abdullah6868
عضو نشط
بعد شغل مع اغلب دول اسيا الهند - باكستان - بنقلادش - تايلند - اندونيسيا - فيتنام - هونج كونك - سنغافورة - ماليزيا شراء استوكات وبيعها فى دبى والسعودية والكويت -- مليت صراحة لان فيها تعب بشكل رهيب مريت على شخص قريب لى تاجر سيارات من امريكا وحاولت انه يفيدنى لانه يشتغل مع فلسطينى بامريكا واخبر منى بامريكا صاحبنا صراحه صرفنى وما استفدت منه -- معاه حق رزقته ويحافظ عليها -- فريت على كذا تاجر من اصحابى كلهم صرفونى ما فية احد فادنى -- قلت هذا عالم التجارة كل واحد يقول ياالله بنفسي وفيها نوع من الحسد -- رحت لدبى الحبيبة مصدر تجارتى ورحت مزاد امريكى فى جبل على مديرة العمليات اسمها نيكول عمرها اكثر من 60 سنه دايما معاملتها معاى طيبة بحكم حبها للكويت والشعب الكويتى بعد انتهاء المزاد شريت مكاين كهرباء ومريت على نيكول لانهاء الاجراءات للتصدير للكويت وسئلتها عن تجارة السيارات بامريكا قالت مر على بعد الساعه 7 باليل وفعلا مريتها وجلسنا سوا وقالت اوراقك معاك رخصة تجارية ضمان بنكى والى اخرة قدمت لها اوراقى وقالت الاسبوع الجاى راح اخليك تنافس التجار الامريكان مباشرة شلون علمتنى الطريقة بالكامل والحمدلله الله وفقنى وعرفت التجارة الامريكية من الى وبعدها قالت ابو على زور امريكا مباشرة راح تعرف اكثر بس نصيحة لا تزعل قلت تفظلى قالت لا تتعامل مع العرب انصدمت قالت اغلبهم اصحاب مشاكل -- انا فتحت لك حسابات مباشرة واشتغل اتمنى لك التوفيق -- رحت سوق مرشد وشريت لها اربع دراعات غاليه هدية لانها سوت شى اقرب شخص لى ما سواها بعد شغل 4 سنوات مع تجارة السيارات المربحة من فضل الله عزمت اشوف امريكا وفعلا فيزت ونويت اتوكل على الله بروحى لامريكا -- نسيبى صغير بالسن عرف انى ابى اروح لامريكا جانى فى بيتى وقال يابو على ابى اخاويك اترزق الله على طول قلت هذى ارزاق الله موزعها -- يا مرحبا -- بس فية مشكلة -- نسيبى لو تقولة سلام عليكم تهاوش وياك وشخص حار وقليل الكلام ودايما معصب ودايما متهاوش -- بس ملتزم دينيا الله يجزاة خير --
سويتله فيزة بالسفارة الامريكية بالكويت وواعدونا بعد اسبوع يستلم جوازة -- خلال الفترة هذى 50 شخص قال شتبى فى نسيبك راح يسويلك مشاكل هذا كلة متهاوش -- مارديت على احد لان الشخص زهمنى بجد ويبى يترزق الله وانا واعدته عيب اصرفه قلت بنفسى اتوكل على الله والله يجيب الخير -- سافرنا على القطرية -- اول المواقف -- الرحلة من الدوحة الى مطار هيوستن تكساس 17 ساعه متواصلة بدون توقف -- هذى غلطتى ما سئلت مكتب السفريات عن سير الرحلة -- وتاخرنا بالدوحه 7 ساعات الله المستعان هذى اولها -- وصلنا مطار هيوسن ودخلونا غرفه للتحقيق سئلوا نسيبى تعرف انجليزى قال لا قالوا اقعد على الكراسى بدون كلام -- سئلونى تتكلم انجليزى -- قالت يا كيف -- بلبل -- قالى الضابط الامريكى اول سؤال -- هل انت ارهابى -- الفرق بين الارهاب والسياحه نفس الكلمه -- الارهاب تورزم -- والسياحة تورست -- الكلمات متشابهه باللفظ -- واللهجة سريعه حيل -- قلت للضابط نعم انا ارهابى ---- قال منو معاك ارهابى -- قلت اللى قاعد على الكرسى نسيبى -- انصدم الضابط -- نادى رئيسة وسئلنى عن ابن لادن -- انصدمت من السؤال -- قلت انا مالى شغل انا تاجر وهذى