شنو الفرق بين المرسيدس الالماني والبشر - موضوع نقاش

[setup]

السلااااام عليكم

شلونكم اخواني

نبي نفتح موضوح النقاش هذا شنو الفرق بين المرسيدس الالماني والمرسيدس الوارد البشر من واقع تجارب الاعضاء

وشنو الافضل فيهم البشر ولا الالماني بعدت نقاط

- الحراره
- التكيف
- متانت الموتر بالاجواء الخليجيه
- المواصفات تختلف
- طريقة معرفة البشر عن الالماني

واترك المجال لكم مفتوح

الموضوع للفايده ياشباب انا بالنسبه لي ما استخدمة مرسيدس

سياراتي تويوتا وجمس وبي ام

 

[ابو عوالي]

انك سألت عن ش عظيم

الحراره تغيير الترمستات ودقمة الحراره

- التكيف بارد
- متانت الموتر بالاجواء الخليجيه / جامد ويجي الموتر الالماني رزه

- المواصفات تختلف / مواصفات الالماني اكثر ويزيد على البشر بالتدفئه

- طريقة معرفة البشر عن الالماني / بالنظافه وبالوقفه الالماني احسن

 

[الحريه وطن]

الالماني ابرك من البشر مليون مره

مواصفات وفلة حجاج

 

[ولد الشعب]

انا اشتغل بالالماني الالماني ابرك من البشر مليار مره بر تغير الترمستات وكلجات المراوح بس والباجي كل شي احسن من البشر

 

[setup]

مشاءلله الكل يمدح الالماني والله يا اخواني خاطري اخذ مرسيدس جربت التويوتا حلوه والبي ام اممم مو وايد

وجربت الكزس شي عجيييب يا اخوان

انا باجر بروح اشوف مرسيدس e240 موديل 2003 راعيها يقول 4200 ويقول لها ملف بالبشر

وشكلي باخذها للاهل بس الكل يقولي تكيف المرسيدس اذا الماني مو بارد وعقدوني بيني وبنكم

انتم من واقع تجربه بالصيف بعز الحر التكيف باارد ؟؟

 

[DollaR777]

الي اعرفه ان الماني حرارته اعلى من البشر
تروح اذا شلت دبات التلوث وغيرت الترمستات

 

[liger79]

السلام عليكم ... اخواني يعطيكم العافية ... بس الله عرفناه بالعقل !
اذا كان الأماني أحسن من البشر .. ليش البشر سعره أكثر بالبيع ؟ ... ويروح بسرعه ومرغوب أكثر من الألماني ؟ .. وأتفق معاكم بمواصفات الألماني أكثر من البشر
واللي أعرفه ان الألماني يكون 80% منهم ملعوب بعدادهم ... وألحين الألماني يعطيه العافية
المشكله بالأمريكي .. ما تدري شلون قايل هالمرسيدس الأمريكي !!!
وموضوع حلو الصراحه .. وآسف ان كنت أطلت عليكم

 

[بومساعد30]

والله ياجماعه السياره تطلع من نفس المصنع
بس اللي يفرق بعد التصنيع
تغيير الترمستات ..علشان حرارة الخليج..والمواصفات الداخليه حسب الطلب.
ودمتم سالمين
وبعدين اللي يقول الالماني ملعوب بالعداد وماادري شنو..
اول شي شوارع المانيا افضل مئة مره من مطباتنا ودباياتنا..
الجو عندهم افضل..
ماعندهم غبار..
القطع عندهم اصليه من المصنع ..ماعندهم تجاري..
لذالك اتوقع السياره وارد الماني افضل من البـــشر..لنعومة استخدمها (لوووووول)
بالتوفيق..

 

[KhaledBenz]

نصيحه من اخ انا كانو يقولولي مثلك عن التكيف والقطع وهذا الكلام والحمدلله خذيتلي حوت وارد امريكا والحمدلله صارله معي نتين ولا شفت اي مشكله من هذي المشاكل وبالعكس بعز الصيف كنت اقلل التكييف

 

[ELGALLAF]

الامريكي تميزه بليتات الجدام اللي على الطرف
اذا برتقاليه يعني امريكي
اذا ماكو يعني بشر او الماني
انصحك بالبشر

 

[@H@]

الفرق ...

