ديربالكم من مكاتب الري

[z-75]

لا عندك بعد المكاتب اللي بشارع الالعاب- اللي فيه العاب الوليد

لايحوشك

يشتري السياره كراسيها كشنات ويوديها محلات التنجيد للباكستانيين اللي خلف مجمع دسمان مقابل مجمع بهبهاني وينفظوله السياره نفظ ويلبسونها جلد نفس جلد الوكاله بس طبعا جلد بوطقه
ويرفع بسعر السياره ويقولك كامل المواصفات ويبيعك السياره على انها مواصفات كشنات جلد

وللأسف صارت فيني سنة 2001 شريت مرسيدس وتحسفت
واكتشفت بعد سنتين يوم كنت بغسل كشناتها بالمغسله

خااااالي انت شو تقول لو كل المكاتب راح يمشون على الصراط المستقيم
كان ولا واحد فيهم دفع ايجار محله
والمشكله هنيه انهم ماعندهم حل وسط
يعني يااااااااااايبوق او ياااااا مايبوق كلش والنوع هذا مكانه يقعد ببيتهم ابركله

 

[الباحث بوفيصل]

أضم صوتي لصوتك ساسكو وكلامك صحيح

 

[Winchester SX3]

ما إستقوت شوكت ( الجناقل واللفو والهيلق ) الا لأنه ما لقوا رجل يمشيهم سيده! ::verymad::​

 

[z-75]

اخوي ال ثنيان
انت شتقول وين وزارة التجارة عنهم

لمعلوماتك الأكثرية اللي يبطلون مكاتب السيارات واصحاب مكاتب السيارات
عندهم وظايف الصبح بكل وزاراة الدولة ومراكز عاليه واذا في خير اي واحد
يفكر بس يطب فيهم وازيدك من الشعر بيت لو يدرون انه نحش فيهم بالمنتدى راح يصكون المنتدى وياويلنا ويل

اعرف مكتب من المكاتب يوم فرقة الأزالة التابعة للبلدية عطته انذار يشيل السيارات المعروضه ومن بعد الأنذار بتلفون واحد ماوطوط واحد فيهم عند مكتبه وقاله شيل السيارات

 

[ابوعمر2]

كلامك صحيح اخوى أخذ يوكن ماشى 60 ألف من مكتب فى الرى وراح الوكاله سئل عنه طلع ماشى فوق 100 ألف رد للمكتب قالو والله ماندرى

 

[msm]

جزاك الله خير على المعلومة

 

[Ali-80]

مشكورين على المعلومه
والله 99% منهم نصابين والي يقهرك فيهم انه يحلف 100 مره و كله جذب بجذب

 

[اسكاليد]

يا شباب انا بعطيكم معلومه وشغله بسيطه

ديرو بالكم لا تشترون السياره عشان ممشاها يكون قليل لان الحين مافيه احد تثق فيه بالعكس اشتري سياره مماشاها معقول او حتي واجد اهم شي نسبه المكينه ونظافه السياره من جميع النواحي وانسي شي اسمه عداد لان الحين مافيه احد ماينزل العداد والله كريم

 

[Winchester SX3]

نصيحه:

اذا السياره اللي بتشتريها وكاله
روح إسأل عن تاريخها هناك
متى اخر مره دخلت سيرفس وقارنها باللي تشوفه وانت وتقديرك

صارت خطبه مو سياره ههههههه
كله من هالجناقل!!

 

[ابو سالم1]

المكاتب الرى خصوصا اول شوف اشكال الى يبيعون وتعرف القمندة اشكالهم واضحة .
العداد اذا ماتعرف الشخص ان السيارة عندة من الوكالة او سيارة صديقك بس سيارة من مكاتب
95%100 يفرون العداد
الحذر الحذر ترا ماكو مصداقية خصوصا الى بالري
اهم شى الفحص لاتخذون على كلام المكتب لان من تحولها بأسمك خلاص لو فيها شاصى مايردها لك الفحص يا شباب لاتتهاونون فية . افحصوها بالرمال الذهبية ماوصيكم

الله يوفق الجميع

 

