عندي سؤال للي عنده برادو 6 سلندر ضروري

[xokx]

يا شباب سيارتي برادوا 6 سلندر وصل 40 الف وقلتله للو كاله شنو تغيرون قالي شغلات وايد الا زيت الغير قلتله ليش ماتبدلون دهن الغير قالي برادوا 6 سلندر مايتبدل له دهن الغير
هل صحيح هذا الكلام

 

[sl.]

!!!!!!!!!!!!!!!! انا مبدله عندهم طبعا كانت منهيه كفالته لدى الشركه بس امبدله بفلوووس!!!!!!!!!!!

وعيدك مبارك مقدما

 

[الفيلسوف_11]

انا نفس الكلام قالولي ما يتبدل من 2005 وفوق دهن القير ما يتبدل

 

[مهم للغاية]

اخوي انت ما ذكرت الموديل شنو

البرادو 6 سلندر موديل 2003 + 2004 يتبدل فلتر الجير + الزيت

مجرب شخصيا وعندي الفواتير (الساير)

بس احرص انك تبدله بالوكالة فقط خل عنك نصابين الصناعية

واللي يقولك موديلات 03+04 ما يبدلون زيت الجير .... تراه متريق فول

 

[sl.]

عيـــــــــــــدكم مبــــــــــــــــــــــــارك
صحيح يا مهم للغايه انا سيارتي 2004

 

[محمد آل زايد]

:

هلابكم

انا اللي اعرف ان [ زيت القير ] ,

عندنا باثندر موديل 2002 من الوكالة الى يومنا ذا ماغيرنا زيت القير .

وبرضوا سفاري بترول من سنة 95 إلى اللحظة ماغيرنا القير ,

 

[560SEL]

يا اخوان هذا مو معقول ابد كيف ما يتبدل هذا دهن لازم يتبدل مع الفلتر ولا وش فايدة الفلتر والزيت والوسخ الموجود بالزيت لازم ينزل من القير مع الزيت التعبان ولا كان حتى دهن الماكينه ما يتبدل

 

[الفيلسوف_11]

انا متأكد من كلامي

2005 وفوق ما يتبدل زيت القير حسب كلام الساير

واذا احتاج الى زيادة يزيدونه

زيت المكينه غير لانه يدخل السلندر ويتعرض للحرارة العالية ويحترق بعد فترة معينه

 

[560SEL]

يا اخوان شي مو معقول ان الدهن مايتبدل ويمر بحراره بتجمع فيه برادة الاحتكاك, انا اعرف ان القير اللي فيه حساسات له دهن خاص والعادي له دهن اما انه ما يتبدل صراحه شي مو معقول وعلى العموم اذا هذا كلام الوكاله الله اعلم
اما زيت الماكينه تقدر انك تزوده وباوروبا وامريكا المناطق اللي جوه معتدل وبارد يزودون دهن ما يبدلونه لكن الدهن لازم يتبدل .

 

[سراج الأقصى]

الكلام صحيح ..
أنا عندي برادو 2006 6 سلندر و الوكالة قالوا لي أن دهن القير ما يتبدل بس ينزاد ..

والله أعلم ..

 

[sosoo]

الي أعرفه أن القير العادي ما يتبدل دهن القير

فقط القير التماتيك هو اللي يتبدل الدهن والفلتر

 

[G900]

كلام الاخوه صحيح ما يتبدل حتى سيارتي bmw ما يتبدل ولا يتزود واللي مو متأكد أثبتله من المواقع