الدفعه الثالثه من شمال غرب الصليبيخات

[استرليني]

الاخ الجود الاول

ياخوي لاتبالغ بالمنطقه بشكل غير منطقي .. شوي وراح تقول ان المنطقه احسن من ميامي ولاس فيجاس !! عموما .. الله يفرحكم زياده والله يعطي الواحد علي قد نيته ويزيدكم ويبارك لنا ولكم صبرنا الكثير وعوض صبرنا خير .. انا والحمد لله الله رزقني قسيمه رواق منطقه .. ولله الحمد .. الموضوع بدأ دعوه للتفكير .. روح شوف بيوت القرين .. كيف كان تنظيمها فيه حارات وجزر .. الي فيه دخله وحده للفريج ومصافط بالنص .. وبعدين المشروع الثاني غرب الجليب كنسلوا هالشئ .. الان رجعوها لمنطقتكم وهذا خطأ كبير .. بس بدون الجزر .. وانت احكم بالعقل والمنطق هل هالعدد من السيارات يصح انه مخرجهم شارع واحد ؟؟؟ تري الي نبهني علي هالامر شخص طالع له بيت عندكم واسمه موجود بالقائمه اعلاه .. هو قعد في الديوانيه قدام الاب توب وتأمل بالمنطقه وقال لنا هالخبر .. قال المنطقه سيئه في شوارعها ولما تأملنا كلامه لقيناه صادق .. عموما اجلس بأسترخاء واشرب وأرتشف القهوه وتأمل خريطتي الي وضعتها لك وفكر .. ثم قرر .. ان كان كلامي صح او لا ؟؟ عموما اله يبارك لكم كلكم ويعطيكم خير هالمنطقه ويكافيكم شرها لانكم صبرتوا .. وأذا تحتاجون نصيحه للبناء روحوا اقرؤا موضوعي تجربتي في البناء البسيطه لانه علي مااتذكر أفاد ناس وايد كما قرأت من مشاركات الشباب .. والله الموفق

يا خوي طارق55 لا تعب نفسك وياهم هذيلا يبون يبدلون قسايمهم اللي بشرق صليبخات ويبون يشترون قسايم بالمنطقة العاشرة
اغلب اللي خصص بقسايم شرق صليبخات هذا تفكيرة يطبل للمنطقة علي شان يبيع قسيمتة علي المخطط و يشتري بالمنطقة العاشرة وبالاخص فهد الاحمد والمنقف ....!
علماً ان البدل مايصير الا بعد استلام القسيمة علي الطبيعة يعني آآآآآآآخر 2012 اذا الشركة ممتازة واذا طلعت من هالشركات اللي تبوق اخذها مني سنة 2014 مايستلمون قسايمهم .
فلا تعب نفسك حبيبي وياهم .​

 

[مستريح]

يا شباب الله يهديكم

شمال غرب صليبخات ماعليها خلاف من افضل المناطق واسألوا اهل العقارات

واغلب اللي ذموها اما بيتهم في جابر الاحمد او في سعد العبد الله وحقدوا علينا لان قسايمنا طلعت ع البحر واقرب منهم

هذا كل مافي القصة

الله يعوضكم

اللي يبي يبدلني بيتي على ثلاث شوارع

100 الف

وشكرا

 

[طارق55]

ايه يقولون اهل لوس انجلوس ولاس فيجاس مسوين مظاهره يبون منطقه شمال شرق صليبيخات ام االطين والصبخه : )

---------------
اخوي استرليني

.. الله ينور عليك اخوي الحين فهمت القمنده .. الربع صايرين مثل العربي والقادسيه ايام زمان ايام التعصب .. تقوله الشوارع قدامك شوف بعينك يرد علي وبقول حسد ومااعرف ايش !!! المهم الي الان لم يناقشني احد عن موضوع المخرج واحد لل 225 سياره .. الظاهر انهم متفقين معاي في هذه النقطه !!

