دوام الوزارات

[فيصل امير]

السلام عليكم
شباب الدوام بالوزارات لازم لبس رسمي يعني دشداشة وغترة وعقال ولا عادي على كيفك

 

[Winchester SX3]

وعليكم السلام

لا عادي بمكسر وفانيله!!

أكيد لازم بلبس رسمي الله يهداك!! إما دشداشه وغتره وعقال ولا بدله رسميه

خوش دوام ألبس على كيفي

 

[فيصل امير]

لا مو قصدي بس عادي بنطلون وفنيلة يعني

 

[هامور 2000]

يا الحبيب لازم اول يوم اداوم مغتر و شوف الوضع لان اذا شباب بتلقي كل شي لابسين اما اذا شياب بتورط و بتغتر كل يوم

 

[general]

الرجال يقصد من ناحيه القانونيه انا عن نفسي مر عليك كثير من الوظائف مكتوب بالعقد الالتزام بالزي الرسمي الكويتي (غتره وعقال) لكن ان ماكان في بند معين بخصوص هل مجال فتلبس الي تبي تلبسه لكل مثل مايقولون بالنهايه لازم تلتزم بالاعراف

 

[مكتتب]

لا يبا جينز وتي شيرت يمشي الحال

انا صارلي خمس سنوات وانا لبسي جينز وتي شيرت

وعاد دير بالب ترا البرمودا والشوت ممنوع ممنوع ممنوع

اللهم اني بلغت اللهم فاشهد

والاخوان الي يقولون لازم بدلة رسميه

اقولهم انا اكثر واحد يتحول الشؤن القانونيه لدرجة مرة كل اسبوعن

ولا واحد فيهم قالي هذا البس مممنوع

وبعدين انا ادش عل المدير الي عننا بالدوام مرة كل يو مين

ولا مرة كلمني عن لبسي

 

[mxxy]

الكلام الرسمي المتأكد منه كالاتي :-

للبنوك - للوزارات - لبعض الشركات .


1- دشداشة و غتره وعقال .

2- بدله رسميه مع كرفته وشرط الكرفته ، ( لو تاخذ بدلة اوباما بس بدون كرفته هم ما ينفع لازم كرفته ، ولو ادش لهم بمكسر وبدون فنيله لكن لازم كرفته احتمال عادي ) .


------------------------------------

عقب ما تتعرف على الموظفين وعلى الجو وحسب عملك أو وقت دوامك ومسؤولك ومديرك : ألبس الي تبيه لكن طبعا ما يكون غريب . وخاصتا لو بالقطاع الخاص .

ولاحظ ان لو دوامك فيه شفتات يعني NIGHT أو Afternon فتلبس شي ريحيك انت أو حسب طبيعة عملك .


بس نصيحتي لك تره الغتره والعقال وايد افضل حق الدوام . بس دربالك تحط قلم او ساعة رولكس مو برستيج كلش ( اسولف يعني ) .

 

[ابن عمير]

شنو الاخ مادش وزاره ولا مره
كل وزاره على حسب مثل الاوقاف والعدل ما ينفع الا الغتره
وحسب الاقسام والاماكن اللي انت فيها ...

 

[فيصل امير]

لا والله اخوي انا ولا وزارة دشيت توني متخرج وبتوظف ومتعود على البنطلون اريح واخوي