الفزعة يا أصحاب أميرتريد قبل يسكر السوق!!!!

[$$ الطمـــوح $$]

السلام عليكم


ياشباب أنا جيت ببيع أسهم Tmta


لكن الوسيط يرفض اللي فهمته إنه يقول الكميه كبيرة وغير موجودة وانا مشيك عليها وحاط نفس الرقم


ويعطيني هذا التحذير


أرجو المساعدة

 

[الحسيني]

اخوي الطموح

السلام عليكم ورحمة الله وبركاته

الظاهر انك حاط أمر ستوب لوس أو أمر بيع سابق

اذهب إلى صفحة الأوامر واحذف أي أمر سابق خاص بسهمك ... ثم اعمل أمر بيع جديد

أعتقد هذي هي المشكلة

توكل على الله

موفق

 

[$$ الطمـــوح $$]

هلا أخوي الحسيني وش أخبارك؟؟

كيف التداول معك بعد الدورة إن شاء الله تحسن؟؟

الله يعطيك العافيه

فعلا من العجلة ما شفت لأني طلبت منه وطلعت وأحسبه مانفذ :d


المشكلة إنه نزل عن السعر اللي أبيه!!!

الله يجزاك خير أخوي الحسيني

 

[الحسيني]

حياك الله اخوي الطموح

الحمد لله أنا بخير وعافية

وبالنسبة للتداول الحمد لله ..... ولكن لا زال الخوف من السوق يسيطر علي .... من أثر المصيبية (اللي انت خابر) :d ... ومع الأسف أتعب على تحليل السهم وأحدد نقاط الدخول والخروج والمدة .... ولكن بمجرد أن أرى السهم نازل للتصحيح أبيع بلا شعور .... والنتيجة تعرفها (خساير في خساير) ... وأبقى أتابع السهم بعد البيع وأشاهده يحقق الهدف زي الحلاوة وأكثر .... لكن تكون فلوسي في المحفظة وخسرانة وهم ساجنها أميريتريد 3 أيام :d

وأنا الأن متوقف عن التداول خصوصاَ بعد ما حصلت على المارجن من أميريترد لأني ناوي أضارب بشكل يومي .... وما ودي أبدأ إلا بعد وضع استراتيجية للمضاربة اليومية ... ويتهياً لي هذا هو الحل الوحيد لمشكلتي ... لأني ياما أسهم شريتها وارتفعت 25% ويكون الهدف طبعاً أكثر من ذلك إلا أني لا أنتظر تحقيق الهدف وأبيع من أول نزول للتصحيح وأقل خسارة أخسرها العمولة ..... وإذا عندك نصيحة انصحنا.

وبانسبة للسهمك إذا ما بعته اليوم لعل الله كاتب لك رزق أفظل فيه غداً.

موفق أخوي الطموح وإلى الأمام

أخوك

أبو هاشم

 

[$$ الطمـــوح $$]

هلا وغلا أخوي الحسيني<<<ماوراه شيء سكر السوق وماباع


ياويلي من قاصد كريم إعرف إني مابعت


بالنسبة لي وأنا أخوك ماخذها تسلية أدخل متى ما أبي وأطلع متى ما أبي بالنسبة للتداول حتى بعض الأحيان أسكر الكمبيوتر وأنسى الستوب لووز

وهذي نقطة حرص عليها الإستاذ سيف

وتورطت بسهم ومخليه معي مابعت حتى يرجع رأس ماله على الأقل كل مادخلت أتصبح بوجهه

وهناك سببين :

1_عدم التفرغ لضيق الوقت مع الدوام(شفتات)

2_ صغر رأس المال

بس تصدق بسبب صغر رأس مالي أطمر طمرات غبيه وأقول هي خاربه خاربه خلينا نعميها

مره تصيب ومره تخيب بس الأغلب تخيب

بس الحمد لله الخسائر ليست كثيرة <<<من كبر رأس المال

بس فعلا يمكن أنا قريب منك أوصي بعض الأحيان وأسجلها عندي وأخليها ولما أدخل التداول أشوف أسهم مرتفعة أتهور وأدخل بعضها تواصل ومنها حبيبتي Ison والبعض أول ما أدخل تدتحدر

واللي أدرسها بعدين أشيك عليها ألقاها وصلت الهدف والبعض تزود

لكن مانقول إلا أرزاق مقسمة وأنا أخوك والله يكتب اللي فيه خير


وبالتوفيق لك أيها المحلل السياسي

وعقبال ما نشوفك ب CNN وتتكلم بالعربي والعالم ترجمة وراك

والله يوفق الجميع

 

[الحسيني]

وعقبال ما نشوفك ب Cnn وتتكلم بالعربي والعالم ترجمة وراك :d

يالزميل يقولون لا طاح الجمل اكثرت سكاكينه

وأنا استاهل المسخره من زميلي :d