ثانيا علي حسب مافهمت انهم الي الان مااستلموا الاراضي مالتهم .. يمكن بعد سنتين او اربعه علي حسب الشركه المنفذه واليوم عند ربعنا بسنه كامله .. لا والمشكله انهم مغرورين بمنطقتهم .. ومدينتي يالله من فظلك بعد ثلاث اشهر الكهرباء واصله .. وبيتي قرب يشطب .. ويالله هذي حاله .. الي ساكن اجار اربعه سنين يعاير الي بعد ثلاث اشهر يسكن !! صحيح الي يعيش ياما راح يشوف

 

[مستريح]

ياطارق يعني انت الحين بتوهم الناس ان في الشارع 200 سيارة

ياعمي شوف المخطط واحكم

وبعدين مافي وجه مقارنة بين جابر الاحمد او سعد العبد الله ومنطقة النخبة شمال غرب صليبخات وياريت لو تسوي استفتاء

عموما

اتبدلني واتزيدني ؟؟


اقول مبروك ؟

 

[طارق55]

مستريح

انا مااوهم الناس .. الناس عندها عقول وتفكر .. امدح منطقتك لكن لاتلغي عقول الناس .. الفريج قدامك ماجبت شئ من عندي .. شوف الخريطه الفريج له طلعه وحده فقط لاغير لهذا العدد من السيارات .. الا ان كان جيرانك عندهم هليكوبترات هذا شئ ثاني ؟؟ عندكم سيارات مثلنا ولا ايش ؟؟ اذا قلت اي سيارات .. خلاص كلامي صحيح .. ولا لآ ؟؟ ثانيا اشلون ازيدك وانا ابي اسكن بعد ثلاث شهور وانت قدامك اربع اسنين .. والله يعينك علي الاجارات والضيقه : )
ثانيا تخيل بيتك جنبه عماره ام سته ادوار .. بصراحه هذي اول مره تحصل في مناطق الاسكانيه .. تخيل حتي الشمس تمنعها عنك .. ولهذا انصحك بزياده عدد الدفايات في الشتاء .. لان البرد زمهرير وانا اخوك ..

والله يعينك ويمنع عنك اعيون سكان العمارات وانت في بيتكم .. بصراحه مو خوش شغله

 

[الجود الاول]

ياجماعه الموضوع مو موضوع شمال غرب الصليبخات

الموضوع هو موضوع الحسد اللى متغلل فى نفوس البعض

طيب معانا واحد اهنيه بالطالعه والنازله يحاول تشويه منطقه شمال

غرب الصليبخات وترى شوارعها كذا وترى فيها كذا

وتراها كخه ويوم سألناه عن تاريخ طلبه ؟

قال انا قاعد ابنى فى جابر الاحمد

وبالصدفه اتضح انه قاعد يدوّر فى شمال غرب الصليبخات

وتاريخ طلبه 11 / 2/1997

واهو عندنا يسب ويلعن فى منطقه شمال الصليبخات

يعنى انا مانى فاهم شغله

ليش ما ترضى باسعار السوق؟

وليش تحاول تكذب وتعذرب وتلف وتدور حتى تشوّه سمعه المنطقه

هذا لنا عوده معاه اذا شفته يرد على الموضوع

نوصل عند الاخ طارق

مانى فاهم بالضبط شنو يبى ؟

نقول ان المنطقه حسب كلامه زحمه مادرى كخه مادرى شنو يبى ؟

طيب

اليوم انا مبدّل تخصيص فقط بمبلغ خمسين الف دينار

طبعا انا وسيط

عطنى مشروع بالكويت وصل تبديل الطلب للسعر هذا

يعنى الشمس ما يغطيها المنخل يا طارق

المنطقه عليها طلب شديد من أهل الكويت قاطبه

عندنا 90 الف طلب اسكانى ينتظرون المناطق الحدوديه

وشمال غرب الصليبخات اخر منطقه بالعاصمه

وعلى البحر وعددها قليل جدا مقارنه مع 90 الف طلب اسكانى

واكبر دليل انك مو قادر تحصّل فيها

هو دراستك لما تزعم أنها اخطاء فى التصميم والشوارع

طيب منطقه تدّعى انك لا ترغب فيها

شكو رايح تدرسها ومضيع وقتك وجهدك وحارق قلبك

اهم شى لا يكون اصابك الارق من هذه الاخطاء

او ذرفت الدمع حزناً على مستقبل العوائل التى سوف تسكن المنطقه

الكلام كثير والادّله اكثر

لكن يا طارق اخذها نصيحه

من عاش بالحيله مات بالفقر​

 

[طارق55]

