ايكاروس للمراقبه

[عصام 2]

اخواني السلام عليكم سهم ايكاروس للمراقبه اليوم واحتمال صعوده قوي حسب ماوصلني بس لايتأخر بالافتتاح والله اعلم

 

[hi class]

معاك سهم صارلة فترة على 120-118و شركة مستقبلها واعد و ملاك موحترمين

 

[عصام 2]

هلا اخوي هاي كلاس اشكر مشاركتك ان شاء الله يصعد باجر بس عيبه تمر عليه اسابيع بتداول ضعيف ومثل ماتفضلت حضرتك شركه مستقبلها واعد

 

[Legal]

هلا فيك اخوي عصام تم عمل اللازم

 

[سهمك اخضر]

لا يكون انت عصام الصالح بعد الي قل ساعه مبطل صفحه مره عن الصفوه ومره عن ايكاروس

 

[Legal]

ههههههههههههههههههههههههههه سهمك اخضر ما شاء الله عليك مفتح

 

[عصام 2]

نعم انا عصام الصالح ودزيت رساله امس المغرب للاداره منو غير نكي وبعدين آنه ابكيفي افتح اي صفحه ثم الكل يراجع مشاركاتي بفضل من الله كلها صحيحه والان انا بانتظار رد الاداره شالسبب تغير نكيوالسلام عليكم اشلونك بودانه

 

[عصام 2]

الحمدلله والشكر فتح صاعد واتمنى ما يخرب علي سهم الصناعات الوطنيه

 

[عصام 2]

تكمله وايضا فتحت صفحات الوطني وبيت التمويل والمستثمرون وkgl ورديت امس عاى سهم ميادين ونبهت على سهم زين وغيرهم من الاسهم وبفضل من الله كلها صح واللي يكدر يشوف مشاركاتي خله يشوف واللي ما يكدر انزله الرابط اخواني الطيبين لا اريد الا الخير لكم والسلام عليكم

 

[عصام 2]

ماشاء الله تبارك الرحمن صعد 4 وحدات اللهم لك الحمد والشكر قلت لكم لا اريد الا الخير لكم اخواني

 

[alkohejy]

إيكاروس للمتابعة إذا كسرت 122
المشرفين اشرايكم ؟ ممكن تحليل لها ؟

إيكاروس للمتابعة مؤشره جيد للصعود
بس عيبه ضعف السيولة عليه
بانتظار كسر المقاومة 122 والتأكيد فوقها وراح يصعد مع السيولة للهدف 132 إن شاالله

وصيت على السهم وانتبهت لمؤشراته من يوم 17 بس ماحد سمع الكلام
وأنا من الناس إلي ماسمعوا الكلام
تركت الجهاز ورحت بشغل رديت وانصدمت إنه وصل الهدف

 

[عصام 2]

الله يرزقك بخير منه آميين آميين آميين

 

[عصام 2]

بفضل من الله ايكاروس توقعنا له الصعود امس وصعد اليوم

الحمد والشكر لله صعد ايكاروس اليوم كما توقعنا امس اللهم زيد الرابح وعوض الخاسر آميين

 

[عصام 2]

السلام عليكم عصام 2 يعني عصام الصالح وعلى فكره توصياتي ومشاركاتي معاكم يا اخوان بالاسهم المتوافقه مع الشريعه الاسلاميه فقط وجزاكم الله خير

 

[gmail]

اخوي شنو هذا اكتب بصفحة السهم قاعد تسبب ربكه بالمنتدى وفيه ناس ياخذون بتوصياتك ويشترون واهم مايعرفون شىء


لازم تقنعنا بتحليل مو توصيه

 

[عصام 2]

السلام عليكم سامحوني انا مشترك جديد ولا زم اكتب بنفس الصفحه ما ادري وسامحوني مرة اخرى ثانيا اللي ياخذ بتوصياتي الحمد لله والشكر الله ربحه ثالثا انا انقل من محلل فني واراجع الشارتات بخبرتي البسيطه واذا استطعت آخذ راي محلل فني آخر آخذ ورغم التعب الذهني والوقت الذي يروح مني لا ابخل على احد وعلى فكره انا خسرت 80% من رأس مالي وحاليا انا خارج السوق وهذا التعب والجهد لله والله لا يخسر احد آميين

 

[abo.omar]

السلام عليكم

مشكووور ياخوي عصام ورايتك بيضا والله يكثر من أمثالك ماقصرت يالطيب

 

[عصام 2]

جزاك الله ألف خير يا بو عمر انت مثل اخوي عماد اكبر اعياله عمر وما سوينا شي والله يرزق الجميع ويرزقنا الهداية والأيمان قبل كل شئ