هل ينفع الانترنت النقال لألعاب الاون لاين؟

[ostath]

هل ينفع الانترنت النقال من زين او الوطنيه او فيفا لألعاب الاون لاين؟

و ايهم الافضل لألعاب الاون لاين؟

سؤال للي جربوا هالخدمه

 

[Caruso]

طبعاً اخوي مايبيلها كلام ماينفع ..

الالعاب الاون لاين تحتاج انترنت قوي .. وسرعته ثابته .. ركز على (( ثابته ))

يعني طبعاً دي اس ال افضل

لأنه الانترنت النقال او الوايرلس مال شركات الهواتف حتى لو كان قوي بس سرعته مو ثابته يعني تسوي داون لود 100 كيلو بايت بلحظه يصير 40 كيلو بايت وعلى هالاساس راح يصير عندك لاق ..

تقبل مروري وانشالله اكون خدمتك

 

[تاجر 2008]

معلومه مهمه

اغلب الشباب اعرفهم يسوون قيم اون لاين علي شركة فيفا

ما اشوف منهم احد شكا ولا تذمر ولعبهم روعه وما يصير لاق عندهم او يهنق

وسلامتك

اخوك بونرجس

 

[mositerz]

انصحك بفيفا ..

انا العب اون لاين بالكمبيوتر + البلاي ستيشن ثري .. من احسن ما يكون ...

 

[Caruso]

ياجماعه لا تنصحونه وانتو مو عارفين الريال ساكن وين ..

اكو مناطق فيها النت قوي واكو مناطق يكون فيها حيل ضعيف

فا افضل شي حقه انه يحط دي اس ال الحين شركه شو تايم مسوين عرض 2 mb ب 196 دينار بالسنه

يعني يابلاش

فا خلوه ياخذله دي اس ال ويريح عمره ..

اخوي تسمع كلام الناس تضيع اخذلك دي اس ال افضلك
راح تندم نفس ماندمت قبل جم سنه اذا ما اخذت دي اس ال

 

[ostath]

ياجماعه لا تنصحونه وانتو مو عارفين الريال ساكن وين ..

اكو مناطق فيها النت قوي واكو مناطق يكون فيها حيل ضعيف

فا افضل شي حقه انه يحط دي اس ال الحين شركه شو تايم مسوين عرض 2 mb ب 196 دينار بالسنه

يعني يابلاش

فا خلوه ياخذله دي اس ال ويريح عمره ..

اخوي تسمع كلام الناس تضيع اخذلك دي اس ال افضلك
راح تندم نفس ماندمت قبل جم سنه اذا ما اخذت دي اس ال

صارلي اكثر من 3سنين عندي دي اس ال . و مشكور على النصيحه....بس حبيت اغير و امشي على الموضه...ثانيا النقال عملي اكثر يعني استخدمه وين ما اروح..بس الدي اس ال بس بالبيت..و هذا عيبه...انزين اشلون اتأكد من سرعة الانترنت النقال حسب منطقتي...هل في طريقه تعرفني هالشي؟

 

[Caruso]

اي اخوي .. انتا لمن تبي تشتري وايرلس من اي شركه بالكويت .. لازم يعطونك خريطه شبكاتهم وراح تكون قويه بمنطقتكم ولالا
وبس

اتمنى اني اكون خدمتك

وعموماً ترى القيمز مايصلحله الا دي اس ال .. وعقلك براسك تعرف خلاصك

 

[عازف الجيتار]

وايد شباب يلعبون بالانترنت النقال 3g ماسمعتهم يشتكون ......

لكن حاول تجرب الخط الداتا من اي واحد من الربع اذا فاد معاك توكل على الله واشترك

الله يوفقك

 

[ostath]

للرفع

 

[shanab]

انصحك قبل ماتشترك
خذ قطعه الشبك من اي شخص اتعرفه
زين او فيفا او الوطنيه
وجرب لان اذ اشتركت باي شركه راح يطلعون عيونك علشان تلغي اشتراكهم
انا عندي زين وفيفا
وخوي يلعب الاون لاين
بس السرعه متغيره يعني وقت اللعب مو بكيفك يكون بكيف الشبكه
اوقات اللى مافي ضغط على الشبكه
تلعب وانت مرتاح
واشتراك الا دي اس ال انت ملك الوقت تلعب باي وقت