الجود الاول

الكلام هذا الي تقوله لي أنا ؟؟ أي حيله وأي فقر .. أنا لابعت ولاعرضت ولاشريت .. أنا اطرح رأيي فقط لاغير .. انت الظاهر مثل ماتقول وسيط ومن مصلحتك تتحيز لهذه المنطقه .. لانك مستفيد لكني انا مااستفيد شئ .. وشنو دليلك اني عجرت القي فيها قسيمه ؟؟ كتبت انا موضوع ابي ابدل أو من هذا القبيل .. وين دليلك ؟؟ اقولك انا بيتي يبي يخلص واقدر اسكن بثلاث شهور في بيت رواق المنطقه ولله الحمد .. تبيني ابدل بأرض بعد اربعه سنين .. لا وجنب عماره بعد ؟؟ مجنون انا او مخبل أو مجوي علي رأسي !!

اخوي .. خمسين ستين او تسعين الف الله يهني سعيد بسعيده .. والشاري والبائع راضي انا مادخلني انا اقول رأيي العقلاني .. لاتصيرون انتم من ربع عنز لو طارت وتمدحون علي الطالعه والنازله .. منطقه صبخه .. فيها عمارات وشوارعها زحمه ..وماتشوف البحر .. ماجبت شئ من عندي لكم عين تشوف ولا لا ؟؟
خلني اسألك اسئله جاوب عليها بدلا من الدخول في النيات :

1= هل من الطبيعي يكون بيتك لازق بعماره ؟؟ هل هالشئ زين ولا شين ؟؟

2= كم قيمه معالجه الارض السبخه ؟؟ علي فكره انا افهم منك بهالشئ لاني بنيت واعرف

3= الخريطه الي انا وضعتها للفريج .. كم سياره ( تعتقد ) في الفريج راح تطلع الصبح في نفس المخرج ؟؟ تأمل الخريطه وجاوب رجاءا

أبي جواب .. تري ملينا من كلمه حاسد ومن هالكلام .. لانه بصراحه كلام دلالوه يرغبون الناس علشان مصلحتهم ولما تسألهم سؤال يلف ويدور .. لانه الي الان مافي احد ناقشني بالخريطه الي انا حطيتها .. بعدين مافي دراسه .. هي ماهي شهاده دكتوراه .. الامر بسيط نظره وحده وتعرف ان الشوارع زحمه لانها مخرج واحد .. كلامي بالعربي ياجماعه مو بالانجليزي ..
الان هل من اجابه علي الاسئله بدلا من اللف والدوران ؟؟

 

[دولار$]

عندي قسيمه بشمال غرب الصليبخات زاويه
ماعندي مانع ابدل قسيمتي مع فيلا بضاحية عبدالله السالم
وشرط على 3 شوارع ويزيدني 100 ألف دينار ماينقص فلس واحد
وأي تأخير يمكن أهون
للجادين فقط على الخاص
الزين عندنا والشين حوالينه

 

[sma]

ما شاء اللة على ها المنطقة ومبروك للي طلعلة فيها ياشباب سمعت ان واحد اطلبة 95 معطي 110 الاف دينار عشان ايبدل بها المنطقة ايصير ايبدل ,,,, انا شكلي ابقدم على شقة بها المنطقة اذا اطلعت العماير مع ان طلبي سنة 98 اللة يرزقنا بشقة بشمال غرب الصليبخات ادعولنا

 

[ابوعامر]

استرليني ياليت ماعاد تدخل ع الموضوع لو سمحت

لو سمحت لو سمحت

 

[ابوعامر]

الجود الاول

الكلام هذا الي تقوله لي أنا ؟؟ أي حيله وأي فقر .. أنا لابعت ولاعرضت ولاشريت .. أنا اطرح رأيي فقط لاغير .. انت الظاهر مثل ماتقول وسيط ومن مصلحتك تتحيز لهذه المنطقه .. لانك مستفيد لكني انا مااستفيد شئ .. وشنو دليلك اني عجرت القي فيها قسيمه ؟؟ كتبت انا موضوع ابي ابدل أو من هذا القبيل .. وين دليلك ؟؟ اقولك انا بيتي يبي يخلص واقدر اسكن بثلاث شهور في بيت رواق المنطقه ولله الحمد .. تبيني ابدل بأرض بعد اربعه سنين .. لا وجنب عماره بعد ؟؟ مجنون انا او مخبل أو مجوي علي رأسي !!

