ابشركم بكلام عقاري مخضرم

[مساهم11]

الليله كنت عند عقاري صاحب مكتب شهير بالمنطقه العاشره
وبعد ما صلينا المغرب قالي يا ولد الحلال فلوسك 110 الف الي عندك
خلها عندك ولا تستعجل راح تلاقي بيت والي تتمناه
ولكن اصبر كل العقاريين احوالهم مدهوره من الوضع لا بيع ولا شراء
ونادر لما مكتب يبيع بيت والشغل انصب علي الايجارات
فقالي دير بالك تستعجل الامور ماشيه لنزول العقار
البايع متمسك باسعار الغلاء والشاريه رافضين يدفعون الزياده


وانا اقول تفائلوا خير ببناء المدن الحاليه
وان شاء الله تنزل الاسعار لمتناول اليد والاغلب راح يغير رايه بانتظار طلبه
لان الكلام انه خلال 5 سنوات راح تغطي الطلبات لغاية 2008


فالرجل ينصح الجميع بعدم الاستعجال والتأني
ففي التأني السلامه


فتفائلوا خير وابشروا فيه
ولا عليكم من المرجفين والشريطيه والسماسره
فكلامهم يصب في تخزيف الناس والاسراع بالشراء
والحقيقه تقع بين ضلوعهم بالخوف من كساد ونزول وخساير


وعسي الله يوفقك الجميع لما يحب ويرضي
ويرزق الجميع ببيت العمر بالموقع الي يتمناه
ويجعله بيت السعد والامان والايمان

 

[ناصر فيصل]

عقار

و الدليل بو فطيبرة كانت منذ سة شهور 70 الف و اليوم 120 الف

 

[فارس العنزي]

السلام عليكم ورحمة الله وبركاته

جزاك الله خير على نصيحتك الصادقه لأخوانك بالمنتدى ، وهذا يدل على طيب أصلك ، ولكن عندي رأي آخر ، إذا فلوسك تجيبلك شي توكل على الله وإشتر وريح بالك وإنت الربحان ، وبضربلك كم مثل ، أنا ولله الحمد إشتريت بيت لعائلتي بشهر 2 - 2009 وكنا نسمع ما سمعته ولكن قارن الأسعار بنفسك وإحكم بنفسك والله على ما أقوله شهيد ، لي صاحب إشترى أرض بالعقيله بموقع ممتاز بسعر 150 ألف دينار وذلك خلال شهر 2 - 2009 ، والحين مسيومه من واحد من جماعته 170 ألف والرجال ما عرضها بالسوق للحين وصاحب الأرض إللي إشتراها صاحبي منه كان يملك أرض ثانية بالعقيله أيضاً وباعها بسعر 134 ألف دينار وإللي إشتراها عرضها وجابتله 160 ألف وشويه يعني زادة 30 ألف دينار ، ولي صديق حاشهم تثمين وتوه إشترى أرض بالمسيلة 500 متر زاوية بسعر 226 ألف وصاحبي إللي إشترى الأرض بالعقيله يقول قبل لا أشتري أرضي بالعقيله كانت الأراضي بالمسيلة ومواقع شيخ 140 - 130 ألف دينار وتطل على طريق الملك عبدالعزيز وصاحبي شاريها 226 ألف يعني السعر دوبل .

آسف على الإطاله ولكن هذه أمثله حيه ومن أصحابي ، والحكم لك والقرار لك ، وبالتوفيق​

 

[الجود الاول]

صاحب الموضوع يقصد ان الاقبال على التخصيص فى الاسكان

زاد بصوره كبيره وهذا اللى بيخلى اسعار العقار تنزل بشكل اجبارى

يعنى خلال هالسنه وبعد هذه المشاريع الاسكانيه الكبيره

وبعد صحوه الاسكان المتاخره جدا

سوف تنتهى طفره الغلاء الفاحش للعقار

وانا انصح اللى يبى يبيع يستغل هالجم شهر

لان الاقبال على التخصيص ومن ثم البدل

سوف تجعل اسعار العقار تهبط للابد ان شاء الله​

 

[الحريه وطن]

بشرك الله بالجنه
بس تري مشاريع الحكومه كلام علي ورق مو صج
تبيهم ب5 سنوات بغطون طلبات لغاية 2008؟

