نبي تبيع اسهم الوالدة شلون؟؟

[Day_trading]

السلام عليكم ورحمة الله وبركاتة الوالد عندها اسهم كسور شلون نبيعها يصير انا اروح ابيعها واخذ الشيك باسمها

 

[boalons]

اخوي بوراشد اعتقد لازم يكون عندك توكيل

 

[بوعنتر]

فى طرقتين وحده عن طريق الاوسط روح قسم الاوسط وشوف
والثانيه تفتح حساب لها وتاخذ رقم تداول من البورصه اضن الدور الثالث او السادس مو متأكد وبعدين تبيع الاسهم لها اذا كانت الشهاده عندك عن طريق احد مكاتب الوساطه بالدور الارضي وبعدين ينزل لها شيك بسمها على الحساب
ومحتاج البطاقه المدنيه ورقم الحساب علشان تفتح حساب تداول بالبورصه ومادري عاد هل يشترط حضورها لفتح حساب ام لا

 

[AL-Saa7R]

اخوى اقولك حال سهل ...روح الدور السادس فى البورصة واخذ نموذج فتح حساب تداول وروح لبيتكم وخل الوالده تعبي النموذج وفيه رقم حسابها وصوره البطاقه المدنيه.ولاتنسى 3دنانير..وبعدين رجعه لنفس الدور فى البورصه وتعال بعد يوم واستلم بطاقه التداول وجيب وياك الاسهم اللى بتيعهم وروح لى اى شركه وساطه وبيعهم والشيك بيطلع باسم الوالده.

 

[beckham_23]

انا عندي حل اخر بس

اناعندي حل اخر بس قولي كم شركة عندها وان شاء اللة اعطيك الحل ما طلبت شئ انت اخ عزيز وكذلك الاخوان

 

[yousef222]

اذا كانت علاقتك بمكتب الوساطه قويه وثقه تقدر تبيع الي بأ سم الوالده الله يحفظها وتستلم الشيك الصادر بأسمها من المحاسبه الي في مكتب الوساطه نفسه . لأني أبيع وأشتري بأسم أهلي والمندوب يحصل الشيكات الي تصدر بأسمهم . هذا يعتمد على ثقة المكتب فيك .

 

[Day_trading]

اناعندي حل اخر بس قولي كم شركة عندها وان شاء اللة اعطيك الحل ما طلبت شئ انت اخ عزيز وكذلك الاخوان

اولن مشكورين على الردود الطيبة هذى ولا قصرتو
اخى الكريم الاسهم لشركة وحدة بس

 

[beckham_23]

شركة واحدة

انا قلت لك عندي الحل وهو في مكتب في البورصة في الدور الارضي ويقع خلف الكافتيريا روح لهم وقول ابي ورقة تنازل عن اسهم تاخذ الورقة مع شهادة الاسهم الي البنك ال الوالدة عندها حساب فية اي بنك بس بشرط لازم عندها حساب في البنك وتاخذ الوالدة ان شاء اللة يطول في عمرها الي البنك مع الاوراق التنازل و شهادة الاسهم وتقول للموظف ان الوالة تبي تتنازل عن الاسهم لك او اي شخص اخر وتوقع او تبصم في البنك وبعدها البنك يختم علي الورقة بس ياخذ منك 5 دنانير الحين صارت الاسهم باسمك توديها البورصة وتبيعهم ارجوا انك فهمت العملية وسامحني علي القصور ولك مني التحية وشكرا

 

[doody311]

هلا

هلا لكل الاخوان , اخوي هذي من المشاكل اللي تمر علينا كل يوم , واحنا موظفين في البورصه اسهل طريق الطريق اللي وضحها لك اوي الساهر ,
صانع سوق

 

[AL-Saa7R]

قصدك الساحر :d

 

[sara_q8]

هناك طريقتين و قد نسوا الاخوان ذكرهما:

1. فتح حساب مشترك و في هذه الحاله تستطيع بيع الاسهم عن طريق الاوسط, بدون عناء او حتى حضورها شخصيا بل كل ما تريده هو تسليم شهادة الاسهم ل موظفي الاوسط و طلب فتح حساب مشترك...

2. الذهاب الى ادارة دمج الاسهم بالبورصه (الطابق الاول) وطلب نموذج نقل ملكيه.

 

[Day_trading]

مشكورين على الردود الطيبة والتفاعل الاطيب