اخوي .. خمسين ستين او تسعين الف الله يهني سعيد بسعيده .. والشاري والبائع راضي انا مادخلني انا اقول رأيي العقلاني .. لاتصيرون انتم من ربع عنز لو طارت وتمدحون علي الطالعه والنازله .. منطقه صبخه .. فيها عمارات وشوارعها زحمه ..وماتشوف البحر .. ماجبت شئ من عندي لكم عين تشوف ولا لا ؟؟
خلني اسألك اسئله جاوب عليها بدلا من الدخول في النيات :

1= هل من الطبيعي يكون بيتك لازق بعماره ؟؟ هل هالشئ زين ولا شين ؟؟

2= كم قيمه معالجه الارض السبخه ؟؟ علي فكره انا افهم منك بهالشئ لاني بنيت واعرف

3= الخريطه الي انا وضعتها للفريج .. كم سياره ( تعتقد ) في الفريج راح تطلع الصبح في نفس المخرج ؟؟ تأمل الخريطه وجاوب رجاءا

أبي جواب .. تري ملينا من كلمه حاسد ومن هالكلام .. لانه بصراحه كلام دلالوه يرغبون الناس علشان مصلحتهم ولما تسألهم سؤال يلف ويدور .. لانه الي الان مافي احد ناقشني بالخريطه الي انا حطيتها .. بعدين مافي دراسه .. هي ماهي شهاده دكتوراه .. الامر بسيط نظره وحده وتعرف ان الشوارع زحمه لانها مخرج واحد .. كلامي بالعربي ياجماعه مو بالانجليزي ..
الان هل من اجابه علي الاسئله بدلا من اللف والدوران ؟؟

ممكن اعرف طلبك اي سنه او انت مستلم وين

 

[الجود الاول]

الجود الاول


خلني اسألك اسئله جاوب عليها بدلا من الدخول في النيات :

1= هل من الطبيعي يكون بيتك لازق بعماره ؟؟ هل هالشئ زين ولا شين ؟؟

2= كم قيمه معالجه الارض السبخه ؟؟ علي فكره انا افهم منك بهالشئ لاني بنيت واعرف

3= الخريطه الي انا وضعتها للفريج .. كم سياره ( تعتقد ) في الفريج راح تطلع الصبح في نفس المخرج ؟؟ تأمل الخريطه وجاوب رجاءا

1

_ أنت تقول بيت لاصق بعماره ؟

وين شفت هالمنظر هذا

بين العمارات اللى من 3 ادوار فقط وبين القسائم مواقف مدارس

ومساحات واسعه وحدائق

وفى اروقه وزاره الاسكان طموح قوى لالغاء العمارات وتوزيعها كأراضى

وتقدر تتاكد بنفسك من هذه المعلومه


2_ قيمه معالجه الارض الصبخه لا يتجاوز 6 الاف دينار فقط

وتقدر تبنى سرداب بعد فلا تضخم الموضوع

وعموم اراضى الدوله كلها صبخه

دبى قامت تبنى عمارات بالبحر وانت خايف من صبخه


3= الخريطه الي انا وضعتها للفريج .. كم سياره ( تعتقد ) في الفريج راح تطلع الصبح في نفس المخرج ؟؟ تأمل الخريطه وجاوب رجاء

اخوى انا درست المنطقه دراسه كامله

ومقارنه الفريج الى وضعت المخطط ماله

اقسم بالله أن منطقه شمال غرب الصليبخات منطقه ناجحه بكل المقاييس

وفعلا نشيد بدور الاسكان فى هذا النجاح الباهر

اذ تم تلافى اخطاء المشاريع السابقه من حيث

ضيق الشوارع

وعدد المداخل والمخارج

بيوت السد وصلت ارتدادها الى 9 امتار الا شى بسيط

واصبحت مطلوبه حتى بالقرعه منهم من ضحّى بزاويه ورغب فى بيت سد

الصوره اللى انت حطيتها صحيحه لكن افتراضاتك خياليه

وتصوراتك وهميه

حدث العاقل بما يعقل

منطقه شمال غرب الصليبخات من اجمل المناطق

واهى بكبرها تعتبر فريج صغير اذا ما قارنتها بجابر الاحمد او سعد العبدالله

بمعنى

ان المدارس ماكو زحمه

المستوصف اعتقد بيكون ما عندهم شغل

الجمعيه تقدر تتسوق على راحتك

ومعظم سكان المنطقه من جيل الشباب المتعلم

يعنى راح تختفى مظاهر الجريمه او السرقات

بأختصار

هذا المشروع ناجح بجميع المقاييس

وهذه المنطقه سوف تكون عروس الكويت

التى يرغب الجميع بالاقتران بها​

 