اذا وزارة الاسكان منذ ان انشأت الي الان توزيعها في الخمسون سنه السابقه ماوصل مئة الف بيت

قول عام 2088م يمكن تغطي طلبات لغاية 2008

مابي احبطكم لكن هذه الحقيقه

 

[dr.moon77]

اذا اعضاء مجلس الامه يركزون على القضيه الاسكانيه
واذا احمد الفهد موجود في الوزاره (لانه ما يخاف و له تاثير على القرارات)
راح تنحل القضيه الاسكانيه بنسبه 50%

 

[مساهم11]

اخواني الكرام
انا نقلت لكم كلام رجل عقاري والله ما قابلته الا بهذيك الليله
وهو نصحني شخصيا بعدم الاستعجال
وانا حبيت ابشركم بلي نصحني فيه لا اكثر ولا اقل
وانا حالي حالكم متأثر بلي قاعد يصير
وبخاطري اشتري بيت اليوم قبل بكره ولكن الفلوس تحكم والغلا يحكم ايضا

الزبده يا اخواني
ان الايام الجايه راح تشهد توزيعات كبيره بالاسكان
وان صدقت الانباء وبنيت مدينة الخيران والمطلاع
فتأكدوا يقينا ان الاسعار راح تنزل والطلبات ستغطي الي 2008 اذا مو اكثر


وانا قلت خلنا نتفائل فالتفائل ترا حلو ويطيب النفس
وان ما صار شي مو خسرانين شي بالعكس كسبنا صحتنا ونضارة الوجه
والصبر جميل

 

[الرسته جوكى]

الليله كنت عند عقاري صاحب مكتب شهير بالمنطقه العاشره
وبعد ما صلينا المغرب قالي يا ولد الحلال فلوسك 110 الف الي عندك
خلها عندك ولا تستعجل راح تلاقي بيت والي تتمناه
ولكن اصبر كل العقاريين احوالهم مدهوره من الوضع لا بيع ولا شراء
ونادر لما مكتب يبيع بيت والشغل انصب علي الايجارات
فقالي دير بالك تستعجل الامور ماشيه لنزول العقار
البايع متمسك باسعار الغلاء والشاريه رافضين يدفعون الزياده


وانا اقول تفائلوا خير ببناء المدن الحاليه
وان شاء الله تنزل الاسعار لمتناول اليد والاغلب راح يغير رايه بانتظار طلبه
لان الكلام انه خلال 5 سنوات راح تغطي الطلبات لغاية 2008


فالرجل ينصح الجميع بعدم الاستعجال والتأني
ففي التأني السلامه


فتفائلوا خير وابشروا فيه
ولا عليكم من المرجفين والشريطيه والسماسره
فكلامهم يصب في تخزيف الناس والاسراع بالشراء
والحقيقه تقع بين ضلوعهم بالخوف من كساد ونزول وخساير


وعسي الله يوفقك الجميع لما يحب ويرضي
ويرزق الجميع ببيت العمر بالموقع الي يتمناه
ويجعله بيت السعد والامان والايمان

والله مو عارف العقار بينزل غير ربك
لاتقول فلان ولا علان ولا عقاري مخضرم مع احترامي لك وله
وسالفت 110 الاف تلقا بيت اللى تتمناه انسه يعنى راح تاخذ قسيمه 3 ادوار زاويه شارعين لو قلنا 400 متر 110 الف هذ ممكن بعد خمس اسنين يعنى ممكن
احنا بنقول العقار بنزل ان شاء الله بس مو جذى
النزول بيصير كل سنه 10 بالميه اتوقع مو راح يصير نزول انهيار يعني 10 او 20 بالميه بسنه العقار يمرض يعنى نزول القسيمه 200 الف 3 ادوار راح يستوعب البايع ومايلقا شراي وينزل 180 الف
وان شاء الله تلقا اللى تتمناه 110 موفق خير

 

[متوازن]

اولا مشكور على النصيحة الغاليه .... بس تمشي الرياح بما لاتشتهي السفن !!

فيه احد مايعرف الكويت وقرارتها ... قبل ايام صدرت ... قرارات والغيت قرارات .. طيب ماهو الحل ..؟؟ ((( لاجديد مكانك راوح ))) !!

