مشكله ما لقيت لها حل ؟؟ ارجوكم

[wooow]

السلام عليكم
ليت الاندكروزر وارد امريكا شغال من ادق سلف شلون الغيهم

وسلامتكم

 

[اي عيني]

هذا شي طبيعي وماله اي تأثير ..


بالنسبة لالغاء هذا الليت اهو فيوز واذا شلت الفيوز راح يطفي شي ثاني بالسيارة لان السيارات الامريكية فيوزاتها مشتركه لكن نصيحه خله ولا تلعب بسيارتك وشكرا

 

[560SEL]

هذا حله برمجه لكن وين تحصل اللي يفهم فيه

 

[Camaro]

انا بعد مافريت شويخ كلها ومحد فادني سويت هالطريقه على تاهو وعلى كمارو وضبطت ميه ميه
السنسر مال هالشغله تلقاه على الطبلون حاول تبطله يا من فوق الطبلون او من ورا المسجل وتقص وايراته وتشبكهم اما الطريقه الثانيه بطل المسجل او ورا الدرج الامامي راح تلقى جهاز كبر كف ايدك تقريبا فيه فيشه افصلها وجرب وان شاء الله تضبط وياك هالطريقتين

 

[al-dbel]

اللي يفهم فية محل بلال للمفاتيح بالشويخ بعد ما تخلي وكالة البابطين علي يسارك امش تقريبا 200 متر تحصلة على اليسار

 

[اليوفي الثاني]

اخوي عادي جداااا انا عندي تويوتا سولارا وارد المريكا نفس الكلام اللي صاير معاك