تتوقعون الكبار يتابعون هالمنتدى؟

[المقرود]

وايد مرات يخطر ببالي هالسؤال: هل الكبار واصحاب القرار يتابعون هالمنتدى خصوصا ان عدد المتواجدين في المنتدى اغلب الاوقات يكون بالمئات؟
احتمال يهمهم راي ووجهة نظر المستثمرين الصغار عشان يتخذون قراراتهم ويمشون لعبتهم
و في احتمال انهم قاعدين يشاركون بمواضيع معينة عشان يثيرون الشائعات او غيرها

يعني احتمال يكون اخونا عليمي اهو جميل سلطان
واخونا استشاري البورصة اهو كمال سلطان
واخونا الخلوري عماد الصقر
والريان واحد من عيال البحر
ومراقب4 اهو صعفق الركيبيي
:d
قاعد اتغشمر لحد يزعل

 

[bufahad]

اي اكيد وانا واحد منهم

 

[bor9awi]

نعم, هذا المنتدى مراقب من قبل الشركات و كبار المستثمرين

و لنا الفخر ان نكون اعضاء في هذا المنتدى الناجح

 

[TechnoFund]

مراقب من الكبار ؟؟ >>>>>>>>>>>> من قلـــب

 

[زيبق]

الله يسامحك...
الشباب كلهم كبار، وأكبر من الكبار بعد!

 

[STOCKER]

وستوكر هو المحلل الاقتصادي والمحاضر الي يعطي دورات في فندق على شارع الخليج [ أ . ط . ل . ب .ع . ي . ن . ك خ ]

حلوة مني :d

 

[mr_3ajamo]

كلنا ذو خبرة وفاهمين

يا جماعة الخير .
ترى اعتقد اللي موجودين بالمنتدى اهم كبارية ولهم خبرة بالسوق من ناحية التحليل الفني او المالي أو حتى من خلال ممارسة البيع والشراء.

بس المشكلة في السوق الكويتي ..اهي انة مافي شفافية بالمعلومات ..يعني كل من يوصله المعلومة قبل ..اهو يكون الربحان ..

بس هم الموجودين اهني ..ترى يشتغلون في شركات استثمارية وغيرها .يعني لهم باع طويل في مجال الإستثمارات.

بس شدوا حيلكم ..ولا تخافون بالعمليات البيع اللي قاعدة تصير هل الأيام ..لانها اهي لعبة الصناديق والمحافظ الإستثمارية ... لانهم يدرون انه السوق راح تطلع بالقريب العاجل .... فتوكلوا على اللة ..وترى خسايركم هل الايام ..بس خسائر دفترية ومو فعلية ..وقريبا راح تصير ارباح فعلية ما بين 10% إلى 15%.

فشدوا الهمة ولا تخافون

 

[سوق التجار]

من خلال قراءاتي لما يكتبه المشاركين في المنتدى ظهر لي أن معظم المشاركين هم من المتداولين النشطين في البورصة. كما لاحظت أن هناك وسطاء يعملون في مكاتب الوساطة في البورصة يشاركون في المنتدى.
أما كبار السوق وأصحاب القرار فأنهم لايشاركون في هذا المنتدى، ولكنهم يراقبون ما يكتب به. وبالنسبة لمدى أستطارعه كبار السوق أن يبثوا أشاعات في المنتدى، فلا أعتقد أنهم يستطيعون ذلك، لأن من في المنتدى يستطيعون كشفهم، فدائماً يطلبون ممن يذكر أي توصية على سهم معين أن يذكر لهم سبب هذه التوصية (كأن يذكر ما أذا كان قد بني توصيته على تحليل أساسي، أو تحليل فني، أو بناء على خبر).

 

[المقرود]

عفوا يا إخوان
حتى لا يساء الفهم ، أنا قصدت بالكبار اهم أصحاب القرار من أعضاء مجالس الإدارات وأصحاب الملكيات المؤثرة في الشركات وغيرها ، يعني باختصار أصحاب الملاااااييين ، وما كنت أقصد المكانة والخبرة والأخلاق وغيرها ، ولو كنت أقصد هالشي فأعضاء المنتدى كلهم ان شاء الله كبار

مدام نفس ماقال الأخوة إن الكبار يتابعون المنتدى:
أبي أوجه رسالة حق عماد الصقر المحترم (رئيس مجلس إدارة السفن)

أخي الفاضل:
مادري شقول لك بس والله ما في سهم بط جبدي مثل سهمكم ، كل فلوسي أضارب فيها أشتري وأبيع إلا سهم السفن صار له مدة مجمد عندي ،
أخي الفاضل:
أدري إني غلطان إني شريت سهمكم ، بس أعطيك وعد إني ما أعيدها ، فساعدني عشان تفتكون مني ، ارفع السهم شوي وأنا أبيع ، أنا شاريه ب 495 وراح أبيع بالسعر اللي يعجبك ، بشرط يكون أعلى من سعر الشراء ،

وفقك الله

 

[Eng]

LOOOOOOOOOOOOOOOOOOOL

حلوه منك!!

و منا إلى عماد!