الي يقدر يشتري يتوكل على الله او ينتظر 20 سنه قادمة ... وهذه الكويت صلو على النبي

مشكورين

 

[خسران جداً]

جماعه خلكم واقعيين..اسعار العقار والاراضي غير منطقي وانا اشوفه خيالي جداً واي انسان عادي ما يقدر يشتري ارض ويبنيها.......مايقدرون الا عيال الهوامير وبس

 

[النجدي2007]

اتمني يكون صحيح كلامك بس الواقع غير وكل منطقة ولها سعرها وشاكرلك البشارة الطيبة

 

[life-enginer]

ابو فطيره والعقيله مو مقياس للأسعار

لانها مقر للشريطيه وتجار العقار اللي يدورون ال5 وال10 آلاف

وطلعت ابو فطيره الاخيره عشان بيت التمويل صرف كل اراضيه فيها وبالعقيله ولكن

ليش ماترد نفس قبل 4 شهور

هذا ما اعرفه واكيد لها كسره بس متى الله واعلم
يمكن

لين افداوية التجار يخلصون شغلهم فيها

 

[zaid__77]

السلام عليكم .....

شكرا لك يا صاحب الموضوع ، والله يبشرك بالخير ، وكلام صاحبك العقاري منطقي وأنشاء الله هذا الذي سيحصل في القريب العاجل ، وجميع المؤشرات تدل عل صحة هذا الكلام ، ولكن للأسف هناك الكثير من الشريطية هنا في المنتدى او في الخارج مصرين على عدم تقبل الحقيقة ، وبعضهم يكذب على الناس بمعلومات مغلوطة ومنهم من انصدم بالواقع ويكذب على نفسة ويصدق نفسة ، والله المستعان .

وإلى الأخ العزيز

و الدليل بو فطيبرة كانت منذ سة شهور 70 الف و اليوم 120 الف

هذة الأسعار الذي تتكلم عنها أسعار وهمية ، هدفها تظليل الناس ، إذ تبي تتكلم عن إرتفاع السوق شوف قيمة تداول العقار وشوف الفرق وقت ما كانت الأسعار مرتفعة .

إلى الأخوان المعلقين (( تفائلوا بالخير تجدوه )) بإذن الله ستنزل الأسعار والحكومة جادة وبوادر النزول بدأت والصبر زين ، ولاتهزكم الأشاعات والأخبار المدفوعة الأجر وأكاذيب وتظليل بعض الشريطية .


تحياتي

 

[مساهم11]

اخوي زايد
ما اوهم الناس وهول عليهم الامور
وجعلهم يتكلمون بنفس منطقهم الا الشريطيه بالمنتدي وخارجه

والا الامور ان شاء الله ان شاء الله تسير نحو النزول للاسعار المعقوله

 

[zaid__77]

اخوي زايد
ما اوهم الناس وهول عليهم الامور
وجعلهم يتكلمون بنفس منطقهم الا الشريطيه بالمنتدي وخارجه

والا الامور ان شاء الله ان شاء الله تسير نحو النزول للاسعار المعقوله

أخي العزيز ... لا تستغرب من كلام الناس عن الاحباط وعدم التفاؤل بالنزول ، لان أكثر ممن يتكلم بالإحباط يكون أحد الشريطية ويكون متخفي بين الناس بأنة شخص عادي و يقولك متى تنزل الأسعار لازالت مرتفعة ومن هذا الكلام الذي يعيش العامة من الناس ممن لايعرفون شيئ بسوق العقار بالإحباط ويجعلهم يعيشون في وهم ، وأكبر دليل الاخبار المدفوعة الاجر وكثير منها هنا في المنتدى ومنها " تهافت المواطنين على مكاتب العقار " .

أغلب الناس في الوقت الحالي أدركت ان العقار سينزل إلى مستويات متدنية وهذا بشهادة كبار العقاريون ، والمواطن بإذن الله في المستقبل القريب سيستطيع شراء منزل مهما كثرت الاشاعات والأكاذيب عن الارتفاع ، وأصبحت اللعبة مكشوفة في البيوع الوهمية وغيرها من وسائل التظليل .

