لوعندك سيوله ومو محتاجها بالوقت الحالى تستثمر بأي قطاع واى سهم

[أبو ريمه]

لوعندك سيوله ومو محتاجها بالوقت الحالى تستثمر بأي قطاع واى سهم
ويكون سعره على المتدى البعيد افضل من الوقت الحالي

الي عنده خبره رجااااااااااااء

 

[أبو ريمه]

يعني ماكووو احد عنده خبره

 

[hassanabass]

بنك الخليج بس اقل من هذا السعر للاحتياط، الديره ، الصينيه، القرين للبترو كيماويات ، السور.

 

[أبو ريمه]

طيب اخوي hassanabass وشنو افضلهم

 

[فارس777]

لوعندك سيوله ومو محتاجها بالوقت الحالى تستثمر بأي قطاع واى سهم
ويكون سعره على المتدى البعيد افضل من الوقت الحالي

الي عنده خبره رجااااااااااااء

العقار في دبي الحين بلاش ويقولون ان شقق في مشروع على البحر كانت تباع بسته ملايين درهم والحين سعرها بمليون درهم واذا كنت مستثمر لوقت طويل شوفلك شقه على قد فلوسك وخلها استثمار طويل المده وريح بالك على الاقل فلوسك واقع ملموس تشاهده امامك مو الورق اللي ماتعرف كم قيمته طبعا يااخي هذه نصيحه واعرفها من زمان لكن للاسف ماتعلمنا من الطراقات والظاهر ادمنا على الطراقات والله يوفقك ان شاء الله

 

[لؤلؤة الخيران]

استثمر فى الشركات اللى لها خدمات فى مجال الطاقة عاد شنو اهى ماادرى المشكلة شركاتنا بااللأوراق الرسمية شغله وبالواقع مضاربه بسوق المال

 

[hassanabass]

الافضل السور والقرين ولكن حاول اقتناصهم فى حالة النزول المستمر للسوق بسعر اقل حتى
تامن من تاكل راس مالك والوعد 2011 لان نشاطهم تشغيلى وهو عصب الاقتصاد الوطنى
ولاحظ شقيقتهم الاولى للوقود فوق 400 فلس الان كم تتوقع يكون السعر فى المستقبل فى
حالة تحسن الوضع الاقتصادى بلا شك اكبر من ذلك بكثير والبيع والشراء مسؤلية شخصيه
تتحملها انت اولا واخيرا والله يوفقك.

 

[بكوش]

اقولك اقضب فلوسك لين يخف الصفيح الساخن اللى عايش عليه السوق .

 

[توني عليمي]

انا اقول السوق وضعه غير مستقر

نصيحة امسك فلوسك بالوقت الحالي

 

[بو هباش الكويتي]

اخذ ارخص سهم المستثمرون ونام عليه ثلاث اربع سنين متا ماحتجت بيعه مدوبل

 

[TAHOE]

العقار في دبي الحين بلاش ويقولون ان شقق في مشروع على البحر كانت تباع بسته ملايين درهم والحين سعرها بمليون درهم واذا كنت مستثمر لوقت طويل شوفلك شقه على قد فلوسك وخلها استثمار طويل المده وريح بالك على الاقل فلوسك واقع ملموس تشاهده امامك مو الورق اللي ماتعرف كم قيمته طبعا يااخي هذه نصيحه واعرفها من زمان لكن للاسف ماتعلمنا من الطراقات والظاهر ادمنا على الطراقات والله يوفقك ان شاء الله

فارس اسم على مسمى

 

[انوفستي]

اتصالات

 

[bodawood]

اذا عندك فلوس ومومحتاجها اختار سهم يكون :
1- اسلامي
2- ماعليه ديون
3- شعبي
4- ادارة نظيفة
5- تحت ال 100 فلس ( ملاحظة ترا مو كل سهم تحت ال 100 يعني خسران بس لان السوق اذا نزل يجر الصالح و الطالح)
وسامحني على القصور هذا اجتهاد مني و الله يبارك لك في كل ماتملك

 

[أبو ريمه]

والله ياشباب محتار بين المستثمرون وسهم السور

 

[أعصار]

أخذ الصناعات الوطنيه وبنك الخليج ونام وبعدين أدعيلي ..بش شرط مو أقل من سنتين . موفق وهذا رأيى الخاص .

 

[المشورة]

اسمنت الشارقة ، اسمنت الخليج، انوفست ، مستثمرون

 

[فنان999]

أخذ الصناعات الوطنيه وبنك الخليج ونام وبعدين أدعيلي ..بش شرط مو أقل من سنتين . موفق وهذا رأيى الخاص .

تنصحه في بنك ربوي الله يهديك
ويوم الجمعه وبعد يدعيلك
نصحه في شيء حلال حتى الله يبارك في حلاله مو شيء حرام لأن اذا شرى الرجال راح يأثم وانت الي نصحته راح تأثم بعد
يقول الرسول صلى الله عليه وسلم من كان يؤمن بالله واليوم الآخر فليقل خيرا أو ليصمت
ودمتم