مبروك - الاولى كسبت القضية

[khaledah]

مبروك لحملة السهم
ام ناصر

 

[السهم الأقوى]

صج الله يبشرك بالخير دايما ،

هالاخبار الزينه تفرح كم تعتقدون السهم راح يوصل مع بداية السنة الجديده؟

 

[khaledah]

14:30:24 محكمة الاستئناف تلزم الخليجية للمال بأداء 10146333 د.ك للأولى للاستثمار
يعلن سوق الكويت للأوراق المالية أن الشركة الأولى للاستثمار قد أحاطته علما
بأن محكمة الاستئناف قد حكمت بتأييد الحكم المستأنف الذي يلزم شركة ‏
المجموعة الخليجية للمال بأداء مبلغ وقدره 10,146,333 د.ك (عشرة
ملايين ومائة وستة وأربعون ألفا وثلاثمائة وثلاثة وثلاثون دينارا كويتيا)،
للشركة الأولى للاستثمار.‏

والله انشاء الله تعليقة يوم الاحد

 

[جامبو]

مبروك لملاك الاولي
بصراحة انا ما املك سهم الاولي بس فرحت يوم عرفت انها ربحت القضية
وان شاء الله تكون فال خير للبورصة لعام 2005
هذة بداية الغيث لعام 2005

 

[سهم كويتي]

مبروك لملاك السهم والله يوفقهم وبداية خير لبورصة 2005

 

[cool-man-28]

مبروكيـــــــــــــــــــــــــــــن

مادرى ليش هالشركه وايد أعزها ؟مع إن والله مالى ولا سهم فيها ألحين ..
مادرى لأنها أول شركه دخلت السوق وربحت فيها؟

عموما مبروكين لحملة سهم الأولى وفالكم طيب .




خلك كوووووووووووول عزيزى .

 

[khaledah]

والله هالسهم وجهه خير علي وعمري ما شريته وخسرت فيه
اليوم شفت سحب فجأة على السهم
في اقل من ساعة تم سحب 3ملايين وستمئة الف سهم وكنت توني بايعة سلطان قلت حشر مع الاسلام عيد ودخلت فيه بفلوس سلطان وما كنت منتبهة اليوم المحكمة بس الله كتبها لي
و الله يوفق الجميع يا رب

 

[nadeenalfayez20]

السلام عليكم جميعا
كل عم وانتم بالف خير
الأولى


الكلام صحيح اربحوا بس متي يستلمون المبلغ وهل بيضفونه لأرباح الربع الرابع ام سوف يتم ترحيله

 

[المطيري2000]

السلام عليكم جميعا
كل عم وانتم بالف خير
الأولى


الكلام صحيح اربحوا بس متي يستلمون المبلغ وهل بيضفونه لأرباح الربع الرابع ام سوف يتم ترحيله

بغض النظر متي راح يستلمون المبلغ وهل راح ينظاف الي ارباح الربع الاخير
كافي خبر ربحهم للقضية
هذا بحد ذاتة يدفع السهم للاعلي بدون النظر الي اي شي اخر ( علي الاقل في الكم يوم الي جاية)

 

[khaledah]

الاحد راح اسألهم انشاءالله ان الله احيانا

على فكرة تيلفونهم 804050
وكل عام والجميع بخير
ام ناصر

 

[azoz25]

الاولى فرحنا يوم ربحتي القضيه بس ماشفنا شي لاتحركت ولاشي ؟؟؟

ممكن نعرف شنو السبب؟؟

 

[السهم الأقوى]

صحيح يا اخوان ممكن حد يقولنا شنو الى صاير مع الأولى كنت اتوقع ارتفاع تصاعدي للسهم لكن للأسف رجع مره ثانيه الى 305 ، مع انه التوقعات تقول انه راح يوصل الى 330 فلس ، والى يشوف المعروض حوالي 8 مليون سهم للبيع ليصل الى سعر 330 يقول عمره ما راح يوصل الى 315 فلس.

 

[السهم الأقوى]

السلام عليكم ،

يا اخوان حد يقولنا شنو الى يصير مع الأولى .. !!! توقعنا بعد ما كسبت القضيه انها ترتفع لكن الى اشوفه مكانك سر ؟!!!!!!!!!