حاليا شنو افضل صندق استثمار؟

[يعقوبيان]

السلام عليكم
عندي مبلغ 5 الاف دينار وابي احطهم بصندوق استثماري ، شنو افضل الصناديق حاليا؟

انا سمعت عن صندوق الهند تبع شركة المدينة للاستثمار
مادري شرايكم فيه وهل فيه افضل؟

يا ريت لو تنصحوني

 

[يعقوبيان]

للرفع

 

[Wicked]

أفضل صندوق انك تحطهم بالبنك، أو تشارك مع من تثق فيهم و تفتحون كنتين عند المخيمات.

ترى فيها رزق طيب.

أما صناديق الاستثمار فهي حارقة للأموال وخر عنهم لا باركت فيهم.

 

[انوفستي]

لايحوشك دايما خل فلوسك تحت ايدك

 

[alemperator]

نصيحة أخ إبتعد عن صناديق الإستثمار وغير فكرتك إن كان عندك فكره بأنها الإستثمار الامن !!
أحد الإخوان قلت له دش البورصه فى يوم من الأيام وكان وقتها فيها رزقه قالى لا راح أدخلها أحد الصناديق ولما قوعت البورصه وإنتهت فترة الصعود وهو لازال يدير أمواله فى أحد الصناديق راح رأس ماله قوع وخسر ما يقارب الـ20000 ألف دينار !!​

 

[3lgm]

دشيت بصندوق الهند عن دينار وبعت بنص دينار والحين اذا ماني غلطان تقييمهم بحدود الـ600 فلس .

 

[ميكانيكي]

الصندوق المبيت

طبعا تحطه تحت السرير .. ولا فوق الكنجيه

 

[توني عليمي]

نصيحة
هالخمس تالاف روح دور لك محل واشتغل فيه ابركلك من هالبورصة
واذا مالك خلق تشتغل فيه روح ضمنه

 

[كيدي كاو]

حطهم في حساب وديعه شهريه ينزل لك مبلغ مو وايد بس على الاقل احسن من حطنهم جذي انا حاط اميه الف يعطيني البنك 165 معاشات الخدم روح بنك الخليج وبطل حساب استشماري واخذ كل راس شهر حتي لو القليل اهناك يعطونك الحسبه الفايده نازله صج بس ولا يروحون في البورصه اوالصناديق

 

[يعقوبيان]

شدعوة كلش محد ينصح يعني؟؟

 

[بكوش]

الصندوق المبيت

طبعا تحطه تحت السرير .. ولا فوق الكنجيه

هههههههههههههههههههههههههههههه اي والله يا حلو صندوق المبيت هالايام .

نصيحة ابعد عن الصناديق لان اغلبهم في الوقت الحالى يستخدمون هالاموال لإطفاء مديونياتهم وتعزيز قدرتهم الائتمانية لاعادة الاقتراض .. أو يقومون بالشراء في صناديقهم التابعة لهم .. يعنى ياخذون فلوسك ويعززون مركزهم المالي مو مركزك انت يالمساهم

 

[Winchester SX3]

خرجه قديمه
تلف فلوسك فيها وتربطهم بسير بو 20 فلس من المكتبه ( كأنك شاري سهم ) ههههههه
وتحفر دوشق فراشك وتنام عليهم وتحلم إنك تصير هامور
وتقوم الصبح مطمن إن فلوسك عندك


طيعني