شكرا يا حكومتنا اسهم بنك وربه تباع بي 65 فلس!

[TEMPE]

اليوم في اعلان في احد الصحف الاعلانيه لشراء اسهم بنك وربه
فقمت بالاتصال عليهم و تفاجأت ان سعرها 65 فلس!
السؤال
ماذا استفاد المواطن من هذه المنحه؟

 

[Legal]

ياسبحان الله بني آدم طماع

مو كافي جتك ببلاش

 

[Bn-Sha6i]

ماستفاد شي ودامك مو مستفيد تقدر تعطيني ياها

 

[ابو فهد 75]

الحكومه شكو بالسالفه هذي؟


انا اقدر احط اعلان اني اشتري بنك وربه بـ 5 فلوس يمكن يجيني مهبول ويبيع لي .



مانت مجبور اخوي انك تبيع والحكومه مالها شغل بالسالفه هذي

 

[كوادر]

الحكومه شكو بالسالفه هذي؟


انا اقدر احط اعلان اني اشتري بنك وربه بـ 5 فلوس يمكن يجيني مهبول ويبيع لي .



مانت مجبور اخوي انك تبيع والحكومه مالها شغل بالسالفه هذي

عدل كلامك مو لازم يبيع شكو الحكومه ؟ امعود temp لا يسمعون الاعضاء ولا باجر يستجوبون رئيس مجلس الوزراء و ويطالبون وزير الاعلام والماليه و التجاره يستقيلون اشلون يسمحون لشخص يعلن في احد الصحف الاعلانيه لشراء اسهم بنك وربه ب 65 دينار فقط.

عاد السوق مو ناقص نزول و ربعنا اهم شى يطلب استجواب.

 

[ALBRENS611]

اليوم في اعلان في احد الصحف الاعلانيه لشراء اسهم بنك وربه
فقمت بالاتصال عليهم و تفاجأت ان سعرها 65 فلس!
السؤال
ماذا استفاد المواطن من هذه المنحه؟

عسى ماشر اخوي الاسهم ماخذها مجانا ومن الحكومه

الظاهر متاثر بمجلس الامه الحكومه شعليها واحد حاط اعلان ويبيع بره السوق انت راز وجهك ومتصل لا وعينك قويه تشكى بعد

صج شر البليه مايضحك

 

[مضارب شجاع]

انطر بعد عشر سنوات وبيع اسهم بنك وربه 150 فلس !

 

[ابوشروق]

عسى ماشر اخوي الاسهم ماخذها مجانا ومن الحكومه

الظاهر متاثر بمجلس الامه الحكومه شعليها واحد حاط اعلان ويبيع بره السوق انت راز وجهك ومتصل لا وعينك قويه تشكى بعد

صج شر البليه مايضحك

ما سألت نفسك شوصل اللى باع بهسعر واللى ماتشوف اللى نفسك مرتاح

ومنت متضايق مثل اللى باع مستحيل شخص يبيع بسعر هذا مومحتاج

تحمد الله على النعمه اللى انت فيها وشوف قرارات البنك المركزي والبنوك

شسوت بالعالم والحكومه ساكته مالهه شغل بالموضوع وصندوق المعسرين

ليل حين يدرسون فيه

الله يرحم والديك تبي ترد رد كلام بدون تجريح
وشكرا

 

[مجد 91]

اللي يبيع ماعنده سالفة هذا سهم مثل الذهب . لا حاشته أزمة ولاشي فعلا جه بوقته 0ويمكن الحكومة تحط فلوسها فيه 0

 

[q8ty-x]

الحكومه لها نسبه 40 % في سهم وربه

 

[nawaa]

ياخى مو مجبور على البيع علبالك بيصير مثل سعر بوبيان الله يسامحك بس صج الرازق بالسما والحاسد بالأرض شفينى الله المستعان حسد بحسد ماتشوفون شلون الأمطار شحت بديرتنى الله المستعان .

 

[خالد العتيبي]

كان المفروض من الحكومة زيادة رأسمال البنك ... مثل مو شايفين في حالة بوبيان 100 مليون مو كافية!!!

 

[schizophrenia]

الحكومة دورها تنفيذي


ودورها والمطلوب منها متابعة صاحب الاعلان

واتخاذ الاجراء المناسب


الجكومة دورها حماية الصغير من الكبير
الحكومة دورها حماية المحتاج من الاستغلالى

وحماية قوانينها
حيث ان البيع والرهن مخالفة للقانون

 

[الجابر]

استغفر الله العلي العظيم

يا جماعة الخير .... اتقوا الله عز وجل بالنعمه اللى بين ايديكم

يعنى ما يصير (( لا حمدا ولا شكورا )) وفوق هذا ذم بالحكومه

أحمد ربك اللى طلعلك شئ مجاني من الحكومه (( وشئ أحسن من لا شئ ))

ومسأله البيع والشراء هذه وجهات نظر ولكل واحد منا وجهة نظره للموضوع وكل واحد منا له ظروفه

وهذه العملية خاضعه لعملية (( العرض و الطلب )) يعنى ما في بالغصب

اللى حاب يبيع يبيع (( وطبعا هو الخسران )) واللى حاب يشترى يشترى وهو الكسبان

وما له داعي نحمل أخطاءنا وأخطاء غيرنا على الحكومه أو غير الحكومه

كل واحد منا يعرف مصلحته أكثر من غيره

فما له داعي الخروج عن السلوك السوي للشخص الرزين

ودمتم في حفظ الله ورعايته

 

[سهمك اخضر]

المال مايعطى سفيه
وافهم يافهيم

 

[البواردي]

شي جميل ان يكون بنك وربه اغلى من غراند

 

[كيدي كاو]

ولا يهمك بو عثمان يشتريهم على 80 فلس

 

[zinger]

ياسبحان الله بني آدم طماع

مو كافي جتك ببلاش

::verymad::::verymad::
​

 

[اليوفي الثاني]

,وين رقمه
انا ابي ابيع

 

[علي يحيي]

وصلت 10 فلوس انا اشتري