ عندي
تعال شوف شغلنا
99002029

 

[مستثمر 2008]

شكرا يا اخوان

 

[مستثمر 2008]

يعني اغير اللون قبل ولا ارووح المروور قبل

 

[Se7T]

اخوي مستثمر

اول شي تصبغ السيارة
بعدها تروح للفحص الفني يعطونك كتاب اعتماد للون الجديد بعد كتاب الإعتماد تروح لمحل التأمين وتكون موجوده الشركة مالتك عنده نفس اللي بالدفتر مثل العربية للتأمين والخ

يسويلك اوراقك وبعدها ترد للفحص الفني يختملك الأوراق ومن ثم الى قسم المركبات يعطونك الدفتر مالك وطوابع قيمتهم دينارين والتأمين اعتقد دينارين
وسلامت عمرك

 

[مستثمر 2008]

اخوي مستثمر

اول شي تصبغ السيارة
بعدها تروح للفحص الفني يعطونك كتاب اعتماد للون الجديد بعد كتاب الإعتماد تروح لمحل التأمين وتكون موجوده الشركة مالتك عنده نفس اللي بالدفتر مثل العربية للتأمين والخ

يسويلك اوراقك وبعدها ترد للفحص الفني يختملك الأوراق ومن ثم الى قسم المركبات يعطونك الدفتر مالك وطوابع قيمتهم دينارين والتأمين اعتقد دينارين
وسلامت عمرك

الله يعطيك العافيه اخوي مشكور ما قصرت

 

[mrhbaa]

السلام عليكم اخوي ابصراحة الشباب ما قصروا ابدا بالشرح كان وافي وتام بالنسبة للمرور
اما بالنسبة للصبغ انشالله اكون ابخدمتك اضبطك بالسعر والمواد
ابكراجي بالشويخ (كراج الفرنسي
دق علي ومايصير خاطرك الا طيب اخوك ابو علي
66286464​

 

[مستثمر 2008]

السلام عليكم اخوي ابصراحة الشباب ما قصروا ابدا بالشرح كان وافي وتام بالنسبة للمرور
اما بالنسبة للصبغ انشالله اكون ابخدمتك اضبطك بالسعر والمواد
ابكراجي بالشويخ (كراج الفرنسي
دق علي ومايصير خاطرك الا طيب اخوك ابو علي
66286464​

مشكور اخوي بس انا صبغت وخلصت