للبيع قسيمه في فهد الاحمد

[ابوشروق]

مكونه من ثلاث ادوار وسرداب شارع واحد اخو الزاويه على شارع الغوص

المواد( خلطة الصناعات -طابوق المسيله -طابوق هيبل -سقما جوتن المكفول 20 سنه )- التكييف يورك- الصحي الالماني وترين انجليزي

السرداب النص مواقف سيارات يشيل ست سيارات براحه دخول وخروج

والنص الثاني
دوانيه 6×9 + 4×9 خدمات من مطبخ ومغاسل وحمام (اكرمكم الله)
+عدد اثنان مخزن +غرفة خادم مع حمامه (اكرمكم الله)

الدورالارضي
عدد اثنان صاله كبيره + اثنان غرفة ماستركبيره +عدد اثنان مطبخ واحد طبخ واحد تحضير +غرفة غسيل+ ومخزن ثلاجات وغرفة خادمه مع حمامه(اكرمكم الله)

الدور الاول
نص تابع الدور الارضي
غرفه ماستر رئيسيه + غرفتين بنص حمام (اكرمكم الله)

نص الدور الاول

شقه من ثلاث غرف وصاله وغرفة خادمه مع حمامه (اكرمكم الله)
واحده منهم ماستر

الدور الثاني مكون من

شقتين كل شقه من ثلاث غرف وصاله وغرفة خادمه وحمامه (اكرمكم الله )

السطح غرفة فلاتر ومظلة ادرامات

تحت التشطيب باقي في البنك 6 الالف ويبلهم فوقهم 20 ويشطب البيت

المطلوب مع الطلب 125 الالف نهائي

المراسله على الخاص

 

[متوازن]

الله يرزقك... بس المشكله انها سد ؟؟؟

 

[ابوشروق]

الله يرزقك... بس المشكله انها سد ؟؟؟

اجمعين الرزق الحلال

بس سردابه خلاهه زاويه شارعين مواقف فوق بره ومواقف تحت بسرداب

والحمدلله على نعمه

مشكور على الدعوه

 

[بوفلسين]

الله يرزقك

اخوي المطلوب

55+الطلب =125

او

125+الطلب

 

[ابوشروق]

المطلوب 125 + الطلب

قيمة القسيمه بفهد الاحمد 60 + انا حاط من جيبي 55 + شغل بنيان سنتين 10 ارباح او اتعاب

وسلامتك

 

[ناصر/ العقارية]

يابن الحلال ليش اللف ودوران هذااي طلب

قول بدل + 125 هذا مو بيع بدل عشان تبي طلب
يعني القسيمة سعرها 195 وايد عليها بعد مو مشطبة وسد وبعد ياخوي وينكم رايحين

 

[ابوشروق]

يابن الحلال ليش اللف ودوران هذااي طلب

قول بدل + 125 هذا مو بيع بدل عشان تبي طلب
يعني القسيمة سعرها 195 وايد عليها بعد مو مشطبة وسد وبعد ياخوي وينكم رايحين

الله يوفقك وتالقا احسن منها

قبل لاتكلم روح شوف الاسعار وبعدين تكلم

انا حاط المواد اللى كل واحد يتمنه يبني فيه ولا وماخذ موافقه التصاق بشارع مترين علشان الشقق تطلع فيه غرفة خدامه وحمامه (اكرمكم الله)

ياخوى اذا ما عندك لاتعذرب حلالك عندك وحلالي عندي

وبين البايع والشاري يفتح الله

مشكور على كل حال

 

[ناصر/ العقارية]

المواد منين جايبهه من المريخ

انا قريت بصحيفة المانية ان فى قسيمة بالكويت مواد بنائها من المريخ --- اخاف انت

 

[ابوشروق]

المواد منين جايبهه من المريخ

انا قريت بصحيفة المانية ان فى قسيمة بالكويت مواد بنائها من المريخ --- اخاف انت

اخاف انا سابك وانا مادري اذا سابك يامعود نبهني ترى مادريت

قول الله يرحم والديك

 

[ابوفيصل2008]

مرحبا يالغالي
انا مااعذرب حلالك ولا اكسر فيه
بس سعرك غالي بالحيل
وهذي مو طريقة بيع بل تبديل
يعني بدل طلب ببيت +125 الف +20الف تشطيب -6الاف بالبنك=139 سعر وااااااايد غالي ولا بالخيال

 

[ناصر/ العقارية]

