مشورة ورأي مهم

[مساهم11]

اخواني انا عندي مشروع شراء بيت بسعر 120 الف دينار
وناقص علي 10 الاف دينار
والبنك مغطي تماما ال 40%
وراتبي والحمدلله ممتاز وعندي قدره لقسط اخر
فهل من طريقه اخري تكون شرعيه وتفي بالغرض
حتي لو كمبيالات او غيره من الضمانات
جزاكم الله خير لا تبخلون علي بالرأي والتوجيه لمن عنده خبره

وشكرا لكم

 

[ودي ومتردد]

الله يعينك ويرزقك ان شاء الله

 

[Packard Bell]

اتفق مع راعي البيت على أن تدفع الباقي وهو 10 آلاف دينار على
دفعات تناسبك وتناسبه ويمكن يتفهم وضعك ويساعدك وعطه الضمانات اللي يبيها
في ناس الطيب والجود يمشي بدمهم وباذن الله يكون اللي بتشتري البيت منهم
​

 

[مساهم11]

اتفق مع راعي البيت على أن تدفع الباقي وهو 10 آلاف دينار على
دفعات تناسبك وتناسبه ويمكن يتفهم وضعك ويساعدك وعطه الضمانات اللي يبيها
في ناس الطيب والجود يمشي بدمهم وباذن الله يكون اللي بتشتري البيت منهم
​

بارك الله فيك اخوي
المشكله لو بيوافقون علي دفعات
يبعونه للي سام قبلي والفرق بيني وبينه الف

والله المستعان
وياليت الي عنده فكره عن شركات التكييش
يفيدني وهل هي حلال ؟

 

[مساهم11]

شكرا لكم جزيلا

 

[بو عبدالله 007]

وخر وابعد ولا تقرب من شركات التكييش

 

[طنش تعش]

لما يرتد السوق ويعطي إشارة دخول دش على سهم ب 60 ألف دك وإذا نزل برد عليه ب50 ألف الباقيه .
وإذا نزل السهم خله إستثماري وجذيه إنت فلست من البيت ومن السهم

 

[الهامرز]

شوفلك احد من ربعك يدفعلك وتسدده كل شهر

 

[just_a_guest]

لما يرتد السوق ويعطي إشارة دخول دش على سهم ب 60 ألف دك وإذا نزل برد عليه ب50 ألف الباقيه .
وإذا نزل السهم خله إستثماري وجذيه إنت فلست من البيت ومن السهم

الله يقطع سوالفك ..ضحكتني مثل المجنون بهالليل ..ههههههه.... ما نقول الا عسى الله يعين الريال

 

[sportsaaad]

اسأل بيت التمويل اذا في طريقة يكييش اللي عليك كله وتشتري البيت عن طريقهم

 

[مساهم11]

شكرا لجميع

اسأل بيت التمويل اذا في طريقة يكييش اللي عليك كله وتشتري البيت عن طريقهم

اخوي الكريم
انا كيشت وتوني ماخذ تورق ب 38 الف وهذا اكبر شي اقدر اخذه