والدليل أن الاسعار ستنزل هو

أن سبب الإرتفاع في السابق دخول الشركات وتجار العقار في البيع والشراء ، والمواطن لايستطيع أن يشتري بسبب الغلاء الفاحش والمضاربة ، أما الآن لايوجد لاشركات ولاتجار وذلك بجود قانون 8 ، 9 2008 ، ومن هذا الكلام يقع السؤال كيف سترتفع الاسعار مع هذا القانون ؟؟؟؟ أما الآن الساحه فقط ستكون محصورة للمواطن للشراء ، والمواطن سيشتري على حسب دخلة ، وبهذا ستنزل الاسعار ، فقط صبرا قليلا وانشاء الله ستنزل الاسعار .

لا أعتقد ان هناك أحد يستطيع الرد على هذا السؤال لأنني سألت عدة مرات ولم ألقى الاجابة .

تحياتي

 

[هــاوي]

كلام سليم 1000000% "والعلم عند الله"
لكن كل المؤشرات تؤكد كلام أخوي

والتأكيد قانون منع استملاك الشركات والبنوك وغيرهم استملاك أراضي
أكثر من 5000 متر لأكثر من 3 سنوات فقط
"" والمهلة بدأت من سنتين تقريبا"""

ومن بعدها مجبووورين يبيعون

يعني تفاءلوا خيــــــــــــــر

والعقار في الوقت الحالي نزل فمابالكم بعد انتهاء المهلة
والمشاريع التي سوف تسلم عن قريب

وانا ادور ولقيت بيوت بالفعل نزلت أسعارها

وانا ويااااك وان شاءالله بتبين بالاشهر القادمة​

 

[خسران جداً]

جنون ارتفاع الاسعار سيأتي بثماره قريباً راح يتمنون اللي يشتري ب70 الف ومايحصلونه

 

[العسكري]

الله يعطيكم العافيه
اخواني انا من سكان الجهراء
ومراقب لأسعار البيوت لأني ابحث عن بيت
بس والله اللي أشوفه في الوقت الحالي ان البيع واقف
انا اقولكم ليش
لان كل راعي بيت يبي بيته غالي من 120 وفوق ومافيه شرايه
وشنو نضامه يمكن يجيني شخص وياخذه
ولأحس شي ان البنوك ماتعطيك قرض حدك نسبه 40%
فا اللي صار ان البيع وقف والبيوت قاعده تنزل هي والأجارات
والله الشقه عندنا بالجهراء زين اذى لقيتها 180 كله على 200
بس شنو اللي صار الحين
منطقة سعد العبدلله البيوت الحكوميه
أكثر الناس قام يجر بيته كامل على 300 او 350
بيت كامل يعني بدال ماأجر شقه 200 أخذلي بيت كامل احسن
وتفاألو بالخير انشالله
وشكرا

 

[بو متعب]

السلام عليكم .....

شكرا لك يا صاحب الموضوع ، والله يبشرك بالخير ، وكلام صاحبك العقاري منطقي وأنشاء الله هذا الذي سيحصل في القريب العاجل ، وجميع المؤشرات تدل عل صحة هذا الكلام ، ولكن للأسف هناك الكثير من الشريطية هنا في المنتدى او في الخارج مصرين على عدم تقبل الحقيقة ، وبعضهم يكذب على الناس بمعلومات مغلوطة ومنهم من انصدم بالواقع ويكذب على نفسة ويصدق نفسة ، والله المستعان .

وإلى الأخ العزيز



هذة الأسعار الذي تتكلم عنها أسعار وهمية ، هدفها تظليل الناس ، إذ تبي تتكلم عن إرتفاع السوق شوف قيمة تداول العقار وشوف الفرق وقت ما كانت الأسعار مرتفعة .

إلى الأخوان المعلقين (( تفائلوا بالخير تجدوه )) بإذن الله ستنزل الأسعار والحكومة جادة وبوادر النزول بدأت والصبر زين ، ولاتهزكم الأشاعات والأخبار المدفوعة الأجر وأكاذيب وتظليل بعض الشريطية .


تحياتي

الله لا يهينك اوهمني بقسيمة

 

[Abdulla990]

الله لا يهينك اوهمني بقسيمة

الكلام هذا ما راح ينفعك
خلاص راحت عليكم
في النهاية ستضطرون للنزول لميزانية المواطن العادي اللي ما عنده غير راتبه و لا يقدر يقترض من البنوك بسبب القيود اللي حطوها على القروض