انصحك تشوف عمان لأن الاسعار بعدها مو غالية وفي فرص وخاصة بمنطقة صحار تصير الاقرب للامارات.
وباقي الدول مثل قطر والبحرين استثمارهم افضل لقلة الاراضي الموجودة لكن الاسعار وايد غالية.
السعودية ثبات بالاسعار من غير نزول والصعود بطئ بس بانتظام.
الامارات الرؤية غير واضحة بالوقت الحالي انصح بالتريث.
الكويت من افضل مناطق الخليج ولكن سوقها متقلب وفيه مضاربات مبالغ فيها الخيران السكنية وصلت 115 الف واليوم بالـ 40 الف السعر شكلة مغري بس ماتدري شنو وراه !! الامير الله يطول بعمره قبل اسبوعين افتتح مدينة صباح الاحمد الساحلية (ما اذكر الاسم حاليا) اهي نفسا لؤلؤة المرزوق بالخيران ولكن بعد ما باعوا اجزاء منها على الشركات تم وضع حجر الاساس لهذي المدينة (وهي غير مدينة صباح الاحمد السكنية)
عموما اسعار هذي المنطقة (الخيران الساحلية) طبيعية مثل باجي مناطق الكويت واتوقع حركة نشيطة في منطقة الخيران والتي ستنعكس عالخيران السكني وتحرك اسعارها.
زبدة الكلام اذا تحصل ارض بالخيران السكني موقع بارز وقريب الشارع العام بيكون استثمار حلو وفي ناس محتاجة تبيع شوف نصيبك ولاتنسى ترى في شركات كثيرة عندهم اراضي بهالمنطقة مو عارضينهم مترقبين ارتفاع السوق.
اما اذا الميزانية 10 آلاف فكر بعمان و السعودية.
واتمنى لك التوفيق وان شاء الله اكون ساعدتك بالتفكير وانا بالخدمة.