حق اهل الخبره الدارسين في مصر جامعة 6 اكتوبر

الموضوع في 'الوظائف والأعمال التجاريه' بواسطة عاشق كاكا, بتاريخ ‏10 نوفمبر 2009.

حالة الموضوع:
مغلق
  1. عاشق كاكا

    عاشق كاكا عضو جديد

    التسجيل:
    ‏18 أغسطس 2008
    المشاركات:
    623
    عدد الإعجابات:
    0
    السلام عليكم ورحمة الله وبركاته

    يعطيكم العافيه اخواني

    حبيت استفسر عن الدراسه في مصر وخصوصا في جامعة 6 اكتوبر

    بغيت ادرس تخصص هندسة ولكن لا أعلم ماهي التخصصات الموجوده عندهم

    وكم تكلفت هالدراسه ياأخوان بمصر وكم مدة الدراسه عندهم بالجامعه

    ياليت اي احد يعرف يفيدنا ويعطيكم الف عافيه
     
  2. Target4Host.CoM

    Target4Host.CoM عضو جديد

    التسجيل:
    ‏7 نوفمبر 2009
    المشاركات:
    16
    عدد الإعجابات:
    0
    مكان الإقامة:
    مصر
    السلام عليكم
    تفضل اخي هذا رابط الجامعة وهذا القسم خاص بشعب الهندسة
    http://www.o6u.edu.eg/index.php?option=com_content&task=view&id=21&Itemid=121
    تقدر تتصفح الموقع بالتخصص اللي تبية
    اعزرني ما درست فيها هذا اللي قدرت اساعدك بية
    والاخوة باذن الله يفيدونك
    موفق باذن الرحمن
     
  3. عاشق كاكا

    عاشق كاكا عضو جديد

    التسجيل:
    ‏18 أغسطس 2008
    المشاركات:
    623
    عدد الإعجابات:
    0
    تسلم على المساعده والرد الطيب أخي الكريم

    نتظر مساعدات باقي الاخوه الكرام
     
  4. الـعـتـيـبـي

    الـعـتـيـبـي عضو جديد

    التسجيل:
    ‏7 يناير 2009
    المشاركات:
    368
    عدد الإعجابات:
    0
    اخوي ادخل منتدى طلبة الكويت بمصر اكتب بقوقل وراح يطلعك وراح تلقى الي يسر خاطرك
     
  5. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    أولا عسى الله يوفقك وتتخرج

    ثانيا روح تأكد من التعليم العالي بالمنطقه الحره مبنى 2 أو 3 ما أذكر عشان يعطونك آخر لسته للجامعات المعترف فيها بمصر

    ثالثا تفتح ملف بالتعليم العالي وهم يراسلون الملحق اثقافي وهو يراسل الجامعه يجيب لك قبول وتالي يحطون إسمك بالجريده بالكويت إنك مقبول وتراجعهم

    رابعا تطق تذكرتك تروح تطلع كتاب ترشيح من مبنى التعليم العالي بوسط البلد بشارع ( ضريح سعد زغلول ) وتوديه الجامعه وتكمل تسجيلك

    خامسا تروح تسجل بالسفاره عشان عطونك كرت السفاره والكرت الصحي

    سادسا تبلش دراستك بإذن الله

    هذي مراحل التسجيل

    وبالنسبه للتخصصات أعتقد الجامعه اللي تبيها بجامعه مصر للعلوم والتكنلوجيا بمدينه 6 أكتوبر
    إنت روح إسأل وإن شاء الله يفيدونك التعليم العالي
    والله يعينك عليهم شغلهم تعبان تعبان تعبان!
    اذا ما راكضت لنفسك ماراح تخلص

    عموما انا بعطيك نصايح لله
    خلك ساكن مع ناس ثقه وتعدهم نفس أهلك ولا إسكن بروحك أحسن
    مصاريف على نفسيتك
    انا مرات اصرف 200 ومرات 500 فلوسهم مافيها بركه تطير بسرعه وعلى حسب المواقف والمصاريف اللي تجيك
    انا متخرج صارلي سنتين وأعتقد الوضع تغير الحين
    بس تقريبا هذي الاساسيات
    اسأل ناس تدرس الحين هناك يفيدونك أكثر