[مستريح]

اخوي الجود هذيلا ناس طلعت لهم بيوت في جابر الاحمد وفي سعد العبد الله اخذوا فيها وتحسفوا وطلعت هذه المنطقة الجميلة وهي شمال غرب صليبخات وندموا

وصاروا يعذربون في المنطقة واحد يقول صبخة والثاني يقول تحتها ماي والثالث يقول ريحة المنطقة خايسه هههههههههههههههههههههههه


عموما الشركة الحين تشتغل وهي تعتبر من افضل الشركات العالمية في استصلاح الارض

وهي شركة فرنسية ناهيك عن ان طريق البحر راح يصرفون عليه حوالي 36 مليون دينار لتكون واجهة بحرية جميلة جدا

الله يوفق كل من طلعله بيت في هالمنطقة الجميلة

 

[q8ihome]

نعم ما شاء الله شرق الصلبيخات مافيها مشاكل اشوف اهل المنطه المحيده لها كانوا مقطعينها سباحه وصيد اسماك . تقصون على نفسكم : والثالث يقول ريحة المنطقة خايسه هههههههههههههههههههههههه .
البحر الميت وخلنا باشر نشوف كم بيت راح يقع من بيوت شرق الصلبيخات من المجاري و الدفان المدفون تحت المنطقه . سامحوني على المداخله لكن لاتغترون بالشركه الفرنسيه انتم بالكويت وبأرض كويتيه مو فرنسيه يا اخواني . مداخله شرعيه

 

[استرليني]

استرليني ياليت ماعاد تدخل ع الموضوع لو سمحت

لو سمحت لو سمحت

بوعامر .. مو من زين الموضوع علي شان اتابعة بشكل يومي ...!
بس حبيت اقول وجهة نظري .. بخصوص شرق صليبخات وليس من حقك ان تمنعني من دخول الصفحة .
وارد واقول كثير من استلموا قسائم بشرق صليبخات يحاولوا باقصي سرعة اصطياد اي شخص ويوهمونة انها منطقة راقية وسعرها فوق السحاب حتي يتمكنوا من تبديلها باي قسيمة بالمنطقة العاشرة وبالخصوص المنقف وفهد الاحمد .
وحبوا للناس مثل ماتحبون لنفسكم .
المنطقة لا يجوز فيها البدل الرسمي الا بعد 3 سنوات حسب قرارات الاسكان .
والحل الوحيد للبدل عن طريق محامي وهذة الطريقة غير قانونية .. يعني اي خلاف ينشب بين الطرفين محاكم الكويت لا تنظر فية .. لانة القانون الكويتي يقـــــول ( مابني علي باطل فهو باطل )..... هذا للتوضيخ للاخوان اللي ناوين تبدلون قسائمهم بعيداً عن القوانيـــن .​

 

[q8ihome]

