أخبار واصلتني

[سرور]

الأخبار واصلتني من أحد التجار أن الأسبوعين القادمين راح تكون الأمور ايجابية بالبورصة علما هو يرفض الدخول والشراء لأن خذه عهد بينه وبين نفسه أنه لن يشتري سهما واحدا من أي بورصة في العالم لأنه تلقى ضربة عنيفة هذه السنة لم يتلقها طيلة حياته 0

 

[سلطان502]

اخاف ندش بالسوق الاسبوعين الجايه ونتلقى ضربه عنيفه مثله

ونطق اصبع سوا

 

[فارس777]

هو صدقك القول انه لن يدخل السوق ولايريد الشراء ولكن ماسألته يمكن يريد الخروج او البيع:d

 

[أبو ريمه]

اخوي سرور وضح اكثر يعني قصدك السوق كله ولا قطاعات معينه

 

[hassanabass]

اخاف قصده الاسبوعين القادمين كسار ظهر والله العالم.

 

[Logiciel]

الأخبار واصلتني من أحد التجار أن الأسبوعين القادمين راح تكون الأمور ايجابية بالبورصة علما هو يرفض الدخول والشراء لأن خذه عهد بينه وبين نفسه أنه لن يشتري سهما واحدا من أي بورصة في العالم لأنه تلقى ضربة عنيفة هذه السنة لم يتلقها طيلة حياته 0

لو خبر الي قالك اياااااااااه اهو واثق منه كان دخل اوه عوض خسايره اما كلام اخذ عهد على نفسى فا هذا حجي فاضي التاجر تاجر طال عمرك مو كل من قال انا عندي جم ملبون قال انا تاجر اموفق

 

[سهمك اخضر]

الأخبار واصلتني من أحد التجار أن الأسبوعين القادمين راح تكون الأمور ايجابية بالبورصة علما هو يرفض الدخول والشراء لأن خذه عهد بينه وبين نفسه أنه لن يشتري سهما واحدا من أي بورصة في العالم لأنه تلقى ضربة عنيفة هذه السنة لم يتلقها طيلة حياته 0

ونعم فيك اخوي سرور لكن التجار الي يصرح وهو مصفي خووووووووووش

تاجر وترا احنا نسمع مثلك ولا يمكن اكثر منك ومن مصادر ثقه لكن مانسولف

ونتسبب في خساره خلق الله الي بوصله لك مو كل سالفه قاله لك واحد

ركضت وبطلت صفحه وتردالسالفه عن لسان تاجر خاف الله بناس الي

يندفع مع اي خبر ترا ذنبه برقبتك انا اقول ابعد عن الذنب وغنيله

 

[مرجان]

الله يبشرك بالخير

 

[كيدي كاو]

ديرو بالكم والدخول بعد 15/3 النفط اليوم عطانا اكبر دليل شنو اتجاه العالم كله من يوم الاحد :/

 

[بو هباش الكويتي]

الدخول الحين مغامره يا فوق يا تحت محد عارف اتجاه السوق ولا نافع معاه تحليل ولا يمشي مع التحليل غموض

 

[LEEDS MAN]

جم ملبون

طال عمرك الرقم اللي ذكرته هذا أكبر من المليون ؟

 

[LEEDS MAN]

الأخبار واصلتني من أحد التجار 0

طال عمرك التاجر مالك هذا
هو تاجر تاجر عود
ولا تاير صغير

 

[سرور]

هو صدقك القول انه لن يدخل السوق ولايريد الشراء ولكن ماسألته يمكن يريد الخروج او البيع:d

هو مازال على الكمية اللي عنده مايطلع من السوق الا لما يرجع سعرها بس قصده مايحط فلس واحد في البورصة عقب الازمة0

اخوي سرور وضح اكثر يعني قصدك السوق كله ولا قطاعات معينه

ان شاء الله كل السوق

ونعم فيك اخوي سرور لكن التجار الي يصرح وهو مصفي خووووووووووش

تاجر وترا احنا نسمع مثلك ولا يمكن اكثر منك ومن مصادر ثقه لكن مانسولف

ونتسبب في خساره خلق الله الي بوصله لك مو كل سالفه قاله لك واحد

ركضت وبطلت صفحه وتردالسالفه عن لسان تاجر خاف الله بناس الي

يندفع مع اي خبر ترا ذنبه برقبتك انا اقول ابعد عن الذنب وغنيله

ناقل الكفر ليس بكافر وفيه مثل كويتي يقول :خذ وخل

طال عمرك التاجر مالك هذا
هو تاجر تاجر عود
ولا تاير صغير

تاير صغير بو 7 مليون

 

[ساره78]

اخاف ندش بالسوق الاسبوعين الجايه ونتلقى ضربه عنيفه مثله

ونطق اصبع سوا

..يجوز ليش لا ..ويمكن موبس تطق اصبع يمكن تغنى بعد

لوميت ولادارى ولاشارى ؟؟

ماهقيت بورصتى تنهار ثانى .

 

[Cozmo]

الله يسمع منك

 

[فارس777]

اخاف ندش بالسوق الاسبوعين الجايه ونتلقى ضربه عنيفه مثله

ونطق اصبع سوا

ياخوفي تقومون بالرقص بهذه الطريق http://www.youtube.com/watch?v=UPMPe8Od89g

 

[فضولي]

يتراوالي ان السوق أخذ كفايته من الهبوط بعد انكشاف جميع الشركات الخسرانة ، وأسباب النزول المصطنعة تلاشت، فمن الطبيعي جدا أن يصعد السوق مرة أخرى،كذلك الأخبار السيئة انتهت تقريبا والباقي تحصيل حاصل، التفاؤل هي سمة المتداولين هذه الأيام خصوصا بعد الموافقة على جدولة ديون شركة جلوبل الاستثمارية مما يعطي السوق كمية كبيرة من الزخم للإندفاع للأعلى دون تدخل حكومي مباشر أو غير مباشر، والله ولي التوفيق

 

[Balloons Shop]

عسى الله يرزقكم من أوسع أبوابه

 

[Jareer]

الأخبار واصلتني من أحد التجار أن الأسبوعين القادمين راح تكون الأمور ايجابية بالبورصة علما هو يرفض الدخول والشراء لأن خذه عهد بينه وبين نفسه أنه لن يشتري سهما واحدا من أي بورصة في العالم لأنه تلقى ضربة عنيفة هذه السنة لم يتلقها طيلة حياته 0

تاجرك ما ياب شي جديد
والسبب :-
اقفالات نهاية السنة راح ترفع السوق
علشان جذي قالك اسبوعين