يا الربع شنو قرض الاسكان !! ارض وقرض !! حدي مو فاهم شي

[شبابي]

السلام عليكم

يا الربع اخوكم موفاهم بشي اسمه الاسكان !!!

يعني سالفة 70 ألف ، ارض وقرض ، بيت حكومة .. الخ.

لاني اول ما قدمت قبل كم شهر مجرد تقديم .. وسمعت من الي قبلي انهم خصصولهم اماكن معينه وهو يختار .. وهذا ما صار معاي !!!!

يا ليت يفيدونا الاخوان اصحاب الخبرة

 

[I T C]

انت كويتى؟؟؟؟

 

[شبابي]

انت كويتى؟؟؟؟

يا خوي الله يهداك ..

أكيد كويتي ​

 

[haddaq8]

السلام عليكم

يا الربع اخوكم موفاهم بشي اسمه الاسكان !!!

يعني سالفة 70 ألف ، ارض وقرض ، بيت حكومة .. الخ.

لاني اول ما قدمت قبل كم شهر مجرد تقديم .. وسمعت من الي قبلي انهم خصصولهم اماكن معينه وهو يختار .. وهذا ما صار معاي !!!!

يا ليت يفيدونا الاخوان اصحاب الخبرة

هلا والله أخوي شكلك توك متزوج و على العموم سؤالك وارد

بس وضح لنا شنو بالضبط تبي تعرف ، سالفة التخصيص استدعوا الطلبات قبل كم سنة علشان يعرفون رغبات المواطنين في المناطق الجديدة للتخطيط للتوزيع المستقبلي ، بالنسبة لكم الطلبات الجديدة اعتقد راح يستدعونكم لتحديد الرغبات بعدين بس متى بالضبط الله أعلم

 

[شبابي]

هلا والله أخوي شكلك توك متزوج و على العموم سؤالك وارد

بس وضح لنا شنو بالضبط تبي تعرف ، سالفة التخصيص استدعوا الطلبات قبل كم سنة علشان يعرفون رغبات المواطنين في المناطق الجديدة للتخطيط للتوزيع المستقبلي ، بالنسبة لكم الطلبات الجديدة اعتقد راح يستدعونكم لتحديد الرغبات بعدين بس متى بالضبط الله أعلم

هلا بالغالي ,,

عدل كلامك توني متزوج .. واقصد الواحد هل يحقله يختار بين القرض وبين بيت الحكومة ؟؟

وسالفة الارض والقرض شلون استفيد منها ؟!

واذا بشتري بيت اقدر اخذ القرض ؟

 

[haddaq8]

هلا بالغالي ,,

عدل كلامك توني متزوج .. واقصد الواحد هل يحقله يختار بين القرض وبين بيت الحكومة ؟؟

وسالفة الارض والقرض شلون استفيد منها ؟!

واذا بشتري بيت اقدر اخذ القرض ؟

الاختيار حسب علمي لما يستدعونك لتحديد الرغبات (جذي صار معاي)

و الأرض و القرض اذا ياك دورك في التخصيص (انطر يا حمار لما يجيك الربيع) راح تحصل قسيمة تبنيها و قرض 70 الف دينار بدون فوائد تسدد على 35 سنة تقريبا (حسب معاشك) حق البناء

و اذا بتشتري بيت لازم يكون البيت صالح للسكن و مطابق شروط بنك التسليف (ال 70 الف حق الشراء) و لازم يكون عندك عيال أو طايف على زواجك سنتين

و أتمنى ان أكون جاوبتك و طبعا أحسن شي تروح الهيئة العامة للرعاية السكنية مبناهم في جنوب السرة و تستفسر منهم بنفسك

 

[aburashed]

http://www.housing.gov.kw

 

[نبض الهواجر]

عدل كلامك اخوي لازم عندك عيال ولازم يكون طاف على زواجك سنتين اي واحد فيهم اول

 

[I T C]

الاختيار حسب علمي لما يستدعونك لتحديد الرغبات (جذي صار معاي)و الأرض و القرض اذا ياك دورك في التخصيص (انطر يا حمار لما يجيك الربيع) راح تحصل قسيمة تبنيها و قرض 70 الف دينار بدون فوائد تسدد على 35 سنة تقريبا (حسب معاشك) حق البناء

و اذا بتشتري بيت لازم يكون البيت صالح للسكن و مطابق شروط بنك التسليف (ال 70 الف حق الشراء) و لازم يكون عندك عيال أو طايف على زواجك سنتين

و أتمنى ان أكون جاوبتك و طبعا أحسن شي تروح الهيئة العامة للرعاية السكنية مبناهم في جنوب السرة و تستفسر منهم بنفسك

اخوى النقطه هذي انت اخطأت فيها لان الاستدعاء لتحديد الرغبه غير ملزم بالاختيار فى المستقبل يعنى تروح او ما تروح نفس الشئ...

المهم اذا وصل دورك وشفت المشروع المطروح عاجبك تتقدم له سواء بيوت او قسايم وهذي زبدة الكلام..