abdullah6868
عضو نشط
[color="blue"]
السلام عليكم ورحمة الله وبركاتة
سوف نذكر بعض المواقف التى حدثت لنا اثناء التجارة وموضوعى مفتوح للكل لمن حدث له موقف للاستفادة واخذ العبر
في سنة 1998 في اندونسيا واثناء احداث الانقلاب على الرئيس الاندونيسى سوهارتو كنت فى اندونيسيا وشاهدة الاحداث حرق المجمعات السرقات وكل البلاوى الله يكفينا وياكم الشر وايامها طاحت الربيه الاندونيسيه بالحظيظ الدولار = 17000 ربية
المهم
رحت لمصنع شخص مسلم وسئلته عندك ستوك بضايع ( بقايا ملابس ) جديده طبعا بس هذا اختصاصي شراء الاستوكات من المصانع في جميع دول العالم
قال نعم وشفنا البضاعه جاكيتات اطفال ممتازه وشرط على شراء الكميه بالكامل ووافقنا ودفعنا مبلغ 6000 دينار
وتم تحميل البضاعه كونتير 40 قدم هاى كيو
وبعدها سافرنا للكويت
ولما وصلت البضاعه عندى في البيت
بطلنا الكراتين وحدثت الصدمه
البضاعه من فوق ممتازه السطر الاول
الباقي ملابس غرقانه ماى من الامطار
شافها الوالد الله يرحمه وقال -- ها انغشيت -- قلت اي والله
الوالد الله يرحمة انسان صادق ولا يحب يغش احد -- وهو تاجر سيارات من الستينات على قد حالة
قالى -- دير بالك تغش الناس -- اعرض البضاعه وقول اللى عندك بدون غش
قلت والله ما تنباع حتى 100 دينار
المهم
عرضنا البضاعه بالوسيط
اول شخص جانى صعيدي اسمه حج بدوى تاجر بسوق الجمعه الى اليوم
شاف البضاعه بوجود الوالد
انا طبعا مالى نفس اتكلم
قال كم تبون في البضاعه
قاله الوالد سوم
شيك على البضاعه على طول قال -- بعت ب 15 الف دينار
انا بغيت اطمر ابوس خشمة من الفرحة --
يالهوى عريس وعنده شقه فى الزمالك من ادك يانبوية
المهم
قال الوالد للصعيدى ظلمت البضاعه
قلت بقلبى ضعنا تكفى يبه فكنا من الشر
قال الصعيدي عندى 16 الف دينار بعتو والا اتوكل
طمرت وقلت بعنا
والحمد لله توفقنا بعد ما صفينا النية
وبعد اسبوع رحت لسوق الجمعه -- والا العالم مخامط شنو صاير قالوا فيه صعيدى مجنون يبيع الجاكيت بنص دينار والناس تذابحت عنده
قلت الله يرزقه يارب حظه
بعد شهر رحت لاندونيسيا مع ام العيال
مرينا على التاجر الغشاش
وسئلنى ها شلون البضاعه قلت ما ادري بعتها على تاجر واهي بالبحر وخذيت فايدة 50 الف دولار
انصدم الاندونيسى وام العيال -- ام العيال قالت اثاريك ربحان وانا مدري -- غمزت للمرة وافهمت الغمندة
المهم
شرينا الله يعزكم احذية اطفال ب 15 الف دينار دفعنا عربون 600 دينار -- ووصل التاجر البضاعه لمكتب الشحن -- طبعا اي مكتب شحن في العالم لما يستلم بضاعه على طول يحمل بالحاوية وعلى المينا ولا يقدر التاجر يسوي شي حتى لو ما استلم فلوسه
طبعا انا مواعد التاجر اشوف بضاعه ثانيه -- ابو الشباب طمعان
وعلى طول المطار للكويت -- بعد ما نسقت مع مكتب الشحن الله يذكرها بالخير مدام يوشى اوتامه --وانا شارح لها القصه
بعد ما وصلت الكويت والا مليون اتصال من التاجر الحرامي
وقلت له لما توصل البضاعه الكويت -- اخصم عليك اللى انا خسرته من الجاكيتات
اهنيه انهار الاندونيسي
وقال عطني 6000 دينار بس لا تاكل حلالى
المهم وصلت البضاعه الكويت وتوفقنا في البيعه
ودقيت على الاندونيسي وقلت كم راس مالك فى البضاعه حلف الف يمين انه 9000 دينار
وقلت اقدر اضرب عليك بس الله سبحانه وتعالى ما يرضى وهذى درس لك ياحرامي
