افضل كامرا احترافيه

[t300]

شباب انا عندي كامرت سوني t300 الصغيره اللي تصور تحت الماي



وتصويرها زين


بس ابي اشتري كامرا احترافيه

شنو احسن شي

وجم اسعارهم

ياريت تفيدوني

 

[Taekwondo]

اخوي الكاميرات وايد .. انت جم ميزانيتك بحدود جم تقريبا؟ وهل تفكر بالكاميرات اللي تبدل عدساتها ولا الكاميرات العاديه؟

 

[t300]

اي الكامرات اللي اقدر ابدل عدسات

طال عمرك ميزانيتي 300 دينار

وبصراحه ما اعرف حق اسعار الكامرات

 

[Taekwondo]

تمام .. بس على فكره اخوي ترى هالنوع من الكاميرات يحتاج منك ميزانيه لأن بين فتره وفتره تحتاج عدسات مختلفه ، على العموم عندك اكثر من نوع بالسوق حاليا منهم: كانون 500d وعندك نيكون D90 وفي نوعيات ثانيه من هالشركتين لكن مادري عنهم صراحه واللي اهم كانون 1000d انا رايي روح الغانم او يوريكا وامسك الكاميرات وتعبث فيهم وبعدها اختار

 

[t300]

مشكوور حبيبيب

بس المشكله حتى لو امسكها واتعبث فيها واطلع روح روحها

بعد ما اشتريها راح القى فيها بلاوي

نفس كامرت سايبر شت
شفت شكلها حلو وصغير ينحط بالمخبات وتصويرها وكتها حلو

رجعت البيت شفت تصويرها ولا ابيزه

 

[Taekwondo]

صراحه اخوي انا ما وصلت لدرجة الكاميرات الاحترافيه .. الكاميرات اللي استخدمها تعتبر شبه احترافيه .. عدساتها ما تتغير لكن تصويرها حلو وقاعد اتعلم عليها عندك حاليا بالسوق كانون g11 وعندك باناسونيك lx3 او fz35 انا جربت الباناسونيك روعه صراحه بالنسبه لي لكن ما ادري عن ذوقك على العموم ان شاء الله تحصل اللي يعجبك والاخوان والخوات ما يقصرون معاك