استشارة لاستثمار 50 ألف دينار

[almessila]

السلام عليكم
تتوفر عند قريبه لي مبلغ 50 ألف دينار ,ولا يوجد عندي ادني فكره عن كيفيه استثمار هذا المبلغ.
هل توجد أى اقتراحات؟

 

[car9977]

أبى صدقة

لله يا محسنين

عمرى ما شفت خمسين ألف , قولها أبيهم بس أشمهم

سوق الحريم أفضل إستثمار
HAPPY NEW YEAR

 

[abdullah6868]

زيدهم شوى واشتر بيت في ام الهيمان اجار شهرى 600 دينار

 

[نواره1]

أبى صدقة

لله يا محسنين

عمرى ما شفت خمسين ألف , قولها أبيهم بس أشمهم

سوق الحريم أفضل إستثمار
HAPPY NEW YEAR

ههههههههههههههههههههههههههه

يعني تبيهم بس علشان تشمهم ...

والله مدلع حاسة الشم عندك ... حضرتها ما اتشم إلا على ثقيل ...

 

[ياسر الروقي]

السلام عليكم ابي انبهك على شي ضروري
اذا كان عندك طلب اسكاني احذر من شراء عقار راح يسقط حقك بالرعايه السكنيه يعني طلبك يروح عليك
الحقيقه المبلغ اللي عندك ما يسوى شغل بالكويت البلد غالي
عندك عدة خيارات ان تدخل محفظه عقاريه
بعض الاخوان قال بيت حكومي كلامه بالصميم لكن اذا تبي تاخذ تورق راح تطلع عليك كلفه غاليه بيت التمويل ما يرحم
مثال راح تلقى بيت 100 الف عندك نصف المبلغ تحتاج 50 الف + 30 ارباح البنك من القرض طبعآ الرقم هذا توقع وليس عن دراسه لان الفايده نازله
الاجمالي 80 الف دينار على عشر سنوات اقصاد قصدك 700 دينار
امممم تأجر البيت نقول700يطلع لك البيت بعد عشر سنوات مجاني
واحتمال يحتاج ترميم لا يقل عن 30 الف والمشكله الكبيره ان البنك يعطيك 40 بالمئه من الراتب فقط
والله العالم ان مؤشر العقار حسب الدوره الافتصاديه في نزول ولكن يحتاج بعض الوقت لا تستعجل ان كنت ناوي تشتري بأذن الله تلقى اسعار افضل

الاسهم اخطر انواع التجاره واسرعها ثراء

وأن نويت تدخل لا تدخل بكل سيوله ديير بالك
حتى يكون هناك مجال لتعديل
اسئل لي ولك التوفيق بالدنيا والاخره​

 

[فوركسي]

يعتمد جم عمر المستثمره اذا كانت كبيرة حطي 45 ودايع و 5 اسهم للاستثمار مو للمضاربه ومن الاسهم الممتازه مثل بيتك وزين اذا كانت صغيره تقدرين تزيدين نسبة المخاطره مثلا تحطين 40 ودايع 10 اسهم ممتازة استثمار وليس مضاربة

 

[Q8i11]

ما فكرت بعقارات الدمام
نسبة العائد للسعر أكبر بالدمام

50 ألف دينار تجيب لك عماره استثمارية صغيره
عوائدها تقريبا 400 دينار شهري

يعني 4800 دينار سنوي
أي 4800 \ 50000 = 9.6%
ولا تنسى انها تعادل 9.6% + 2.5% = 12.1%

تعادل 12.1% أرباح كوديعه

لأن الأصول المستثمرة كالعماره المؤجرة ليست عليها زكاه
الزكاة على أرباحها فقط
أما الوديعه عليها زكاة

حسبه يغفل عنها أغلب الناس ولا يحسبها الا القلييييييييييييييل من الناس
و لو عمل بها لإنخفضت أسعار الأجارات و سهلت العملية على الناس

 

[النجدي2007]

اشتر فيها شقة تمليك في الجابرية ولاالسالمية ولاحولي مؤجرة بالشهر 350 او 300

 

[البواردي]

عسى الله يزيد ويبارك
اذا لك خلق اخذلك غنم طيبه وصغيره وحط بينهم جم فحل وجابلهم شوي واكرمهم وشوف المردود ان شاء الله لمدة سنه واذا سنتين يكون افضل وافضل

للمعلوميه الراس ينتج بالسنه بطنين
الرخله خلها والطلي انطر عليه شوي ووده السوق وبفلوس الطليان اشتر غنم بعد وبعد البطن الثالث للغنم الاولى تكون بناتها امهات
بيع الامهات الاوائل وخلك على بنات الغنم الاولى وجذي وراح تشوف المردود ان شاء الله
والغنم غنيمه يا خوك لا تنسى
ومن اهم الاشياء انك ما تقصر ويه الحلال بالعلف عزكم الله وطلعها برا المزرعه او الجاخور لا تحكرهم

 

[almessila]

مشكوريت يا جماعه علي النصائح سواء علي الخاص أو العام.