ممكن حل حق حرقة المعده ؟؟؟؟؟؟؟؟؟؟؟؟

[ASUS]

السلام شباب انا فيني حرقه من سبوع او اكثر مستمره وانا كان من النوادر يصير فيني

فمادري شنو الحل اذا عندكم تكفون دلوني ؟؟؟؟؟؟؟؟؟؟؟؟؟؟؟

 

[Navigator]

انصحك تفحص سبب الحرقه قبل لا تاخذ اي دواء

واشرب حليب بارد

وابتعد عن الفلفل

والمقليات

يعني حمية باكل خفيف

وسلامات ان شاء الله

 

[kuwaitey]

كثر من الروب يبرد على المعده وحاول انك ماتنام بعد الاكل مباشره

وماتشوف شر ان شاء الله

 

[العاشق]

روح الطبيب اخوي لاتهمل عمرك

وعليك بالبيريه حيل يريح وشافاك الله​

 

[ASUS]

مشكورين شباب

 

[بن فرناس]

اولا الحالة النفسية(ضغوط+زعل..الخ)
ثانيا ابتعد عن ما يهيج المعدة من مأكولات

ثالثا دواء:حبوب zantac 150 مرتين باليوم لمدة عشر ايام(موجود بالمستوصفات) + شراب gaviscon موجود بالمستشفيات عجييييب يطفي الحارج ب40ثانية

وما تشوف شر

 

[بوغمازات]

اخوي في دوا اسمه ( رايسك ) بالمستشفيات موجود وكل يوم كبسوله وماكو الا العافيه ... وانا صارلي اكثر من سنه استخدمه ,,,

 

[NoOoOoR]

انصحك تفحص سبب الحرقه قبل لا تاخذ اي دواء

واشرب حليب بارد قليل الدسم

وابتعد عن الفلفل

والمقليات

يعني حمية باكل خفيف

وسلامات ان شاء الله

بالضبط ..... وماتشوف شر ​

 

[ياسر الروقي]

سو منظار شكلك فيك جرثومه وانت ماتدري
سوى بسرعه ترى علاجها سهل لكن ان استمرت يصير صعب

 

[Balloons Shop]

لا أؤيد الدواء ، علاج المرء بيده وراعي العلة أدرى بعلته

وجبات بسيطة بفترات قريبة ، وبشرط تكون صحية

مثل الروب والسلطة واللبن وستقاته

وقلل من التوابل والمقليات

وتناسى وجود قرحة معدة أو تذكر ألمها

أجر وعافية .

 

[Low Fat]

السلام عليكم..

(المرمريه)
عيدان المرميه كسرهن صغار صغار
وحطهن في نص بطل ماي صحه صغير ورجه عدل
ومزمز فيه على شوي شوي الأعواد أطحنهن بأسنانك
وأشرب عليهن من الماي وبإذن الله وحده بوحده

وسلامات وماتشوف شر​

 

[السيدةالانيقة]

لازم نعرف ان لكل شخص نوع من الاطعمة الي يتناسب مع معدتة
جرب من الاطعمة التي تم ذكرها وما يوجد عندك
وبعد ذلك أعرف ماهو مناسب لمعدتك قد يساعد التفاح او الخيار
او حليب خالي الدسم جرب شوف الاقرب

والله يشافيك

 

[bo hazm]

وازيد على كلام الاخوان
التدخين سبب رئيسي للحارج
وماتشوف شر

 

[ريّس نفسه]

الله يشافيك

 

[ASUS]

مشكورين واااااااايد والحمدالله عرفت من شنو فيني من حبوب زيت السمك وحبوب المفاصل قريت ان من اعراضهم الجانبيه زيادت احماض المعده فتسبب حرقه وشكرا يا شباب بقطعهم وبغير نظام اكلي وارد وقول مشكورين والله جنكم اهلي تخافون علي مشكوري

 

[بو عبدالله 007]

والله ينصحون بالحليب البارد خالي الدسم والخضروات خصوصا الخيار والخس

طبعا هذا ما يمنع من زيارة الطبيب وعمل الفحوصات

وما تشوف شر

 

[بو_راشد]

ماتشوف الشر انشالله