بخصوص الخدم

[sn3]

السلام عليكم بغيت استفسر انا اخذت خدامه على انها كفالة مكتب وصارلها عندي تقريبا 4 شهور ولي الحين ماحولتها باسمي .... اول ماخذيتها دزولي المندوب وسوالها الفحص ولي الحين ماتحولت وكل ما اكلمهم مره مسافر اللي باسمه الفيزا ومرات مايردون ومرات ما احصل احد بالمكتب وعليها لي الحين .. المهم انا طابت نفسي منها وما ابيها كلمتهم قلت برجعها قالوو ردها ومتى ماتنباع تاخذ فلوسك وانا عارف انهم راح يماطلون والمشكله ماخذيت بالمبلغ اللي اول ما استلمت الخادمه منهم وصل او عقد بالمبلغ المدفوع لهم .. والخادمه حاليا موجوده عندي شنو الحل وبالتوفيق

 

[مراقب الاسهم]

والله يالحبيب
ماني قانوني ولكن بجاوبك حسب خبرتي ومعاناتي مع الخدم

كونك اخذت الخدامه هذا يعني انك دافع فيها اكثر من اللي تطلبها باسمك
وهذا يعني ان التعامل بهالحاله على انها خادمه مسترجعه ومعروف ان الخادمه المسترجعه بالقانون الجديد اللي اقرته الداخليه ماعليها كفاله مكتب ال 6 شهور لذالك حتى لو طلبت من المكتب وصل بالفلوس اللي دفعتها مايعطونك

انصحك تحاول تاخذ منهم فلوسك بنفس الوقت اللي ترجع فيه الخدامه الان مثل ما ماطلو معاك بعدم التحويل راح يماطلون بغيرك اللي ياخذها وتطول السالفه وماتاخذ فلوسك

 

[KUWAIT- STOCK]

السلام عليكم بغيت استفسر انا اخذت خدامه على انها كفالة مكتب وصارلها عندي تقريبا 4 شهور ولي الحين ماحولتها باسمي .... اول ماخذيتها دزولي المندوب وسوالها الفحص ولي الحين ماتحولت وكل ما اكلمهم مره مسافر اللي باسمه الفيزا ومرات مايردون ومرات ما احصل احد بالمكتب وعليها لي الحين .. المهم انا طابت نفسي منها وما ابيها كلمتهم قلت برجعها قالوو ردها ومتى ماتنباع تاخذ فلوسك وانا عارف انهم راح يماطلون والمشكله ماخذيت بالمبلغ اللي اول ما استلمت الخادمه منهم وصل او عقد بالمبلغ المدفوع لهم .. والخادمه حاليا موجوده عندي شنو الحل وبالتوفيق

اخوى شنو جنسية الخادمة ؟

شكرا

 

[بو_راشد]

اخوي اخذ العقد وروح مكتب العاملة التابع حق وزارة الداخلية في بيان على مااظن ومالك شغل في المكتب ويردون افلوسك غصب عليهم لاتتاخر وتخلص الكفاله روح لاتتردد

 

[sn3]

الله يعطيكم العافيه على التجاوب السريع وبالنسبه لجنسيتها سيلانيه واخوي بوراشد انا ماخذيت عقد ولا شي دفعت فلوسها ومشيت