لاتعتقدين أن هالتصرفات شي وااااو يعني

الموضوع في 'إستراحة المنتدى' بواسطة yoyo1983, بتاريخ ‏15 نوفمبر 2009.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    بسم الله الرحمن الرحيم



    بعد أذنكم حبيت أتكلم اليوم عن حادثة الأغلبية شافها جدام عينه
    أقدر أقول كلنا مو بس الأغلبية

    بصراحة ترددت قبل لا أكتب الموضوع لأني المعروف عن مواضيعي
    تكون بدقة كاملة

    بس اليوم بتكلم باللهجة الكويتية وإذا في كلمات عربية فاسموحة

    قاعدين نسوق والله الحافظ
    بعد عدة ثواني بس نلقى أستهتار بالشارع

    شلون؟
    وشنو؟
    وليش؟
    ومتى؟

    شلون : لم نكون رايحين للمكان إلي آحنا نبيه ونشوف سيارات بوضع لا تعليق ممكن كل واحد فينا لقبهم بالميانين .

    شنو : لم البنت تتعرض للمعاكسة ولم الولد تلحقة بنت وتلف عليه احنا نسميها تنام عليه بالسيارة ؟!

    ليش : قلت لكم ميانين .

    متى : بكل وقت ممكن نكون أحنا مع أهلنا أصدقائنا أو حتى برحنا.


    المشكلة ان إلي قاعدة أشوفه أن أقبال البنات على هالشي أكبر من الشباب
    تلقون بنت ياية ١٢٠-١٦٠ وترك و حالتها حالة ليش ؟!
    متأخرة عن الدوام ؟ ترى ماراح توصلين امبجر
    وإذا وصلتي اليوم ماراح توصلين المرة الياية

    متأخرة عن المحاضرة ؟
    ترى الناس موذنبهم

    توج طالعة من الدوام ،وبتروحين البيت ؟
    ترى البيت موجود
    والله بانينه بسميت مو بأوراق شير علشان يطير


    غير هذا

    إلي ما عندها عذر بس تبي تلفت نظر الشباب
    وفعلاً تلفت نظرهم بس أنا متأكدة
    أن الشباب إي لاحقينها بيشوفونج أنتي صاحية ؟؟
    بكامل قواج العقلية ولا فيج شي ؟

    لاتعتقدين أن هالتصرفات شي وااااو يعني
    وإلي بيلحقج بيتأكد أنتي صبي ولا بنت لا أكثر ولا أقل !!

    آسفة بس عتبي اليوم على البنات مو الشباب
    لان بصراحة الشباب ما ينلامون وحتى لو

    في فئة منهم تخلق هالمشكلة بطرق ما ابي أذكرها بس أكيد
    تعرفونها وصارت جدامكم يعني أشياء لم تنرفز البنت فيها

    بس هذا مو دافع أنج تطقين هرنات وتسوين مسيرة وتلفين على الولد إلي سوالج الحركة أو قل أدبه عليج
    وتعطلين الشاريع كله علشان حركة تافهة

    أو الحلوة إلي لفت على البنت والبت تركت لها مرة ؟ وأحسها تندمت
    قامت وخفف سيارتها الي لفت عليها وهذيج نعندة وترك لها كسرت عينها شوي
    بصراحة ما ألومها جن معاها الوالدة بعد يعني إلي لفت عليها والشارع كله فاضي
    ما حلت لها المكان إلي السايد الي فيه سيارة ؟

    إلي أحلا أنها وقفت السيارة بالجسر والثانية وراها ......... مادري شالتكملة
    بس هذي حركات بنات ؟

    يعني لو صبي ما راح يسوي ربع إلي أنتي تسوينه
    عيييب والله عيييب



    آسفة مرة ٢ بس البنت المحترمة ما تسوي هالسوات حتى لو كانت بروحها بالسيارة

    السياقة ذوق وأدب



    بس ما ابي أطول
    أخليكم أنتو تتكلمون عن الأحداث إلي شفتوها
    و ما عممت تكلمت عن الفئة

    بصراحة ماعندي أسألة
    لان أعتقد الموضوع مفتوح
     
  2. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait


    توج طالعة من الدوام ،وبتروحين البيت ؟
    ترى البيت موجود
    والله بانينه بسميت مو بأوراق شير علشان يطير

    ضحكتيني بهذي :)

    عموما الله يهديهم وياشين البنت لاصارت غشيمه وتدوس
    :d
     
  3. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    الله المستعان
    من امن العقوبه اساء الادب
     
  4. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    انا عادي كل يوم متاحره على البيت :)

    شكرا ع الموضوع
     
  5. الكوفه

    الكوفه موقوف

    التسجيل:
    ‏2 نوفمبر 2009
    المشاركات:
    77
    عدد الإعجابات:
    0
    قوانين وتعليمات بين حين وآخر . وطفاية ولوحات جديدة.

    ومع كل هذا فحوادث المرور في ازدياد .. وحالة الشوارع والاختناقات المرورية وطريقة قيادة السيارات في الكويت – وتحديدا في الكويت – باتت واحدة من أكبر المشكلات التي تصيب المواطن الكويتى بالضجر والإحباط.

    ما هي مقترحاتك لحل أزمة المرور؟ هل الحل في الشعارات التقليدية مثل بناء عاصمة جديدة والخروج إلى مكان آخر؟

    أم أن هناك حلولا غير تقليدية يمكن أن تراها مفيدة لمعالجة الوضع القائم؟

    هل ترى أن الحل يكمن في تغيير قواعد الحصول على الرخصة؟ أم في اختبارات القيادة؟ أم في الاهتمام بالطرق والتخطيط العمراني