&& مرزوق الغانم وترأسه لمجلس إدارة بوبيان بتروكيماويات &&

[Packard Bell]

الديره ماشيه بالكوكو

بالكوكو؟

إن بعض الظن إثم​

 

[عبدالله 2]

الظاهر ان مرزوق الغانم اصبح عقده لدى البعض.
اولا مرزوق الغانم رئيس مجلس الادارة لبوبيان للبتروكيماويات مثل ماتفضلت منذ سنوات فلماذا التطرق للموضوع في الوقت الحالي بالتحديد؟ وهل له علاقه بحل مجالس ادارة أندية التكتل؟
ولماذا لم يتم التطرق الى النواب الاخرين مثل السلطان والمطير ومبارك الدويله سابقا وغيرهم الكثير الكثير.
هل كل من يقف بوجه (بو مشعل) تدورن عليه الزلات او نقطه صغيره ليتم فيها التعرض لشخصه.

 

[Winchester SX3]

الظاهر ان مرزوق الغانم اصبح عقده لدى البعض.
اولا مرزوق الغانم رئيس مجلس الادارة لبوبيان للبتروكيماويات مثل ماتفضلت منذ سنوات فلماذا التطرق للموضوع في الوقت الحالي بالتحديد؟ وهل له علاقه بحل مجالس ادارة أندية التكتل؟
ولماذا لم يتم التطرق الى النواب الاخرين مثل السلطان والمطير ومبارك الدويله سابقا وغيرهم الكثير الكثير.
هل كل من يقف بوجه (بو مشعل) تدورن عليه الزلات او نقطه صغيره ليتم فيها التعرض لشخصه.

طول بالك يالحبيب

لا معقدني ولا قالها الله

وبعدين ليش معصب؟ ومنو تعرض لشخص مرزوق الغانم؟
ومنو قالك اني اتابع رياضه ولا كره قدم؟
بذمتك خلال السنوات العشر اللي طافوا تسمي عندنا رياضه؟
الحمدالله اني مو راعي رياضه بس اخبارها تارسه الجرايد والقنوات الاخباريه والمسجات اللي تخليني اضحك على اللي قاعد يصير فيها

عموما مو موضوعنا هذا الحين
انا طرحت موضوع وانتظر حلول قانونيه أكيده
عندك؟
إدل بدلوك

ما عندك؟ إنطر وبإذن الله يجيك العلم

 

[el6ayeb]

لو يطبقون قانون تعارض المصالح .. بمعنى يمنع الجمع مابين منصب عام (حتى لو كان رئيس مجلس الوزراء) أو أي نشاط تجاري سواء لصاحب المنصب أو أي أقرباء حتى الدرجة 2 ... و يمنع منعا باتا من استغلال منصبه في أي نشاط تجاري أو خدمي سواء بالدعم أو بالتأثير... وهذا القانون موجود و مطبق في السويد
لو عندنا هذا القانون جان ماقعد التجار في الكويت دقيقة واحدة ..و دورو لهم دير ثانية

 

[الاشعث2]

المفهوم من القانون ان مايجوز يجمع بين الاثنين بس يطلعلك خبير دستوري
يقول مثل مايبون ويغير بتوقيت قبل وبعد اذا تبونها بالعقل مايجوز يجمع بين السياسه والتجاره هو وغيره المفروض يختار بين الاثنين وبعدين احنا اليوم
عندنا 24 ساعه هو اليوم عنده شكثر جلسات مجلس امه ولجان خارجيه
وداخليه وستقبال معاملات ناخبيه ورياضه وتجاره وامور الحياه الي ماتخلص
هذا صج دمه أزرق وذكر الي يقول لا تعرضون لشخص مرزوق الغانم مادام
يمثلنا في مجلس الامه يحق لنا ان نحاسبه اذا أخطأ

 

[Edrak]

ضيف عليهم محمد الصقر سابقا ..

محمد المطير ... الأولى للأستثمار
خالد السلطان .. امتياز
و هناك 3 4 أخرين و منهم من نواب الخامسة 2 وواحد من الرابعة