الى خبراء السياكل ... مارايكم بهذا السيكل وبهذا السعر

[دواس علف]

السلام عليكم

مرحبا اخواني كيف الحال

اخواني خبراء السياكل في واحد عرض علي سيكل ب 60 دينار

ومواصفاته حجم 50 كفرات اللون احمر جديد مو مستعمل بس تم تشغيله للتجربه السيكل خلط بانزين ودهن 2 strok

وهذي صورته


شرايكم بالسعر يااخواني ؟

زين يعني 60 دينار ؟

 

[arrayyyan]

اخوى

صباح الخيرات

اخاف ب 600 دينار

على كل حال, وبالرغم من عدم وجود معرفه او خبره بالسياكل ,, اشوف ان سعره ببلاش حتى ولو كان من اردى الانواع وماله قطع غيار ,,

صدقنى,, ودى بهالسعر اشترى واحد واحطه قدام بيتى منظر بس
شكله حلو...

بالتوفيق وبالمبارك عليك

 

[xokx]

توكل على الله اخذ وانت مغمض

 

[life-enginer]

هذا صغير مال اطفال
اشتر بغي احسن

 

[اسكاليد]

هذا قصه دوكاتي وسعره حلو ولا تخاف من الخلط لان له علاج

 

[المعلم555]

ماشاءالله شكله حلو بس والله خطر علي اليهال اعتقد ان البقي اللي بحجمه امن منه شوي

 

[manaar66]

وين موجود لو سمحت ابي واحد
97112139

 

[mr_3ajamo]

اهم شي الخلط .... عجبني

 

[shshoor]

انت متأكد ب 60 دينار ؟اخاف شحن مو خلط بانزين ودهن لان سعره رخيص؟

 

[ابو شعول]

السلام عليكم حاب افيدكم ياجماعه انا امس بمحلات الالعاب اللي بشرق وحصلت السيكل هذا ب65 بس مو كبير يعني الارتفاع نص متر ومحصله بمنتدى اخر ب40 وعلى كلام صاحبه انه مو مستعمل واسف على الاطاله

 

[فيصل الهاجري]

لا يطوووفك تري سعره حلو

 

[abu yousef]

حبيبى اخذه والله يهنيك فيه واذا ما تبيه انا اشتريه

 

[العسكري]

أظن سعره ممتاز وصيده
بس خطر على قولت الاخوان البقي أمن وأحسن

 

[اي عيني]

اتوقع لو تبطل تانكي البانزين تلقى حلاو شكله مو صج لعبه

 

[mfa2202200]

اعرف هذا السيكل
حجمه صغير وصناعه الصين

زين حق اليهال بس دير بالك من خطر الحوادث لا سمح الله

 

[خمسة اقمار]

أضيف هالمعلومه للجميع

السيكل هذا مثل ماذكروا بعض الأخوان صغير لليهال لكن ياااخوي وايد قوي

وهالسيكل شركة هوندا للسيارات يعطينه هديه للي يشتري سياره من عندهم

وسعره مابين 40 إلى ال 60 د.ك

يعني لو تزور شركة هوندا للسياكل وراء فطاير الشويخ راح تشوفه عالطبيعه وتسألهم اكثر

عن هالسيكل