وفعلا دزيت له 9000 دينار
وسلامتكم
[/color]سوف نذكر بعض المواقف التى حدثت لنا اثناء التجارة وموضوعى مفتوح للكل لمن حدث له موقف للاستفادة واخذ العبر
في سنة 1998 في اندونسيا واثناء احداث الانقلاب على الرئيس الاندونيسى سوهارتو كنت فى اندونيسيا وشاهدة الاحداث حرق المجمعات السرقات وكل البلاوى الله يكفينا وياكم الشر وايامها طاحت الربيه الاندونيسيه بالحظيظ الدولار = 17000 ربية
المهم
رحت لمصنع شخص مسلم وسئلته عندك ستوك بضايع ( بقايا ملابس ) جديده طبعا بس هذا اختصاصي شراء الاستوكات من المصانع في جميع دول العالم
قال نعم وشفنا البضاعه جاكيتات اطفال ممتازه وشرط على شراء الكميه بالكامل ووافقنا ودفعنا مبلغ 6000 دينار
وتم تحميل البضاعه كونتير 40 قدم هاى كيو
وبعدها سافرنا للكويت
ولما وصلت البضاعه عندى في البيت
بطلنا الكراتين وحدثت الصدمه
البضاعه من فوق ممتازه السطر الاول
الباقي ملابس غرقانه ماى من الامطار
شافها الوالد الله يرحمه وقال -- ها انغشيت -- قلت اي والله
الوالد الله يرحمة انسان صادق ولا يحب يغش احد -- وهو تاجر سيارات من الستينات على قد حالة
قالى -- دير بالك تغش الناس -- اعرض البضاعه وقول اللى عندك بدون غش
قلت والله ما تنباع حتى 100 دينار
المهم
عرضنا البضاعه بالوسيط
اول شخص جانى صعيدي اسمه حج بدوى تاجر بسوق الجمعه الى اليوم
شاف البضاعه بوجود الوالد
انا طبعا مالى نفس اتكلم
قال كم تبون في البضاعه
قاله الوالد سوم
شيك على البضاعه على طول قال -- بعت ب 15 الف دينار
انا بغيت اطمر ابوس خشمة من الفرحة --
يالهوى عريس وعنده شقه فى الزمالك من ادك يانبوية
المهم
قال الوالد للصعيدى ظلمت البضاعه
قلت بقلبى ضعنا تكفى يبه فكنا من الشر
قال الصعيدي عندى 16 الف دينار بعتو والا اتوكل
طمرت وقلت بعنا
والحمد لله توفقنا بعد ما صفينا النية
وبعد اسبوع رحت لسوق الجمعه -- والا العالم مخامط شنو صاير قالوا فيه صعيدى مجنون يبيع الجاكيت بنص دينار والناس تذابحت عنده
قلت الله يرزقه يارب حظه
بعد شهر رحت لاندونيسيا مع ام العيال
مرينا على التاجر الغشاش
وسئلنى ها شلون البضاعه قلت ما ادري بعتها على تاجر واهي بالبحر وخذيت فايدة 50 الف دولار
انصدم الاندونيسى وام العيال -- ام العيال قالت اثاريك ربحان وانا مدري -- غمزت للمرة وافهمت الغمندة
المهم
شرينا الله يعزكم احذية اطفال ب 15 الف دينار دفعنا عربون 600 دينار -- ووصل التاجر البضاعه لمكتب الشحن -- طبعا اي مكتب شحن في العالم لما يستلم بضاعه على طول يحمل بالحاوية وعلى المينا ولا يقدر التاجر يسوي شي حتى لو ما استلم فلوسه
طبعا انا مواعد التاجر اشوف بضاعه ثانيه -- ابو الشباب طمعان
وعلى طول المطار للكويت -- بعد ما نسقت مع مكتب الشحن الله يذكرها بالخير مدام يوشى اوتامه --وانا شارح لها القصه
بعد ما وصلت الكويت والا مليون اتصال من التاجر الحرامي
وقلت له لما توصل البضاعه الكويت -- اخصم عليك اللى انا خسرته من الجاكيتات
اهنيه انهار الاندونيسي
وقال عطني 6000 دينار بس لا تاكل حلالى
المهم وصلت البضاعه الكويت وتوفقنا في البيعه
ودقيت على الاندونيسي وقلت كم راس مالك فى البضاعه حلف الف يمين انه 9000 دينار
وقلت اقدر اضرب عليك بس الله سبحانه وتعالى ما يرضى وهذى درس لك ياحرامي
وفعلا دزيت له 9000 دينار
وسلامتكم