أسعار الغانم ويوريكا

[فودري]

.
.
السلام عليكم
.
.
ياجماعه من فتره رحت الغانم وبغيت اشتري n97 جان يقولي الموظف سعره 230 قلت له ليش يالحبيب يوريكا حاطين اعلان يبيعونه 180 جان يقولي احنا كفالتنا مستقبل وسوا لي فلم هندي ووالله بقيت اخذه ... المهم صاحبي قالي يبا خله يولي وامش نروح يوريكا ... ورحنا وطلع نفس الكفاله هم مستقبل !!! وب 180 !؟!؟!؟!؟! مادري يعني شنو هالأفلام الهنديه ... وبعدين الغانم والله غالي لو تقارنون اسعاره بيوريكا ولا بألكتروزان ​

 

[محب الرياضه]

الله كريم

 

[غنوجةبيا]

يوريكا معروف أنه أررررخص من الغانم مادري ليش الإستغلال الله المستعان بس

 

[ابو بندر2000]

الغانم رخيص بشغلات معينه مثل ماركة ونسا مقارنه بنفس الجهاز ونسا ارخص لانه صيني بس صناعه جيده والغانم هو وكيل هذه الماركة

 

[airport]

انا مره رحت للغانم الي بالافينيوز وشفت عنده n78 مسوي عليه عرض عجيب اتوقع سعره 69 وبره يبيعونه بــ83 او 85
قبل لا اخذه رحت لنوكيا وشفته قتله ليش الغانم ارخص قالي الكفاله اهي نفسها لكن البورد يختلف عند الغانم صيني أنا عقب عرفت السالفه

 

[رياض2]

عن تجربتي الشخصيه من جم يوم رحت اشتري طابعه
رحت الغانم لقيتها ب14.500دك
ويوركا ب14.950دك
ومحلات حولي للكمبيوترات ب17د.ك
وللعلم انهم كلهم نفس الكفاله
(( الي يلف ياما يشووووووووووف ))

 

[فودري]

شلون يعني ... هذيل لاعبينها كل واحد عنده بضاعه مسوي عليها خصم ويحط لك اعلانات ويحسسك انه دام هالشغله رخيصه اكيد كل شي رخيص .... واخر شي تنصدم انهم حارقينك

 

[BOSHHAB]

الاسعار تتغير من مكان لي مكان.

انا كنت اظن انه كارفور ارخص الاسعار وشريت منهم جهاز نوكيا - طلع الي شاريه اغلى شي بالسوق حتى اغلى من المستقبل نفسهم هههههه

 

[فودري]

لوووووووووووووووووووووووووووووووووووووول
لايالحبيب انا اذا بغيت اشتري شغله اتمشى انا وواحد من الربع منها نقزرها ونفتر عالأسعار ونتسوق

 

[dr.moon77]

لازم تدور وتسال عن الاسعار قبل لا تشتري

 

[BO NASER]

الغانم أسعاره زينه وعلى كل 100 دينار كوبون 3 أو 5 دنانير

والعروض عندهم باستمرار وأحيانا بعض المحلات يشترون من الغانم فترة العرض ويبيعون بالمحل بسعر أعلى

نوكيا 6220 كان سعره بالمحلات 73 وبعد المكاسر تاخذه 70

وبالغانم كان سعره 59 وكفالة المستقبل

بالتوفيق



​

 

[Syaaf]

يعني عندك بلاستيشن 3 , الغانم ويوريكا كانو مسوين عليها عرض ونزلوها 89 دينار مع كفالة سنة

وبرى اتحداااااااااااك تحصلها يديدة تحت ال 110 @@

..........

لا ومحلات التلفونات يبيعون الايفون 3gs 16 gigsب 260 @@

وبالغانم ويوريكا ب239 , لا مع كفالة بعد

 

[الله ثم الوطن]

يالغالي n97 بالفروانيـــــة جديد وأي كفالـه تبيها تلقاه 165 واذا كاسرته تاخذه ب 160 ارخص شئ شفته صراحه محلات التلفونات الفروانيه انا قبل امس عندهم قالوا لي 165

 

[مايرزني نكـ]

في شي قاعد ينافس يوريكا والغانم ..

واللي اهو الالكتروزان

ما ادري احس اهو ارخص شي ..

 

[فودري]

معاك حق ياخوي ... الكتروزان عنده شغلات طيبه والله واسعاره ازقرت ...