مطلوب مساعدة سريعه من اهل المنتدى لاتبخلوا علي

[zinger]

السلام عليكم




اخواني
ارجوا المساعدة
وطلبي بسيط








عندي مشكلة وصار لي فترة اعاني من الام حادة في المفاصل
وهالأيام اعاني صعوبه بالمشي على رجولي وانتم بكرامه ، وبعد اذا مشيت احس رجلي اليسار كانها مفكوكه من صوب الركبه او انها تبوش وبصراحه
اشعر انه عمري صار فوق ال80 او 90 سنة .

وقالوا لي انه عندي املاح

المطلوب

شنو الأكل اللي يناسب بالضبط حق حالة الأملاح
اللي يقدر يفيدني يرحم والديكم

واسال الله لي ولكم العافيه​

 

[salem.srsr]

الله يشفيك ان شاء الله
انا واحد من الناس كان عندي املاح ولكن بشكل بسيط
وكنت احس بألم بالمفاصل ... واوصاني الدكتور بكثرة شرب الماي
والابتعاد عن المأكولات اللي فيها املاح
واجر وعافية ان شاء الله

 

[ام روتا]

اول شي الله يشفيك ويشفي جميع مرضى المسلمين يارب العالمين


كثر شرب الماء يفيد في الاملاح

وايضا لوتسئل طبيب يكون افضل


وقلل من اللحوم الحمراء واللبن
فهي من اكبر مسببات الاملاح

وبعد

اسمع نصيحتي
1-اقطع اكل اللحوم الحمراء نهائيا واستبدلها بالدجاج والسمك
2- قلل بدرجه كبيره اكل البقوليات مثل الفول والحمص والعدس
3- قلل من اكل المعجنات
4- اشرب من 2 إلى 3 لتر ماء نقي يوميا
6- أمش ساعه يوميا مشيا سريعا وحاول ان جسمك يعرق
7 - عليك بأكل التفاح و العنب و الشمام و الفجل وهي تساعد على الشفاء من املاح الدم
وأخيرا اسئل الله ان يشفيك ويشفي كل مريض

وهذا حجي واحد يعاني نفس الي تعانيه
اعاني من نفس المرض . وما يصيبني الا قبل النوم
لكن استخدمت شرب البقدونس وبكميات كثيرة
وامشي على خرسانة حافي يمكن 5 دقايق
وحمدلله الان لي 3 اشهر ما جاتني




وبلاول والاخير اسال طبيبك
والله يعافيك باذن الله

 

[zinger]

بارك الله فيكم
جزاكم الله الف خير
وان شاء الله بسوي نفس الشئ من باجر
والحمدلله على السلامه

 

[general]

طير على تشيك سلوفاكيا

 

[zinger]

طير على تشيك سلوفاكيا

والله ياخوك نفسي ومنى عيني
لكن العين بصيرة واليد قصيرة

مشكور طال عمرك عالمرور​

 

[العاشق]

الله يشافيك ان شاء الله

وعليك بالماء وقلل اكل اللحوم الحمرا مثل ماقالو الشباب وحاول تمارس رياضه قدر الامكان وخصوصا المشي

 

[BO NASER]

ماتشوف شر

والله يشفيك إن شاءالله


​

 

[zinger]

ماتشوف شر

والله يشفيك إن شاءالله


​

اللهم امين
مشكزر عالدعوة الطيبة
واشكر كل من شارك او كل من قرأ الموضوع
والفائدة حق الجميع​

 

[nabhaan79]

موضوعك بسيط جدا جدا جدا

والموضوع

إنت ذكرت إن من صوب الركبه مفكوكه : إذا إنت رياضي وتلعب كوره وغيرها يمكن تكون المشكله بالرباط الصليبي والله أعلم

وإذا تبي تعرف إذا رباطك مفكوك واللا لأ إرفع رجلك عن الأرض وإنت واقف وإثنها ثنيه بسيطه جدا وهز رجلك وإذا قامت إتطقطق من صوب الركبه يعني كأنها مو ماسكه عدل فالمشكله في الرباط وحلها يا عمليه أو تقويه والله أعلم

وأهم شي تسويه هالأيام تلبس ضبابه في الرجل اللي تحس إنها فالته عشان إتدعمها وشوفلك دكتور متخصص في مستشفى الرازي

في عيادات ***** ******* (طلع نجوم شدعوه شقلت كنت كاتب ***** *******)

والله يوفقك آمين

 

[خطـــــاب]

سبحان الله ولد العم انا نفس الحاله
نصيحه لا تهملها
احتمال يكون املاح
احتمال يكون روماتيزم
واحتمال يكون مرض النقرص(يسمى بداء الملوك)
راسلني على الخاص وراح افيدك بأذن الله تعالى
عليك بالرقيى الشرعيه أولا
ومن بعدها بلش بالفحوصات من و إلى
راح يبين معاك كل شي

 

[zinger]

كلامك عدل كل شئ جايز
الله اعلم

 

[0المطيري0]

بكل بساطه ...... أفحص بالمستشفى

 

[هاجر 79]

الله يشافيك ويشافي كل مسلم ومسلمة
أخوي عليك بالماي وقلل من الأجبان واللحوم الحمراء والطماط .....
وما تشوف شر أخوي أجر وعافية

 

[zinger]

بكل بساطه ...... أفحص بالمستشفى

تسلم ياغالي وان شاء الله هذا اللي بسويه
اسال الله لك ولجميع المسلمين الصحه والعافيه
اللهم امين

الله يشافيك ويشافي كل مسلم ومسلمة

اللهم امين

أخوي عليك بالماي وقلل من الأجبان واللحوم الحمراء والطماط .....

ان شاء الله بديت من اليوم

وما تشوف شر أخوي أجر وعافية

مشكورين بارك الله ​