مــــــــــــــــــاكو .....
فرق ... سيم سيم ...​

 

[khaled6]

مافيه فرق بين الالماني والبشر الفرق بالامريكي والله اعلم انا من ناحيتي استخدمت مرسيدس 8 سنوات الماني حرارته طبيعيه ومكيفه حلو ماتقول حار ولاتقول بارد حيل براده حلو بس ينجل مرات

 

[amsha]

الالماني والتكييف لا تتكلم عنه ابرد من مكيف البيت وكد كل يوم دوام 300 كم ماعادا نهايه السبوع وبدل زيت وتواير بس الله ولا احسن وتحس صج بالمرسيدس والدنيا مطر ترى انا اتكلم عن الشبح موديل 92 صار لي استعمله من سنه 2000 لين اليوم الحمد لله انا جايبه من المانيا استعمال شخص واحد في الكويت انا

 

[محمود الشامي]

السلام عليكم

انا عندي مارسيدس وارد ألماني ما شاء الله للحين ما شكيت منو

وحلاوته انو يجي مواصفات عاليه وكثيره اما البشر يختصر بعض المواصفات

حسب طلبك من الوكاله وشفت الالماني بياع اكتر ما ادري الشباب يقولون

البشر بياع اكثر ..

وربي يوفق الجميع

 

[560SEL]

البشر ينباع اكثر وبسعر اعلى لأن يقول لك الخليجي افضل بالنسبه للحراره والتكييف
انتو شوف الكلام عن حجم 500 وحجم 320 وصاير ال 500 طايح حظه وال 320 التوب مع ان العكس صحيح ال 500 افضل حجم عالميا
وبالنسبه للوارد الالماني قسم بالله انه جوده لا يعلى عليها ويجي بعده الامريكي وبعده الخليجي والياباني لاهنا ولا هناك يعني شين وزين والأغلب شين وعن تجربه ولو تلاحظون الالماني يجي ماشي 300000 كم وبحالة المصنع والأمريكي يجي ماشي ونظيييييف حيل وانا حصلت حوت موديل 2000 من داخل الفرش جديد وماشي 300000 اما الخليجي ماشي 100000 ومستهلك
لكن الألماني لا يعلى عليه خذ مواصفات غير محدوده مو مثل الخليجي كل شي طلبيه
انا استخدمت مرسيدس شبح الماني و560 الماني سيارات بمعنى الكلمه واستخدمت 560 كوبيه ياباني واله ما وراه الا المشاكل مع انه نظيف

 

[GTO]

البشر ينباع اكثر وبسعر اعلى لأن يقول لك الخليجي افضل بالنسبه للحراره والتكييف
انتو شوف الكلام عن حجم 500 وحجم 320 وصاير ال 500 طايح حظه وال 320 التوب مع ان العكس صحيح ال 500 افضل حجم عالميا
وبالنسبه للوارد الالماني قسم بالله انه جوده لا يعلى عليها ويجي بعده الامريكي وبعده الخليجي والياباني لاهنا ولا هناك يعني شين وزين والأغلب شين وعن تجربه ولو تلاحظون الالماني يجي ماشي 300000 كم وبحالة المصنع والأمريكي يجي ماشي ونظيييييف حيل وانا حصلت حوت موديل 2000 من داخل الفرش جديد وماشي 300000 اما الخليجي ماشي 100000 ومستهلك
لكن الألماني لا يعلى عليه خذ مواصفات غير محدوده مو مثل الخليجي كل شي طلبيه
انا استخدمت مرسيدس شبح الماني و560 الماني سيارات بمعنى الكلمه واستخدمت 560 كوبيه ياباني واله ما وراه الا المشاكل مع انه نظيف

انا اوافقك بالكلام والالماني لا يعلى عليه
وحسب استعمالي افضل ال500 مديل 94 وفوق وتحت ال94 فيه مشاكل خاصه الدب مديل 93-94

وبالنسبه للاخ الي يقول عن التكيف
نصيحه ركب كمبريسر ياباني بدل الالماني سعره بالاهليه جديد 30-50 مو اكثر والوالد مركبه من 8او9 سنين على شبح وماتتحمله من كثر ماهو بارد
سامحونا على القصور

 

[560SEL]

اخوي gto الكمبرسر الالماني مال مرسيدس ولا شنو ووين مان الأهليه

 

[GTO]

اخوي gto الكمبرسر الالماني مال مرسيدس ولا شنو ووين مان الأهليه

هلا والله
قصدي اذا تبي التكييف بارد وقوي ركب كمبريسر ياباني بدل الالماني
واعتقد ينباع عند الاهليه
الوالد مركب كميبريسر ياباني على شبح من 9 سنين وسعره وقتها 30 دينار اذا ما خاب ضني
ومادري من وين شاريه بس اتوقع من الاهليه
سامحنا على القصور

 

[ابو غلاب]

والله انا اقول البنز اشتر الماني امريكي والبشر مو خساره وما اعتقد فيه فرق واجد