ياخوي انت ليه عصبت

انت تبي بدل ماتبي بيع نبي نوضحلك بس

عندي خير ولله الحمد

والسعر حيل غالي راجع نفسك اذا تبي تبيع ونصحك تشطبها بالاول الكهرباء بفهد الاحمد عليها مشاكل وايد

المهم الله يوفقك

 

[ابوشروق]

مرحبا يالغالي
انا مااعذرب حلالك ولا اكسر فيه
بس سعرك غالي بالحيل
وهذي مو طريقة بيع بل تبديل
يعني بدل طلب ببيت +125 الف +20الف تشطيب -6الاف بالبنك=139 سعر وااااااايد غالي ولا بالخيال

اول مر وشوف القسيمه وبعدين الله لايهينك عطني سعرك انت ابيك حكم

ومشكور على النصيحه

 

[ابوشروق]

ياخوي انت ليه عصبت

انت تبي بدل ماتبي بيع نبي نوضحلك بس

عندي خير ولله الحمد

والسعر حيل غالي راجع نفسك اذا تبي تبيع ونصحك تشطبها بالاول الكهرباء بفهد الاحمد عليها مشاكل وايد

المهم الله يوفقك

الله يزيدك من خيره ويباركلك فيه انت راجع كلامك ياخوى ترى فيه اطنازه

هذا اللى خلاني اعتقد اني غلطت عليك وانا ما ادري

وانا يعلم الله اني ما احب اغلط على احد ولا احب احد يغلط على

وسامحنه اذا غلطت عليك وسلامتك

 

[ابوشروق]

على الله توكلنا وهو خير الناصرين

يارحمن يا رحيم ارزقنى الرزق الحلال

 

[ابن تيميه]

راح تجد من يشتريها منك بس الصبر ....ما في مشاريع قريبه يا مدينه صباح وهناك عزوف الطلبات واصله شهر 12 سنه99وقليل من تقدم لمدينه صباح.. ومشروع غرب هديه بالكاد يغطي طلبات 92....!!!لن تجد أفضل من فهد الاحمد...أسكن بيتك أحسن ...وتقبل تحياتي

 

[ابوشروق]

راح تجد من يشتريها منك بس الصبر ....ما في مشاريع قريبه يا مدينه صباح وهناك عزوف الطلبات واصله شهر 12 سنه99وقليل من تقدم لمدينه صباح.. ومشروع غرب هديه بالكاد يغطي طلبات 92....!!!لن تجد أفضل من فهد الاحمد...أسكن بيتك أحسن ...وتقبل تحياتي

الله يرحم والديك

ماصرت يالطيب انشهد انك وليده

هذا الرجال اللى ترفع المعنويات

والله اني متردد على البيع لاكن الله يكتب اللى فيه الخير

الله يكثر من امثالك ويرزقك من حيث لاتحتسب

وسلامتك

 

[ماجد العلى]

انصحك يالغالى بعدم البيع,الارض السد مع طلب مواقل من 50 الف,وبالنسبه للمواقع توصل الدبل,حتى لو بعت وراح يكون عندك كاش195الف,ممكن تشترى فيها قسيمه لكن بالتاكيد راح تكون قديمه لو شريت مثلا من القرين ,بيتك جديد ,والمنطقه شرحه وعليها طلب ,بالتوفيق

 

[استرليني]

انصحك يالغالى بعدم البيع,الارض السد مع طلب مواقل من 50 الف,وبالنسبه للمواقع توصل الدبل,حتى لو بعت وراح يكون عندك كاش195الف,ممكن تشترى فيها قسيمه لكن بالتاكيد راح تكون قديمه لو شريت مثلا من القرين ,بيتك جديد ,والمنطقه شرحه وعليها طلب ,بالتوفيق

كلامك صحيـــح
بارك الله فيك علي النصيـــحة​

 

[ابوشروق]

انصحك يالغالى بعدم البيع,الارض السد مع طلب مواقل من 50 الف,وبالنسبه للمواقع توصل الدبل,حتى لو بعت وراح يكون عندك كاش195الف,ممكن تشترى فيها قسيمه لكن بالتاكيد راح تكون قديمه لو شريت مثلا من القرين ,بيتك جديد ,والمنطقه شرحه وعليها طلب ,بالتوفيق

الله يباركلك في مالك وعيالك ويرزقك من حيث لاتحتسب

مشكور على النصيحه ياخوي

 

[ابوشروق]

كلامك صحيـــح
بارك الله فيك علي النصيـــحة​

الله يجزاك خير على الرد

هذا ان دل يدل على معدنك الطيب عسى الله يوفقك وين ماوجهت

مشكور ياخوي