منو جرب او اشترك بسرعات زين 21 ميجا ارجوا الدخول للمشتركين

[ابو بندر2000]

اخواني الاعزاء انا ابي اشترك بسرعات زين الفائقة السرعة 21 سؤالي :

ماهي اقل سرعه توصل لها في وقت الذروه ؟
وهل في مناطق معينه تقل فيها وماهي اقل سرعه ؟
وهل فعلا توصل الي اكثر من 14 ميجا في اقل الاحوال ؟
هل تنصحوني فيها ؟ وشكراااا

 

[nxman]

من تجربه زين 21.6 ابطأ من فيفا 7.2

 

[ابو بندر2000]

معقل !!!!!!!!!!!!!

 

[تاجر 2008]

ابوبندر

بشرح لك تجربتي كان عندي زين بو 27 ويعطيني داون لود 350 الي 550 ومرتاح جدا

ويوم نزلوا خدمة 21 ميغا طاح الداون لود لل 200 عندي باحسن حالاته

فقلت سياسة شركه علشان ارفع اشتراكي وكنسلت زين للابد

وبعدها بجم يوم اخوي شرا ال 21 ميغا وانصدمت انه الداون لود ما يطوف ال 300 باحسن حالاته

يعني شين عالم جميل !!!!!

حاليا وطنيه بو 13 والداون لود من 80 الي 120 وراضي بالشي البسيط

موفق يا غالي

ولا يغرك كلام موظفين زين يطوف 14 يقول

يطوف 14 طل بعيونهم !!!!

اخوك بونرجس

 

[ابو بندر2000]

مشكور اخوي بونرجس علي الكلام الطيب

 

[أبو ناصر العجمي]

فيفا وأقطع الكلام ...

 

[المنظور الشامل]

شباب أنا عندي زين ب 27 وعندي فيفا وزين صارلها عندي تقريبا 2 ونص وكان ماشي حالها لكن بعد زيادة اعداد المشتركين قل قوتها حاليا فيفا أحسن لأن عدد المشتركين أقل فكل ما خف الضغط قوة الشبكه وكل ما زاد قل ولكن نصيحه أبعد عن وطنية مشاكله وايد والكل يشتكي منه

 

[الحريه وطن]

واحد من الربع اشترك فيها ومايمدحها