اوراقى وبعده اشوى تفهم المسؤل غلطتى واخرونى ساعتين وبعده تأسفوا الامريكان وبكل احترام قالوا تفظلوا -- بعد ما دخلنا امريكا قلت للنسيبى شنو صار بغى يموت ابو نسب -- الحمدلله تسهلت الامور واجرنا سيارة واجرنا فندق وريحنا وبعد اسبوع من التمشى عرفنا امريكا وقوانينها -- يا غريب خلك اديب -- صلينا صلاة الجمعة فى مسجد الفاروق بتكساس وبعدها رحنا لمزاد سيارات يبدى الساعه 4 عصرا اكثر من 2000 سيارة راح تنباع اليوم -- قلت يابو نسب الله يوفقنا ب 20 وانيت برخيص وفعلا بدا المزاد والا اللى جنبى امام مسجد الفاروق فلسطينى ما اعرف اسمة ومعاه شخص سعودى يبون يشترون 5 وانيتات -- انا شريت اول وانيت ب 2000 دينار والى نافسنى الزلمه امام المسجد-- والا الفلسطينى جاى جنبى وكلمنى الاخ من وين -- من الكويت -- اهلا وسهلا وبعد كلام عن الكويت الحبيبة قالى ممكن طلب الله يخليك -- قلت تفضل -- قال انا ابى 5 وانيتات وما فية احد ينافسنى الا انت وهذا سعودى بعد اسبوع راد للسعودية لانه جاى للعلاج الله يخليك لا تنافسنى ابى كم وانيت وامشى لا تزاود على قلت تستاهل انت والسعودى اشتروا واذا خلصت انا اشترى والرزق على الله عصب نسيبى وقالى يابو على مالك شغل بالزلمه والسعودى خلهم يولون زيد واحرقهم انشاء الله ما يشترون رديت على نسيبى حرام خلهم انشاء الله بيرزقنا ربك باحسن وفعلا جاى دور 5 وانيتات وشرا السعودى على 1500 دينار و 1700 دينار تقريبا وبعد ما شروا قالوا الله يجزاك خير يا كويتى وفرت علينا خوش مبلغ --- جاى دور اول وانيت ورسى على 800 دينار ما احد نا فسنى انصدم الزلمة والسعودى -- والله العظيم 17 وانيت شريتهم على 700 دينار و 800 دينار -- نسيبى والسعودى والزلمه انجنوا -- قال السعودى سبحان الله تركت لنا شى لله والله ارزقك باحسن وارخص بنص السعر -- نسيبى قال انت ساحر -- مت من الضحك -- حاسبنا وشحنا حلالنا وتوكلنا على الله وفرينا امريكا لمدة شهر تقريبا من كلورادوا الى فلوريدا 4000 كيلو -- كل ما اكلم اعيالى بالكويت ابو نسب يطالعنى باسغراب -- وبعدها سئلنى يا بو على هذا اسلوبك مع اهلك والا انت تصنع الضحك والكلام اللين والنكت انت صار لك شهر ما شفتك معصب او اتهاوش -- قلت لا يا بوى هذا طبعى الدنيا بخير لا تخاف --- بعد مارجعنا للكويت -- يشهد الله ان النسيب تغير 180 درجة مع اهلة وصار لين ويضحك -- وقال لاهلة انى شفت الحياة مع ابو على صح انا عمرى ما سافرت الا الخليج بس امريكا غير الشعب والنظام والبشر وابو على
قلت الله يجزاة خير والنسيب ما شاء الله علية ملتزم وما خلى صلاته ونعم الخوة -- والله وفق النسيب الى اليوم شغال تجارة سيارات والله فتح علية
ولله الحمد
سويتله فيزة بالسفارة الامريكية بالكويت وواعدونا بعد اسبوع يستلم جوازة -- خلال الفترة هذى 50 شخص قال شتبى فى نسيبك راح يسويلك مشاكل هذا كلة متهاوش -- مارديت على احد لان الشخص زهمنى بجد ويبى يترزق الله وانا واعدته عيب اصرفه قلت بنفسى اتوكل على الله والله يجيب الخير -- سافرنا على القطرية -- اول المواقف -- الرحلة من الدوحة الى مطار هيوستن تكساس 17 ساعه متواصلة بدون توقف -- هذى غلطتى ما سئلت مكتب السفريات عن سير الرحلة -- وتاخرنا بالدوحه 7 ساعات الله المستعان هذى اولها -- وصلنا مطار هيوسن ودخلونا