اخواني فزعتكم الله لايهينكم

[بو فايز 78]

السلام عليكم كل عام وانتم بخير اخواني

بغيت مساعدتكم عندي كراون فكتوريا موديل 2009

بدون ريموت ودي اركب له ريموت بالوكاله ب140 دينار سعره

ممكن احد يفيدني لو اركبه بمحلات الزينه يخرب الظفيره او يخرب شي

او مو زين او في نوع معين من الريموتات زين وكم سعره وصوني عليه

ابي رايكم ياجماعه لان الموتر بدون ريموت هل مو زينات الريموتات الي بالمحلات الزينه؟

ابي افاده لان السياره جديده حرام يلعبون فيها ابي افادتكم وانا

شاكر لكم جميعا ً يا اخواني ولاهنتم

 

[بو فايز 78]

هل من مفيد وشكرا ً

 

[ابو سالم1]

يا الغالى نصيحتى لك مدام ان الموتر جديد الله يبارك فية ركب بالوكالة لان يعطونك علية كفالة .
واحد من الربع عندة 2008 فكتوريا ركب ريموت بالوكالة وركب جناح

ومن ناحية تركيب محلات الزينة اظن عادى ماكو ظرر لان فى ناس واجد يركبون ريموت بس الى فى محلات الزينة ريموت صينى ابو طقة يعنى شهر شهرين ويخرب .

توكل على الله وركب بالوكالة

 

[متداول غشيم]

الوكاله اضمن واحسن

 

[بو فايز 78]

يجماعه الوكاله غالي 140 دينار مو شويه؟؟

 

[LEEDAR]

انا مركب حق 2006
15 دينار او 20 ناسي
بشارع الزينه حلو بس مرات يشكل وتقفل السياره
اذا خليتها شغاله بطل الجام

 

[ابو سالم1]

يجماعه الوكاله غالي 140 دينار مو شويه؟؟

ياخوى غالى بس سعره فية اصلى على قولت الاخ الى بشارع الزينة يشكل ومرات تقفل السيارة

ركب وكالة وسعرة فية وكفالة وكالة

 

[بو فايز 78]

ماكو ميزانيه اشتري من الوكاله لانه ب140


لو باخذ من محلات الزينه ريموت تنصحوني ولا اخليه يولي مو مضبوط

حرام شريته ممكن تفيدوني؟

 

[عضو فعال]

السلام عليكم

أنا مركب ريموت حق سيارتي يفتح الأبواب ويقفلهم ويفتح الدبه بعد لا وزيدك من الشعر بيت

عطوني ريموت إضافي سبير كل هذا ب 17 دينار وشغل نظيييييف وحلوووو في شارع الزينه

محل المهلب .... صارلي تقريبا 3 أسابيع مركبه وماعليه أي كلام وعليه كفااااااالة سنة

حبيت أفيدك بس أخوي إدعيلنا بظهر الغيب ...

 

[اف ام]

اخوي انا نفسك شريت فورد 2007 بسنتها ومافيها ريموت ورحت شارع الزينه وركبته اظن 20 دينار وكاهو شحلاته صارله سنتين ماكو شي ماشالله لا ويعطيك ريموت سبير بعد توكل على الله ولا تخاف

 

[alfaiz]

اخوي انا جربت ريموتات واجد


في ريموت مربع لونه اسود مربع مكتوب عليه من الخلف usa في شبه شويه من الريموت الاصلي هذا ممتاز انا ركبته بشرق عند محل اسمه اليال

بس حول صار محل تلفونات الحين

هذا ممتاز بس لاتاخذ اللي تقليد مال الوكالة ترا مو زين

(((واذا ركبته لاتشبك الليتات او الاشارات قوله بس فتح ابواب واغلاقها والدبه))))

 

[alfaiz]

http://www.techawave.com/techawave/images/misc/keyless.jpg

يشبه هذا بس مربع

 

[بو فايز 78]

الله يعطيكم العافيه يا اخوان والله لايحرمنا من خبرتكم وردودكم وفزعتكم

لاهنتو جميعا ً وجزاكم الله خير

 

[maax1]

السلام عليكم

أنا مركب ريموت حق سيارتي يفتح الأبواب ويقفلهم ويفتح الدبه بعد لا وزيدك من الشعر بيت

عطوني ريموت إضافي سبير كل هذا ب 17 دينار وشغل نظيييييف وحلوووو في شارع الزينه

محل المهلب .... صارلي تقريبا 3 أسابيع مركبه وماعليه أي كلام وعليه كفااااااالة سنة

حبيت أفيدك بس أخوي إدعيلنا بظهر الغيب ...

هم انا ركبتة على فكتوريا 2003 بنفس المحل وشكل الريموت نفس حق الوكالة وشغال حلاوة من سنتين عادى
يبطل الابواب والدبة

توكل على الله لاتحاتى