[BOSHHAB]

لو يسيجون الحراج و يصير الدخول بتأمين والبطاقه المدنيه - مكاتب الري 90% تسكر

شوفو حراج الرياض بالسعوديه شي خيال

 

[smo7]

حتى بيت التمويل ياشباب انا كنت باخذ كابرس والله ان كانت عندهم كابرس 2 ويقولي استعمال مدرى واخر شي طلعو مصبوغين لا وجدد بعرف سيارات موديل جديده ومصبوغه ليش لهدرجه ناس ماتعر تسوق ولا شنو

 

[بو عبدالمحسن]

نصيحه:

اذا السياره اللي بتشتريها وكاله
روح إسأل عن تاريخها هناك
متى اخر مره دخلت سيرفس وقارنها باللي تشوفه وانت وتقديرك

صارت خطبه مو سياره ههههههه
كله من هالجناقل!!

حلوه خطبة....
بدعت

 

[Winchester SX3]

حلوه خطبة....
بدعت

هههههه
والله وانا صادق

وين الكلمه الصادقه وين البيع بضمير
ما اقول انقرضت لأ هي موجوده ( لو خليت خربت )
بس الخراب بدأ يكبر بدون رادع وهذي اللي تحز بالخاطر

شنسوي بعد قمنا نخطب سيايير

موفق خير بوعبدالمحسن

 

[weld.q8]

مكاتب الري مرعبه انت من تشوف بوهتهم ترتاع وعلي فكره اغلبهم بدون
الامريكي اخذه من حولي ولا السالميه بدون لوحات وارتح

عاد قبل اسبوع لاقي عندهم شفر 2008 بالري ماشي 40 الف الله يستر

40 الف ترى شي خيالي ترى ياجماعه قليل وايد اذا مستخدمه بس سنه واحده اكوون معقول بس موو اقوول السياره طالعه من 2007لي اول 2010 تمشي 40 الف ترى المسئله فيها شك اخوي

 

[abdullah6868]

تطورو قاموا يعرضون سيارات امريكية ويلعبون فى عداداتها
لكن انا فاتح كار فاكس مجانى للشعب الكويتى قبل لا تشرى منهم عطنى رقم الشاصى واطلع لك تاريخ السيارة من طلعت الوكالة بامريكا لغاية وصولها للكويت
واذا اكتشفتوا انهم حرامية بلغوا حماية المستهلك -- 135 اسم المكتب والحكومة راح تتصرف معاهم
هذا الرابط
http://www.indexsignal.com/vb/showthread.php?t=222186
حسبى الله ونعم الوكيل

 

[al-dbel]

بصراحة كلامكم 100 % ونا نصبني شخص بكامري المشكلة انة شاريها من واحد من الربع كانت ماشية 40 ومنزلها 18 الف ويقول حقت زوجتي ويشتري من هالسيارات وينزل عداد ونا اقول احذروووو منو
اسمة
ابو انور العازمي
ونعم باللي هو منهم لكن هو انسان ردي ومشهور بالحراج لو يشتري سيارة ماشية 1000 كم ينزلها 300 كم تنزيل العداد يمشي بدمة

 

[كويتي راقي]

جزاك الله خير
على النصيحة

 

[Alwaseet]

يا جماعه لازم تذكرون هالمحلات بالاسم عشان الناس تعرفهم!!

 

[red1981man]

انا اقول الله يحفظ الديرة واهلها
لو الموضوع على سيارات تهون من هالنوعيات اللي نشوفها من هالناس من مته صار عندنا بالكويت جذي تكلمهم ماتدري شنو اصله وجذب ونفاق ولا تشوفهم مدخل الري لمه يبون يشترون منك سياره والله عيب يقط نفسه قط قصببب وحتى لو معاك عايلتك ما يستحون مافي حيه ولا مستحى غاسل ويهه ب ...
اتمنى ما اشوف واحد منهم بالديرة منو ودرنا غيرهم ورجعنا سنيين لي ورا
ياريت يطبقون رسوم وضرايب على الوافدين فقط بكل الخدمات كما في الخارج وما نشوف هالاشكال