السلام عليكم ..
عندي استفسار وصارله فتره يراودني.... عندي قسيمة مبنيه وجاهزه للسكن بقطاع ب بمدينة جابر 3 ادوار وتشطيب ممتاز للسكن ماهو تجاري .
والموقع راس على شارعين وساحة او يسمونه زاويه 3 واجهات . والارتدادات 6 و7 و13 .
المواصفات ...
- ارضي واول سكن والثاني شقتين كبار .
- واجهة سيجما همبيل .
- الخرسانه الشركه البريطانيه .
- الالمنيوم قطاع الوليد الدرايش كلها دبل اكشن وشتر كهربائي .
- الابواب الرئيسية بريزما للالمنيوم .
- الكهرباء النصف .
- المصعد الزاحم السيف الذهبي .
- التكييف ريم .
- السيراميك والجرانيت واطقم الحمامات والخلاطات... حسن ابل والشايع والسويد .
يعني للامانه ماحطيت شي تجاري .
لو ابي ابدل بجابر في اي قطاع بقسيمه غير مبنيه موقع زين (او شمال غرب الصليبخات) جم تتوقع يدفعون الفرق .
والموضوع مجرد فكرة يعني ماهو قرار نهائي ولاهو عرض للبدل بس ابي اخذ فكره عن الاسعار .
والسبب ياطويل العمر تحسفنا مابنينا سرداب