    موفق
     
  6. عاشق كاكا

    عاشق كاكا عضو جديد

    التسجيل:
    ‏18 أغسطس 2008
    المشاركات:
    623
    عدد الإعجابات:
    0
    الله يعطيك العافيه على الرد الطيب
    ولكن كم كانت تكلفة الدراسه في الجامعه اجماليها ؟؟

    وشلون مصاريف السكن هناك ابي السكن قريب عند الجامعه هل بسعر مناسب ام غالي جداً
    وطبعا السكن بروحي افضل :)
     
  7. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    هلا أخوي

    بالنسبه لتكاليف الدراسه بالجنيه الاسترليني
    كانت قبل 6 سنين 2500 للسنه الأولى
    و 1500 للسنوات اللي بعده

    لكن الحين سمعت انه صارت كل سنه 1500 جنيه ( تأكد منها بالتعليم العالي أو من واحد يدرس الحين )

    6 اكتوبر شققها حلوه ومدينه هاديه جدا وأسعار الشقق مناسبهوالصيحه تكون بس الصبح وبالليل غلقه وملل لأنها فاضيه
    أذكر مجمع واحد وسينما وجم قهوه
    الاسعار من 1500 جنيه مصري 75 د.ك الى عاد شوف لي جم :)
    بس اذا انت بروحك يعني تبي شقه غرفتين وهالسوالف الطيبه تقريبا بتلاقيها من 1500 الى 3000 وعلى حسب نظافة الشقه واذا كانت مأثثه ولا لأ
    اذا انت تبي تأثث راح تحصل سعر أجار أقل بوايد عادي تحصل بألف اذا خذيت عقد سنه او سنتين
    بس اذا مأثث وشهرين ولا شهر راح يحسبونها أغلى لأنك بتقعد شوي
    هناك في ناس تأجر مقتنعين بشي حلو ( قليل متصل خير من كثير منقطع )
    اذا انت ناوي تعيش هناك فتره طويله أجرلك عقد سنوي مو مأثث وإنت مزّج بالأثاث اذا لك مقاقه

    الشباب اللي بــ 6 أكتوبر كل يوم يحدرون من هناك للمهندسين ويردون بالليل
    اذا تبي تسكن مكان حلو وبالنص بين الجامعه واللويه

    عندك ( ميدان لبنان ) او اذا لقيت مكان نظيف بالهرم معني ما أنصح بالهرم
    ولو عندك سياره هناك تصير شيخ :) بس إستلم تبوّس من السيارات
    كل زاويه بالسياره بتنباس :)

    وبيني وبينك الرجل هو اللي يعرف مصاريفه عدل
    انا سكنت مع واحد من الشباب يصرف 800 بالشهر وانا حروة الــ 200 250 ومستانس أكثر منّه وهو كله يتشكى!!
    هي على النفسيه والاقتناع

    موفق
     
  8. عاشق كاكا

    عاشق كاكا عضو جديد

    التسجيل:
    ‏18 أغسطس 2008
    المشاركات:
    623
    عدد الإعجابات:
    0
    تسلم يالغالي على هالرد الكافي والوافي
    وان شالله راح ايضا امر على التعليم العالي واستفسر
    وبخصوص كلامك اكيد افضل اسوي معاهم عقد سنوي لان مدة الدراسه حسب ماسمعت يقولون 4 سنوات

    فاسوي عقد معاه سنتين وبعدها نشوف شنو يصير مايصير

    واللي كاتبه ربك يبي يصير

    الله يعطيك الف عافيه
     
  9. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    الله يعافيك

    لكن نصيحتي أول كورس أجر 3 شهور
    لما تشوف وضعك وتعرف الديره واللي لك واللي عليك ذيك الساعه إنت بروحك راح تعرف وين أفضل سكن لك بالضبط وبجم ومن هالسوالف

    تقط شوي زياده بالبدايه أريح لك 4 سنين

    وان بغيت أي شي راسلني عالخاص عشان أكون متواصل معاك


    عسى الله يوفقك ويسهل دربك وتتخرج إن شاء الله
     
حالة الموضوع:
مغلق