يا اخوان تكفون دقايق من وقتكم

[q8ty_azgarty]

السلام عليكم اشلونكم شخباركم
يا اخوان ابي احد ينورني ويعرفني علي طريج البورصه ودي ادش واجرب حضي فيها بس ماني عارف من وين واشلون ابدا فيها يريت احد فيكم يساعدني ويعطيني معلومات وخلفيه عنها ابي اتعلم اشلون الطريقه وشنو الخطوات الى لازم ابلش يفيها ترا اخوكم كلش مييييييييييح علي الله ثم عليكم
واسف علي الاطواله

 

[onlyme]

نصيحة أجل دخولك .. الوضع لياحين مو مستقر..

 

[ابوهادي11]

اول شي حياك الله وعسى الله ان يرزقك رزق الحلال

وهذا افضل وقت بدخول بالبورصه

اول شي لازم يكون عندك احساب تداول

تروح باجر ان شاءالله حق البورصه وتفتح احساب التداول

صوره عن البطاقه المدنيه وصوره عن بطاقة البنك السحب الالي

راح يعطونك رقم تداول هذا الرقم اهو اللي تقدر تداول فيه بالبورصه

طبعا من تسوي المعامله راح يقلون لك بعد ثلاث ايام تقدر تتداول يعني اذا سويت المعامله

باجر ان شاءالله يوم الاحد او الاثنين بالكثير تقدر تداول

عاد من تفتح الاحساب ان شاءالله راح انعلمك شلون الطريقه بالتداول

 

[ابوهادي11]

نصيحة أجل دخولك .. الوضع لياحين مو مستقر..

ماشاءالله عليك خوش نصيه تبي لما يرتفع السوق يدخل يشتري ؟؟؟

انا ماقول الا ونعم النصيحه

خل يشتري الرجال مدام السوق نازل

 

[q8ty_azgarty]

يعطيكم العافيه علي المرور وعلي الوقت الي خذيته منهم


انزين اخوي بو هادي اشلون الطريقه اذا بشتري وببيع يعني وشنو تنصحني بالشركات وجذي وهالحجي
وسامحينو بأ ذيكم اشوي

 

[ابن عمير]

باختصار روح اي فرع لبيت التمويل ويفتح لك حساب تداول باقل من ربع ساعه ..

 

[ابوهادي11]

يعطيكم العافيه علي المرور وعلي الوقت الي خذيته منهم


انزين اخوي بو هادي اشلون الطريقه اذا بشتري وببيع يعني وشنو تنصحني بالشركات وجذي وهالحجي
وسامحينو بأ ذيكم اشوي

افاا عليك اخوي مافيها أذا ان شاءالله باللي تامر فيه انا حاظر

انا اتداول عن طريق الانتر نت يعني بالبيت بالدوام اقدر ابيع واشتري

اتداول عن طريق المجموعه المالية هيرميس ايفا

وهذا موقعهم https://www.************.com/efg/Login/Home.aspx

وانا انصح بهم كوني احد مشتركيهم والحمد الله ماصدفتني اي مشكله

معاهم ادخل الموقع راح تحصل رقم الهواتف واتصل عليهم واهم يعلمونك

كل شي تبي عن طريق التداول ولابد من الاشتراك معاهم

واي خدمه انا حاظر

 

[خبير النفط]

السلام عليكم طالما انك تقول جديد على السوق وما عندك خبرة مو مشكله افتح حساب تداول بس لا تتداول خلك مرابط فى المنتدى اسبوع اسبوعين علشان أتعرف اشويه معلومات بعدين تداول لا تصير مثل بعض الناس الى دايخين وأمدوخين غيرهم وهم احفظ افلوسك ليما تتعلم اشويه

 

[مفتاح]

يا شباب الرجال يقول مايعرف شي بالبورصة .... أبيض
فتح الحساب مو مشكلة

اخوي تبي نصيحة شلون تشتري وشلون تبيع

اذا تقدر تاخذ دوره بالميتاستوك لاتطوفها .. تفيدك

هالقوت هذا حلو للمضارب المحترف لان السوق مو مستقر ..

اخوي نصيحة اخيره أقرأ بالانترنت عن البورصة وعن طريقة المضاربة وعن متى تبيع ومتى تشتري ...

لاتدخل تقول شنو تنصحوني اشتري ان هذا حلالك ويمكن البعض يقولك على سهم مايعرف هالسهم هذا تشبع صعود او اهم من ملاك هالسهم

 

[L.yan]

أهلا بك في عالم الخسائر.

 

[العازمي32]

السلام عليكم اشلونكم شخباركم
يا اخوان ابي احد ينورني ويعرفني علي طريج البورصه ودي ادش واجرب حضي فيها بس ماني عارف من وين واشلون ابدا فيها يريت احد فيكم يساعدني ويعطيني معلومات وخلفيه عنها ابي اتعلم اشلون الطريقه وشنو الخطوات الى لازم ابلش يفيها ترا اخوكم كلش مييييييييييح علي الله ثم عليكم
واسف علي الاطواله

هلا اخوي الصراحه السوق فرصه == بس في شئ واحد سبب هو ان ايران يمكن يضربونه انطر لين يبين الوضع == بس وضعك شنو مستثمر او مضارب

 

[q8ty_azgarty]

والله يعطيكم العافيه ومشكورين عالمشاركات
حبيت استفيد منكم ومن خبراتكم

 

[onlyme]

ماشاءالله عليك خوش نصيه تبي لما يرتفع السوق يدخل يشتري ؟؟؟

انا ماقول الا ونعم النصيحه

خل يشتري الرجال مدام السوق نازل

أخوي..

أول شي الرجال ما عنده خلفيه عن السوق
أوضاع الربع الثالت ليلحين ماتيشر بالخير ..
ليلحين ماكو تدخل حكومي للسوق
في أخبار انه في شركات عقاريه بتفلس

يعني تبي يدش على عماه ونفس حال بعض الناس يدش بس على الأخبار لا يكون عنده خلفيه عن الشركة الي بدش فيها!!!!

مثل ما قالوا الاخوان خل يدشله كم دوره.. يفهم فيها السوق ويخليه متابع بالمنتدى..

مادري ليش حسستني انه السوق كل يوم 100 نقطه صاعد! من كلامك للرجال!

وشكرا!

 

[q8ty_azgarty]

انا بدش مستثمر

 

[faisal al-mutaw]

الله يوفقك يا أخي الفاضل أن شاء الله يكون وجهك خير علي المستثمرين بدخولك البورصه قبل ما تدش أحذف الخوف و توكل علي الرحمن أن الله في كل مكان صف النيه و إذا كنت مطلوب إلي أي أنسان أو مكان سكر ألي عليك أولا ثم أستثمر بالباقي و أن شاء الله رب العباد يبارك لك يا الطيب.

بالتوفيق للجميع

 

[سعدباد]

تقول انك جديد حاول في البدايه تقعد في السوق كم اسبوع وتحط في بالك انك شريت السهم ....... ثم تراقب السهم وتشوف قدرتك على البيع والشراء ولكن بعد المتابعه

 

[q8ty_azgarty]

يعطيكم العافيه شباب
ومشكورين عالمشاركات وعلي وقتكم