جهاز iPad الجديد كلياً من شركة أبل, احجز كميتك لتاريخ 15-5-2010

[BMW X6]

جهاز ولا أروع, هذا الي اقدر اسميه حق الجهاز الجديد من شركة أبل العملاقة والي يبي بشوف الجهاز ومواصفاته على السريع هذا هو الفيديو يختصر كل شي عليه http://www.youtube.com/watch?v=y2Hz8dhQw8Q

إلي يبي يحجز من الحين

الجهاز يشغل فيديو ويركبوله كل البرامج الي على الآيفون, وممتاز لتصفح الإنترنت والإيميلات وحق الي يحب ينظم وقته بالرزنامه وتنبيهاتها, وممتاز لتصفح الصور والملفات والبريزنتيشن. يعني كل شي تبيه موجود والشاشه لمسها وسرعة استجابتها مثل الآيفون بالضبط. والجهاز فيه GPS وتقدر تنزل عليه برامج ملاحة الخليج. وهذي بعض الشغلات الحلوه بالجهاز http://www.apple.com/ipad/features/

وصور الجهاز بالمرفقات موجوده. الجهاز حالياً مافيه عربي, ولكن اليوم مكلمهم وقالوا راح ينزلون له ابديت فيه عربي. الجهاز راح يكون موجود في أمريكا آخر شهر 3, والطلب صعب في هذي الفتره لأن الجهاز راح يخلص بسرعه, عشان جذي الموظف قالي افضل وقت تطلب هو آخر شهر 4. والجهاز يطول اسبوعين لين يوصل بالشحن

سعر الجهاز 16 GB هو 250 دينار (150 دينار سعر الجهاز الأصلي + 22 دينار ونص سعر الضرايب + فلوس الشحن 50 دينار + ربحي انا 27 دينار ونص)
سعر الجهاز 32 GB هو 280 دينار
سعر الجهاز 64 GB هو 310 دينار

واذا نزل الكويت السنه اليايه, شوفوا سعره جم وقارنوه بالأسعار الي حاطها

هذي وصلة اسعار الجهاز http://www.apple.com/ipad/pricing/

الأسعار هذي للجهاز الي من غير خدمة 3G يعني تشبك فيه بالوايرلس, اذا تبي الـ 3G أسعاره موجوده, بس زيد عليهم فلوس الشحن وسعر الضرايب + ربحي 27 دينار ونص

كل شي جدامكم واضح والأسعار والربح والرزق على الله سبحانه وحده لاغيره

 

[UNIX]

مو بس جذي!

تقدر تركب عليه وندوز 7 أو أكس بي

انا ان شاء الله بروح الصيف أمريكا و بييبلي واحد، بس ماني ماخذ بو 3 جي، لأني بشتري راوتر فيفا المتنقل

القصد من الكلام، انه يصير كمبيوتر متكامل، و أول مرة شركة أبل تطرح جهاز تكنولوجيا ثوري "اختراع جديد" بسعر أقل من 2000 دولار و حتى 1000 دولار.

 

[BMW X6]

مو بس جذي!

تقدر تركب عليه وندوز 7 أو أكس بي

انا ان شاء الله بروح الصيف أمريكا و بييبلي واحد، بس ماني ماخذ بو 3 جي، لأني بشتري راوتر فيفا المتنقل

القصد من الكلام، انه يصير كمبيوتر متكامل، و أول مرة شركة أبل تطرح جهاز تكنولوجيا ثوري "اختراع جديد" بسعر أقل من 2000 دولار و حتى 1000 دولار.

يعطيك العافيه اخوي ومشكور على المشاركة القيمه والمفيده, الصراحه ماكنت ادري ان تقدر تنزل عليه وندوز 7 أو اكس بي ! انا كنت مصمم اني اشتري الجهاز حقي, بس الحين مصمم ونص !
وانا عن نفسي ماراح آخذ ال 3g مثلك, باخذ العادي واشبك فيه من راوتر فيفا!

مشكور وتروح وترجع بالسلامه اخوي

 

[hind.86]

الجهاز مو صج

لكن سؤالي اهو كمبيوتر عادي ولا استخداماته مثل الايفون بس

يعني اقدر انزل افلام مثل الكمبيوتر من وصلات الرابيد شير

واهم شي الفوتوشوب لاني اصمم فوتوشوب

وسؤال بعد بالكمبيوتر تقدر مثلا تبطل مواقع واغنيه ولعبه وتسوي كل شي بنفس الوقت
هل هالجهاز نفسه لانه مثل ماتعرفون الايفون مايصير هالشي .

وهل في برامج خاصه حق هالنسخه

ومشكووووورين

اذا فعلا كمبيوتر انا بحجززززززززززززززززززه من الحين

 

[hind.86]

ونسيت بعد هههه متحمسه حق الجهاز

ابيه مع الجنطه والكيبورد واذا معاه ماوس بعد ابيه

 

[BMW X6]

ونسيت بعد هههه متحمسه حق الجهاز

ابيه مع الجنطه والكيبورد واذا معاه ماوس بعد ابيه

السلام عليكم,

اختي بالنسبة للجنطة والكيبورد, دشي على الموقع وشوفي شنو الجنطة الي تبينها, بس اختاري جنطة خفيفة عشان الوزن يطلع ارخص عليج, هذي نصيحتي

وبالنسبة للفوتوشوب, في App للفوتوشوب من ال App store وراح ينزلون النسخة البروفيشيونال ان شاء الله

اما بالنسبة للأفلام, أي شي يشتغل على الــ Mac والآيفون وال iTouch يشتغل على الجهاز

الجهاز انا شخصياً متحمس له, وشاريه شاريه ان شاء الله, وانتي بنفسج شفتي الفيديو, ومنها حكمي بنفسج اذا يناسبج ولا لا

تفضلي هذا الفيديو الثاني, يمكن يقولج بصورة اكثر عن الجهاز http://events.apple.com.edgesuite.net/1001q3f8hhr/event/index.html
طقي على Low اذا الانترنت عندج بطيء وشوفي الجهاز ومواصفاته بصوره ادق

لا تشترين شي الا اذا مقتنعه فيه, انا مابي اربح وباجر تقعدين تلعنين فيني, ماتسوى علي هالـ 27 دينار

 

[BMW X6]

للرفع

 

[general_q8]

هالـ 27 دينار الله يوفق من حقك لو تقول 50 ربحك بس الشحن 50!!!!!أشلون
أذا تبي أرخص أرامكس أول نص كيلو 3دنانير والباقي 2ونصف