عليكم السلام .. انا عندي فكرة ببالي وما سويتها لان ماعندي سيولة كلش وبقولها لك لوجه الله والله ياجرني فيها
سافر امريكا واشحن 6-7 سيارات مرغوبه بالسوق الكويتي "كمثال تاهو 2007 lt او ltz" اسعاره طايحه هناك بسبب البانزين وعزوف المستهلك الامريكي عن السيارات الـv8 وتوجههم نحو السيارات الاقتصادية ،، افحصهم وتأكد من نظافتهم بنفسك .. واشحنهم خلال شهرين ثلاث يكونون واصلين الكويت "كل سيارة يكلف شحنها 450 دينار" .. وعلى حسب شطارتك خلال 3-4 اشهر انت راد فلوسك كاملة + مسافر ومستانس + ربح السيارات اللي طلعته
لان حط في بالك السيايير هناك ارخص من عندنا بشكل ما تتوقعه
كمثال:
الموستنق 2006 تحصله بامريكا على 3500-4000 د.ك .. وعندنا بالمكاتب ينباع على 5300-5900 د.ك
يعني نفرض انك يايب موستنق 2006 بـ 4000 دينار وكلفك شحنه نقول 500 دينار = 4500 .. لو بتبيعه بـ 5200 انت ربحان 700 دينار صافي للسيارة الوحدة ..
هذي وجهة نظري وقبل لا تاخذها فكر عدل ولازم تكون فاهم بالسيارات وتكون شاطر يعني تعرف شلون تصرف السيايير اللي عندك بدون غش طبعاً ،، تعرضهم بمكتب + تعرضهم بالنت بمواقع السيارات المعروفه
موفق خير اخوي وما نبي منك الا دعواتك لنا بالتوفيق