كم مدخل ومخرج لمنطقة جابر الاحمد وكم مدخل ومخرج لسعد العبدالله وكم مدخل لشرق الصلبيخات وكم منخل لضاحية عبدالله السالم ماتكلمتوا عن الكثافه السكانيه ليش ماتكلمتوا عن مناطق التي فيها 13 قطعه ليش ماتكلمتوا عن منطفة صباح الاحمد وعن الصبيه مو هي من افضل المناطق بالمستقبل وراح يسير لها شأن وجسر راح يمر عند الابراج . الله يعين الديره و يعينك ياوالدنا مهما يسوي مومبين في عيون الناس . اصلا حنا اهل كلام واقاويل ومن قال سالفه بلندن تسمعها والله يعين الجيل 2050 م شنو حالهم فكرتوا فيهم قاعدين تقولون والحسد مالي قلوبكم عن هذه المنطقه وذيك المنطقه وواحد يبي يبيع ويبدل ببيته على 3 شوارع علشان قطعة ارض سد لد وتبعد عنه حذفت اخشبه الله المستعان والمعين وتنظيف القلوب نقوا قلوبكم والكلام للجميع , كل منطقه فيها عيوب وبأنواعها بس الي موساكن فيها يقول هذه الجنه وانا ساكن بسعد العبدالله وكنت عارف عيوب النطقه ومع ذلك اخذت وتقدمة للقرعه . ومو آخذ فيها انا اعرف المنطقه وعيوبها وآخذ فيها وبعدها احاسب الحكومه عن المداخل والمخارج او البعد عن الديره او التلوثات انت اخذتها وعارف عيوبها فلا تلعبها على الحكومه يا شاطر يعن ماراح يشيلون مصفاة علشان حضرتك ساكن بمنطقه وانت عارف عيوبها لا تقول فيها تلوث والمنطقه مالك مداس فيها لا تقول تلوث ورئه والمنطقه عاجة بالمخيمات مكان لأبرة مالك مكان فيها ليش بالخيمه مايحوشك ربوووووو وبالبيت رئه ووباء . احمدالله واشكرووووووه ويحفظ ديرتنا ومن الطامعين فيها وحدوا الصفوف من الاول وتكون كلمتنا وحدة عاش لنا الامير وبس .

 

[دولار$]

بوعامر .. مو من زين الموضوع علي شان اتابعة بشكل يومي ...!
بس حبيت اقول وجهة نظري .. بخصوص شرق صليبخات وليس من حقك ان تمنعني من دخول الصفحة .
وارد واقول كثير من استلموا قسائم بشرق صليبخات يحاولوا باقصي سرعة اصطياد اي شخص ويوهمونة انها منطقة راقية وسعرها فوق السحاب حتي يتمكنوا من تبديلها باي قسيمة بالمنطقة العاشرة وبالخصوص المنقف وفهد الاحمد .
وحبوا للناس مثل ماتحبون لنفسكم .
المنطقة لا يجوز فيها البدل الرسمي الا بعد 3 سنوات حسب قرارات الاسكان .
والحل الوحيد للبدل عن طريق محامي وهذة الطريقة غير قانونية .. يعني اي خلاف ينشب بين الطرفين محاكم الكويت لا تنظر فية .. لانة القانون الكويتي يقـــــول ( مابني علي باطل فهو باطل )..... هذا للتوضيخ للاخوان اللي ناوين تبدلون قسائمهم بعيداً عن القوانيـــن .​

وينه هذا اللي يبي يصيدني
انا مستعد ب 30 ألف مع طلب 98​

شرط وجود أسباب مقنعة
مصدر إسكاني: باب تبادل الوحدات مفتوح






كتب عبدالله الشمري: اكد مصدر مسؤول في المؤسسة العامة للرعاية السكنية لـ «الوطن» ان باب التبادل بين المخصص لهم قسائم أو بيوتاً أو شققاً من المواطنين المستحقين للرعاية السكنية مفتوح شرط ان تكون هناك اسباب مقنعة يتقدم بها الراغب بالتبادل مع شخص آخر خصص له سكن في منطقة اخرى.

وقال المصدر ان التسهيلات التي تتبعها المؤسسة في هذا الشأن تأتي للتيسير على الاسر الكويتية خصوصا في مسألة لم شمل الاسرة.

واستدرك المصدر لافتا الى ان اجراءات التبادل تخضع الى شروط منها ابراز بعض المستندات التي تدعم حجز طالب التبادل والتي تدرسها القيادات السكنية المختصة تمهيدا لاقرارها.



تاريخ النشر 17/01/2010

 

[الجود الاول]

واضح ياجماعه ان منطقه شمال غرب الصليبخات مستهدفه

الغريب ان اغلبيه المهاجمين لها يزعمون انه ليس لديهم طلبات

وانهم يملكون بيوت فى جابر وسعد

السؤال اللى يفرض نفسه

لماذا هذا التشويه المتعمد لمنطقه شمال غرب الصليبخات

انتبهوا لهؤلاء

وانصح بعدم البيع او التبادل حاليا حتى ترتفع اسعارها اكثر واكثر

 

[مستريح]

انصح كل من عنده قسيمة في شمال صليبخات لا يبيع مع اول الناس وينتظر مثل ماقال الاخ الجود


صحيح سمحوا للتبديل من الان


بس انا اقول اصبروا


احنا ورانا حاجة