.
السلام عليكم
شلونكم عساكم بخير ؟!
دائماً مُمكن أحد بالعايلة سواءً " الأم أو الأب " يكونون ناجحين جداً مثلاً الأم تكون دكتورة بالجامعة
والأبو يكون مُهندس بالنفط ، الأم تكون نائبة مجلس أمة ، والأبو يكون وكيل وزارة ، الأم ماخذه ليسانس
بالحقوق ، والأبو يكون ماخذ جائزة نوبل للإخترعات .. هالأشياء جميلة جداً ورائعة وتفيد المجتمع ككل
لكن الي باط جبدي " بعض أبناء الناجحين " دائماً دائماً يحطون نفسهم تحت جناح أهاليهم وكأنهم أهم
الي صنعوا الإنجاز ، يعني على سبيل المثال :-
جواهر قاعده بالكفتيريا مع البنات وقاصة المحاضرة طبعاً وتقول " أنا أمي جذي وجذي " وتقعد طول
الوقت تمدح بـ أمها وكله تقول " لحد يكلمني ترا أمي واصلة " وشايفة نفسها وهي فاشلة جداً دراسياً
وعليها إنذار بالفصل لكن بعدها مسوية نفسها سبع البرمبة .. لكن الصدمة الي كسرت ظهرها لمن يات
رفيجتها بشاير وقالت لها :- " هالي تقولينه كله إنجازات أمج ، أنتي شنو سويتي وشنو إنجازاتج "
محمد أربعة وعشرين ساعة رافع خشمه ونافخ ريشه جنه طاووس ويتكلم عن إنجازات أبوه الي توه
ماخذ ماجستير من جامعة تدرس فيها المشرفة " دلولة " ، وأيضاً أهو مثل جواهر فاشل دراسياً
ومايداوم وبس يحب يقص المحاضرات وهو أكبر فتنة بالأرض وفاسد كبير ومطيح بالمجمعات خاصة
المارينا مول وبالتحديد صوب أستوديو مارينا أف أم عشان يقولون بالبرنامج " واحد يسلم علينا من
ورا الجام " .. مايهمه شي لأن ماشالله أبوه واصل ، لكن لمن رفيجه سليمان قاله " خلاص أذيتنا بأبوك
أنت شنو إنجازاتك وشنو سويت " ؟ .. طبعاً محمد حط راسه تحت القار مثل النعامة من الخجل .
الموضوع أعتقد صار واضح ، الإنجازات الفردية للأباء وشلون بعض الأبناء نافخين نفسهم بسببها !
وهم مايفهمون ولا شي ووجودهم كـ العدم // ..
