شنو ارخص شركه تبيع الكهربائيات

[مساهم11]

المطلوب منكم اخواني تدلوني علي ارخص شركه للاجهزه الكهربائيه بالكويت

مكيفات ثلاجه تلفزيون فرن وكل ما يحتاجه البيت

انا رحت الغانم بس احس اسعاره غاليه

والي تتعامل بالاقساط

وياليت يفيدني الي تعامل بالاقساط

وشنو نسبتهم

 

[GTO]

السلام عليكم
اخوي نصيحه غير العنوان الى(اجهزه منزليه - اجهزه مطبخ) لانه العنوان مو واضح
وجرب الكتروزان اسعارهم مناسبه وفروعهم بالري عند سنتربوينت والقرين ب اسواق القرين
وسامحني على القصور

 

[eng.explorer]

اخوي الغانم فعلا اسعاره غالية ويجذب الناس بالعروض. ارخص الاسعار تحصلها في المحلات اللي خلف سوق السلاح ( اعتقد اسمه الشارع الجديد) اللي في مدينةالكويت ( يمهم سوق المقاصيص ) فيه محلات عادية لكن اسعارها ارخص من كل المحلات الكبيرة وحتى تقدر تكاسرهم واذا تبي تاخذ شغلات كثيرة ينزلولك اكثر جرب ماراح تخسر شي

 

[مراقب الاسهم]

اخوي ارخص شي بالنسبه للكاش

هو يوريكا وبعدها الكتروزان


ارخص شي بالنسبه لحسبه للاقساط

الغانم

 

[زلابيـــا]

انا اشوف يوريكا اسعارهم مناسبه

بالتوفيق

 

[خالد خالد]

الغانم بالاسعار للك عليها شوى يمكن لكن صراحة يغرى بالكفالة والعروض 0شوف فؤاد الغانم او على الغانم نسبتهم اذا موغلطان اعتقد انة 18% والدفع عندهم والمكان اللى اعرفه بالسالمية وفية بحولى بشارع تونس ووموفق وفية عرض بعض المحلات اللى بدون كرتون واعتقد انة البابطين او bec تلقاهم بشارع فهد السالم من عند المخازن العمومية بس من الداخل اللى تدخلك على مواقف السيارات وشكرا

 

[مساهم11]

شكرا شكرا شكرا من القلب
عسي عماركم طوال
والله يبارك فيكم

والي عنده توجيه لا يبخل علينا

 

[خالد المطير]

اذا انت تبي تجييييب اثاث كامل للبيت يكلفك يعني بالكويت 10 الف او 7 الف اقولك روح صين رخيصة وعجيبة يعني ابو 10 الف يطلع عليك 4.500 الى 5000 الف يشمل كل شئ بسفره ابو سبعة اكيييد ارخص تبي رقم شخص صيني على كيف كيفك رسلني على الخاص.... بس روح شهرين لجايات هم احسن شئ لتسوق في صين
(روح انت بنفسك وخلص شغلك احسن شئ )

 

[مساهم11]

شكرا لك اخوي خالد
وانا الاثاث الي ابيه بسيط ما يتعدي ال 3 الاف بس