غرفه للتحقيق سئلوا نسيبى تعرف انجليزى قال لا قالوا اقعد على الكراسى بدون كلام -- سئلونى تتكلم انجليزى -- قالت يا كيف -- بلبل -- قالى الضابط الامريكى اول سؤال -- هل انت ارهابى -- الفرق بين الارهاب والسياحه نفس الكلمه -- الارهاب تورزم -- والسياحة تورست -- الكلمات متشابهه باللفظ -- واللهجة سريعه حيل -- قلت للضابط نعم انا ارهابى ---- قال منو معاك ارهابى -- قلت اللى قاعد على الكرسى نسيبى -- انصدم الضابط -- نادى رئيسة وسئلنى عن ابن لادن -- انصدمت من السؤال -- قلت انا مالى شغل انا تاجر وهذى اوراقى وبعده اشوى تفهم المسؤل غلطتى واخرونى ساعتين وبعده تأسفوا الامريكان وبكل احترام قالوا تفظلوا -- بعد ما دخلنا امريكا قلت للنسيبى شنو صار بغى يموت ابو نسب -- الحمدلله تسهلت الامور واجرنا سيارة واجرنا فندق وريحنا وبعد اسبوع من التمشى عرفنا امريكا وقوانينها -- يا غريب خلك اديب -- صلينا صلاة الجمعة فى مسجد الفاروق بتكساس وبعدها رحنا لمزاد سيارات يبدى الساعه 4 عصرا اكثر من 2000 سيارة راح تنباع اليوم -- قلت يابو نسب الله يوفقنا ب 20 وانيت برخيص وفعلا بدا المزاد والا اللى جنبى امام مسجد الفاروق فلسطينى ما اعرف اسمة ومعاه شخص سعودى يبون يشترون 5 وانيتات -- انا شريت اول وانيت ب 2000 دينار والى نافسنى الزلمه امام المسجد-- والا الفلسطينى جاى جنبى وكلمنى الاخ من وين -- من الكويت -- اهلا وسهلا وبعد كلام عن الكويت الحبيبة قالى ممكن طلب الله يخليك -- قلت تفضل -- قال انا ابى 5 وانيتات وما فية احد ينافسنى الا انت وهذا سعودى بعد اسبوع راد للسعودية لانه جاى للعلاج الله يخليك لا تنافسنى ابى كم وانيت وامشى لا تزاود على قلت تستاهل انت والسعودى اشتروا واذا خلصت انا اشترى والرزق على الله عصب نسيبى وقالى يابو على مالك شغل بالزلمه والسعودى خلهم يولون زيد واحرقهم انشاء الله ما يشترون رديت على نسيبى حرام خلهم انشاء الله بيرزقنا ربك باحسن وفعلا جاى دور 5 وانيتات وشرا السعودى على 1500 دينار و 1700 دينار تقريبا وبعد ما شروا قالوا الله يجزاك خير يا كويتى وفرت علينا خوش مبلغ --- جاى دور اول وانيت ورسى على 800 دينار ما احد نا فسنى انصدم الزلمة والسعودى -- والله العظيم 17 وانيت شريتهم على 700 دينار و 800 دينار -- نسيبى والسعودى والزلمه انجنوا -- قال السعودى سبحان الله تركت لنا شى لله والله ارزقك باحسن وارخص بنص السعر -- نسيبى قال انت ساحر -- مت من الضحك -- حاسبنا وشحنا حلالنا وتوكلنا على الله وفرينا امريكا لمدة شهر تقريبا من كلورادوا الى فلوريدا 4000 كيلو -- كل ما اكلم اعيالى بالكويت ابو نسب يطالعنى باسغراب -- وبعدها سئلنى يا بو على هذا اسلوبك مع اهلك والا انت تصنع الضحك والكلام اللين والنكت انت صار لك شهر ما شفتك معصب او اتهاوش -- قلت لا يا بوى هذا طبعى الدنيا بخير لا تخاف --- بعد مارجعنا للكويت -- يشهد الله ان النسيب تغير 180 درجة مع اهلة وصار لين ويضحك -- وقال لاهلة انى شفت الحياة مع ابو على صح انا عمرى ما سافرت الا الخليج بس امريكا غير الشعب والنظام والبشر وابو على
قلت الله يجزاة خير والنسيب ما شاء الله علية ملتزم وما خلى صلاته ونعم الخوة -- والله وفق النسيب الى اليوم شغال تجارة سيارات والله فتح علية
ولله الحمد
